EFESNA 3:10 - Boy Lonana

¹⁰ Kay mulla u ŋgolla kolora halaŋ mba wi nera vi Lonara bay daɓpa zeɗ zeɗ eg suu vi Kristuna.

EFESNA 3:10 ပူးပေါင်းရင်းမြစ်များ

SOOLLA 103:20

Gagi deɓpa maŋ Yawe, agi suu sunda huulona, agi gorzoŋi mamsina, lagi u min mamba. juɓugi ni boy ma nam damma.

SOOLLA 104:24

Yawe sun maŋga ndaɗ bolow cocoo, aŋ laɗ halaŋŋi u yalna, tlesuu kay ndaŋgarana halaŋ aŋ lasi ni aŋu.

EZEKIYEL 3:12

Ŋgoo dagan Musuk Lonara tlan kiyo. An hum della ay ŋgoron dagan u kokona ana, «Gi deɓpa maŋ Yawe hu li ma nam tak tam ki u bibiŋil mambana.»

ROMMA 11:33

Ҥizza vi Lonara ŋgolla nera u wiimba zul ɦay. Sa hin ndak a gam u dlaam ndaɗta kina ni gege? Va ma ŋgaamma sa ndak a humum um kina ni gege?

ROMMA 8:38

An wi ki gasi gasi ana va ma ɓorowoygi duk ɦoŋoy ki u min mamba kaɗi, miɗnaɗi lay, ka iiriraɗi lay, ka suu sunda huulonaɗi lay, ŋgolla daŋga u saɓak ma kolo huulonaɗi lay, ka dlara cecembaɗi lay, kara fokkaɗi lay.

1 KORINTNA 1:24

Kay suu Lona yasina, lini suu Juifna lay suu daŋŋa lay, Kristu ni saɓakŋa u nera vi Lona.

1 KORINTNA 2:7

An dini kay nera vi Lona ta ŋgay ii suu neeyna Lona ŋgaɓaygi ŋgolla ay ni maygi aygi hu li ma duliyara bay li tuwa.

EFESNA 1:21

Hu li namma ni Kristu kak ki a ŋgolla kay ŋgolla halaŋ, saɓakŋa u eŋga halaŋŋi komu, kak ki kay suuna u semma ka yina yina halaŋ, ka kay suu hu duliyarana tani holɗi, ni kay duliyara hin mbay fokka lay.

EFESNA 1:23

Suu vi Kristuna ni mbalata Kristu, Kristu ka iiri hu tew tew, nam ndak ki kay duliyara halaŋ.

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

EFESNA 1:8

Nam ɦaygi oo mamba ŋgolo u nera halaŋ u yalna halaŋ.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

KOLOSNA 1:16

Lona min tlesuu kolo huulona, kaŋga kay ndaŋgara lay halaŋŋi u namu, tlesuu suuna wasina u suu sa ka wasiɗina, dlamba mulla, u eŋga, u ŋgolla, garaŋga. Lona lasi halaŋŋi u namu ni mam nam lay.

KOLOSNA 2:10

Agi fi tlena halaŋ u taɓpa u namba. Nam kaki kay ŋgolla kolora lay kaŋgara lay halaŋ.

KOLOSNA 2:15

Hu gu garakŋa vi Kristu, Lona tli saɓakŋa u ŋgolla vi fuli suu cona kiyo, mbuɗusi ki zolona fok suuna ko suu daŋgayna na, kay goromma ti wa.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

1 PIYER 3:22

Nam i kolo kaki kay bik ko Lona ma njufna. Nam kak mulna kay suu sunda huulona u suu ŋgolona u suu saɓakŋa ha kolo huulona.