EFESNA 3:3 - Boy Lonana

³ Lona takan u dlaamba ŋgayra irin a an wam u ŋgol mamba kiyo, an ɓiirigi magaara ha nde ni kay boy namma.

EFESNA 3:3 ပူးပေါင်းရင်းမြစ်များ

GALATENA 1:12

An fam ay ni ka ko saɗi, sa haɗanna kaɗi lay. Yesu Kristu takanna ni namu.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

EFESNA 3:9

Kay a suuna halaŋ mba wi u tlesuu ŋgayna vi Lona kiyo, Lona ma li tlena halaŋŋa dlaamba ay dayra nam ŋgayaɗ ay na gak gak.

EFESNA 3:4

Kay ndum boy namma wanni humugi hin gagi kay dlara ŋgayra a waɗta, ni kay Yesu Kristu.

SUNDA 22:17

«An hoŋ ha Yerusalem hoŋŋi tuɗ a cen Lona hu Ziŋ Lonara ni vana tak tam irinu.

SUNDA 22:21

Bu Suuna dan ana, Tuɗa, an min sunuŋ hu li ma dayna eg suu ka njaf suu Juifnaɗina.»

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

SUNDA 23:9

Asi tum soora kolo coco na ɗow, suu ŋgolo suu haɗ gaɗta duk suu Farisenna yow kolo u dlara eŋga di ana, «Sana wanni ami fi va ma co ka hurumbi, lini ŋgussa kala, sa sunda huulona kala, dam boy ni diya.»

2 KORINTNA 12:1

Lini nanagelay ni an ŋga tanu ŋga tara ka maɗ jiviɗi lay ni an min ɓak cecemi kay va ma tak tam irinu u dlara ŋgayra ta Bu Suuna takandara.

EFESNA 3:6

Gola ni dlara ŋgay ndaɗta u Boy ma Ayra, suu ka njaf suu Juifnaɗina ndak a yow jona vi Lona ma nam ŋgaam maŋ suu mammana, asi taɓi hu mbalatara dewra, fi ɓorow masina u vun Lona ma nam vam hu Yesu Kristuna.

EFESNA 6:19

Cenegi Lona kanu a Lona ɦan boy ma jivina hu li ma an a damma, kay an a di u eŋga a tak dlara ŋgayra vi Boy ma Ayra kiyo.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 4:3

Cenegi kamiya, kay Lona mba ɦami voɗta jivira a di boy mamma ŋgayna vi Kristu, an ka cecemi daŋgayna ni kay boy mamma ŋgay namma.

HEBRENA 13:22

Gorsenna an cenegiya, boy ma soogi hurugina wanni agi humum u lalamba, kay boy ma an ɓiirigina hu magaara wanna ka ŋgolɗi.

1 PIYER 5:12

An ɓiirigi goo magaara ha ew ha ko wayaygina Silas ma ɗegeena. An min ɦagi saɓakŋa kay oora vi Lona ta gasira lakagi en u oo ndaɗta.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.