EFESNA 3:20 - Boy Lonana

²⁰ Nammi sa ma ndaki a li tlena halaŋ su kay suu ay saa kasina lay, joɓosi layna day.

EFESNA 3:20 ပူးပေါင်းရင်းမြစ်များ

2 KORINTNA 9:8

Lona ndaki kay a ɦaŋ tlena zeɗ zeɗ su lay kay agi mba fi tlesuu agi minisina halaŋ, usi mba hin kogi a ndakagi kay sunda jivira bel lay.

ROMMA 4:21

Nam vi ki gasi ana lini nanagelay Lona ndak li u va ma nam damma.

JEREMI 32:27

«An, Yawe, ni Lona vi suuna halaŋ, na ni dlara hin li kan loɓma ka su?

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

1 KORINTNA 2:9

Ko magaara dira na, «Sa ma wi boy namma ay kaɗi lay, ma hum kaɗi lay, sa saa ka kambi ni kay mege, Lona min tle asina ni kay suu minimma.»

EFESNA 1:19

Agi mba wi saɓak ma mbuɗ mbuɗta ma nam ɦam maygi aygi suu vinana. Saɓak namma Lona takam ki u eŋga ŋgolla

JEREMI 32:17

«Bu Suuna Yawe, aŋŋi sa li huulona u ndaŋgara lay u saɓak maŋ ma ŋgolnana. Aŋ ɦal saɓak maŋŋa kiyo, va ka kaŋ loɓbi.

HEBRENA 7:25

Nam ndak suɗ suu mba eg Lona u semma kiyo, cecemi lay a fafatɗa, nam ka iiri tew tew, cen Lona kasiya.

EFESNA 3:7

An mbuɗ ni sa sunda vi Boy ma Ayra u ɦala vi Lona hu jivi mamba ɦan saɓak mamma li sunda.

ROMMA 16:25

Geleɗeygi Lona nam ndak a mbuɗuygi saɓak hu vira u Boy ma Ay ma an ka damma, dla mayra an ka daɗ kay sem Yesu Kristura, u dlara ŋgayra vi Lonara ta aygi haɗaɗta. Dlaamba ŋgay ndaɗta ay ki ni ŋgay day day sa ka waɗɗi.

1 MULINA 3:13

Tlesuu aŋ joɓosi kaɗina lay ni an hin ɦaŋsina. Ҥiza u bibiŋilla, hu iiri maŋga kay ndaŋgara halaŋŋi sa ma li ko aŋ na kaɗi, duk muli suu ka kay ndaŋgarana halaŋ.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

DANYEL 3:17

Lini Loomi ma ami sunumma ndak a buɗumi kiyo ni, nam buɗumi ki hu zulla kura ŋgik ŋgikka koŋu, mulna.

KOLOSNA 1:29

Kay a li u sun ndaɗta wani, an li sunda njogoɗ u saɓak ma Kristu ɦannana, saɓak namma li egen ni namu.

2 DLAŊ MULINARA 25:9

Amasiyas hin di sa ma vi Lonna ana, «Gursu ma an cukum ha ki coco maŋ suu asgaarina suu Israelna wanna an hin lam ni nana mayge?» Sa ma vi Lonna hoŋom dira ana, «Yawe ka u tlesuu nam hin ɦaŋsina su gursu ma aŋ cukum ki wanna.»

Boy Ma Ayra Ma JAŊ Ɓiirimma 10:10

Sa kulna mba ni kay kulla, kay ci maɗna lay, ɓeŋ tlena ki lay. Anu, an mba ni kay suuna a fi iirira jivi ŋgolla.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

Magaara JAK Ɓiiriɗta 4:12

Lona dew ɦal gaɗta ni nam lay, kaɓakŋa ni nam lay. Nam dew ndak a suɗ sana ki ni nam lay baam ki ni nam lay. Aŋ sa ma kaɓakŋa kay ndaraŋŋa aŋŋi ge may ɗaŋge?

1 TIMOTE 1:14

Bu Suuna mayna kuluɓun oo mamba ka daɓ kiɗira kanu. Nam mbuɗun sa vina u minda aygi taɓi hu Yesu Kristu u ndaɗta.

DANYEL 6:20

Na ɗaŋŋi mulna col kolo yoŋgo na colol ŋgarpiira tuɗ ha fun zul dlona na zak gaw.

HEBRENA 11:19

Abraham vi ana Lona ndak a col Isaak ki kolo iiriya, Abraham hin fi Isaak ni wili gadla olo, ana Lona colom ay kolo iiri duk suu miɗina.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

EZAYI 35:2

Ko asi halaŋ ɓoo, asi weɗ koloo, luura, sawalla furira. Bibiŋilla vi gu ma Libanna ɦasira ki wa. U ŋgolla vi ɦinira Karmella ura Saronda lay. Suuna hin wi bibiŋilla vi Yawe wi ŋgolla vi Looyginara.

MATIYE 3:9

Saaragi hurugi ana, Abraham ni bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?

2 SAMUEL 7:19

Doli ɗini dla ndaɗta ni ew iriŋ tuwa Bu Suuna Yawe, aŋ ɓak kay ziŋ saaŋ ma sundara ki ni jew day day. Boy namma hin li ni haɗta vi suu warna su Bu Suuna Yawe?

SOOLLA VI SALOMON 5:1

Galanda, an kal ay ki hu sene manna wa, an ka feɗ gi mir u ndondoy mansina. An ka ti se yum manna u mbulumu, an ka ci sum veŋ manna u mbiira. «Banayanna, mbaagi ay tagiya, agi cagiya, guruɗugi may, galayanna.»

URA TIN AYRA 18:4

Hin asi halagi yo ay mbusugi segiya, lakagi kaŋga u ŋgusna koɗogi tagi nde.

2 DLAŊ MULINARA 9:12

Mulna Salomon di ca mulla Sabara ana ndaɗ joɓ tlesuu ndaɗ minisina halaŋ ko ndaɗ minda na, caa yaɗ ka kay tlesuu ay kaɗnaɗi. Ŋgoo dagan ndaɗ hin hoŋ vo u suu sun maɗsina may.