EFESNA 2:2 - Boy Lonana

² Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

EFESNA 2:2 ပူးပေါင်းရင်းမြစ်များ

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

Boy Ma Ayra Ma JAŊ Ɓiirimma 12:31

Cecemmi, suu hu duliyara wanda ii ɓak masina hin ka kiyo. Cecemmi mul ma hu duliyara hin a dik ki lay.

EFESNA 5:6

Hin sa a ganagi yagi u boy ma ɦay ɦaynaɗi, yara vi Lonara hin mba kay suu ka hum umbina ni kay cora ko ndaɗta nara.

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

1 JAŊ 5:4

Kay me goryoŋ Lonna su ki kay duliyara, gola va ma takaygi ana aygi su ki kay duliyara ni huruygi ma tini kamma.

1 JAŊ 3:10

Ni va ma tak goryoŋ Lonna ki jivi ɗal ɗal u suu vi Satannana, sa ka li dlara ɗegeeraɗi min wayammaɗi layna, ni ka goŋ Lonnaɗi.

1 PIYER 1:14

Humugi u Lona, lagi u min magira jewra agi ka wi vaɗiraɗi.

WIRA ŊGAYRA 20:2

Nam vi dragoŋ, guy ma basina, Fulna, ni di ana Satanna, njunum ki kaŋga kay li basara bup dew.

1 JAŊ 4:4

Agi goryon may ni, agi ni vi Lona, agi su ki kay suu jok vun Lona suu cona lay, kayme Musukka hurugira su ki kay musukka vi duliyarara.

1 PIYER 4:3

Agi ay jew basara ŋgolo lagini ko suu bay vina lira na, lagi dla cora, ŋgiziɗ tlena vi suuna, guruɗ u summa, luu dam dam, luu ma ci summa, li ɓivun ma njenjena maŋ fulina.

KOLOSNA 1:21

Agi may ni li ay ki jewni eg Lona day, agi li ay jewni suu mam suu babalira, kay saara cora agi ka laɗta.

GALATENA 1:4

Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

Magaara JAK Ɓiiriɗta 4:4

Agi suu ka ɗegeeɗina li galamba u duliyara ni sa ma gonokka u Lonnaɗi su? Sa ma li galamba u duliyara ni sa ma gonokka u Lonna.

1 KORINTNA 5:10

Saa manda ka ana agi taɓ u suu hu duliyara halaŋgira ka naɗi, suu li dla cora, suu ŋgiziɗ tlena vi suuna, suu kulna, suu cen lo ɦawana, agi noyosi ki halaŋga ni agi cuk ki hin duliyara kiyo.

SUNDA 5:3

Piyer joɓom ana, «Ana nias aŋ hin Satanna a kal huruŋ a ganaŋ yaŋ a kaboyna eg Musuk Lonara ni nanage? Gursura aŋ gus senena ay kira aŋ hiniɗ ki koŋ amege?

Boy Ma Ayra Ma JAŊ Ɓiirimma 15:19

Agi li ni maŋ suu hu duliyarana ni, asi hin minigiya, kayme agi ki ni masisina. An ŋgaɓagi ay ni anu, ɓaɗagi ay ki ko suu hu duliyara na ni agi ka masi oloɗi. Ni kay ndaɗta, suu hu duliyarana noyogi ki, ni na.

Boy Ma Ayra Ma JAŊ Ɓiirimma 14:30

Cecemmi, an hin ka ɓak u agi ŋgol oloɗi. Mul ma hu duliyarana mba wa. Saɓak mamma ka tew egenɗi.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

JOB 1:7

Yawe joɓ Satanna ana, «Aŋ col ay ni arage?» Nam hoŋom dira ana, «An ay ni kay ndaŋgara a poyoɗ yaɗu.»

2 PIYER 2:14

Irisi hal ni dlara zoŋga, cora ka ndakasi liraɗi, asi ganyam suu maŋina, hurusi oyra u kurufuk begera, givun ma vi Lonna ka kasiya.

Boy Ma Ayra Ma JAŊ Ɓiirimma 16:11

Asi viɗ tasi kay ɓakŋa vi Lona ni kay mulna vi duliyara ɓakŋa ki kaay kam da.

Boy Ma Ayra Ma JAŊ Ɓiirimma 13:27

Yudas vi fu namma na gaw ni, Satan kal hurum gaw. Yesu dam ana, «Va ma aŋ lamma, lam ki zak gaw.»

Boy Ma Ayra Ma JAŊ Ɓiirimma 13:2

Yesu u suu haɗi mamsina laki ti funa. Satanna ŋgaɓ Yudas goŋ Simon Iskariyotna a ɦal Yesu kiyo.

Boy Ma Ayra Ma JAŊ Ɓiirimma 8:23

Yesu hoŋosi dira ana, «Agi col ay ni hu duliyara tani, an col ay ni kolo huulona may. Agi ni duk suu kaŋga hu duliyarana, an ka dukusi koɗi.

Boy Ma Ayra Ma JAŊ Ɓiirimma 7:7

Suuna halaŋ hurusi ka egegi coɗi. Anu, asi hurusi egen coo kayme an di ana dlara asi laɗta ni coo.

MATIYE 13:38

Senena ni hu duliyara halaŋ. Njaf ma jivina ni suu tin hurusi kay Mulla huulonara. Ciŋrira ni suuna vi Sa Cona.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

Magaara JAK Ɓiiriɗta 1:7

Sa ma ko ndaɗta nana saa ana nam hin fi va ko Bu Suuna naɗi.

2 TIMOTE 4:10

Kay Demas hinin ki wa kay nam min tlesuu vi duliyara ŋgolo, nam tuɗ Tesalonik wa, Kresens tuɗ Galati, Tit tuɗ Dalmati may.

SUNDA 19:35

Sa ŋgol ma ɦoŋzina ma ɓiirisi dlaasirana seŋ suuna di ana, «Agi suu Efesna suuna hu ndaŋgara halaŋ wi ana ɦoŋzi ma Efesna ni li ma ŋgolna vi zira vi Artemis ta ŋgolla ni tani. Va ma tli tam ko ndaɗ nana ndi ay kaŋga col ay ni kolo huulona day.

Boy Ma Ayra Ma LUK Ɓiirimma 22:31

Yesu di ana, «Simon, Simon, Satan joɓ saɓakŋa ay ana hin kisikigi ko ndal suuna kisik ii wana ki duk barra na.

Boy Ma Ayra Ma LUK Ɓiirimma 16:8

Mul ma vi sa li sunda co namma geleɗem kay mbeleŋŋa nam lammana. Kay suu kay ndaŋgarana li mbeleŋŋa duk ɦoŋ tasi u tlesuu vi ndarayasina su suu hu kiɗikkana.»

MATIYE 11:19

Goŋ Sanna mba wanni ti funa may, ci may, agi ɓak kam ana, Ni sa kurufukka. Gola ni sa ma saa tina u ci summa layna banayamma ni suu vi taara u suu cona. Doli ɗini nera vi Lonara tak ki ni u dlara nam laɗta.»

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

EZAYI 57:4

Agi a panagi ni gege? Agi ɗus irigi ni eg gege? Agi tanaɗ sinigi ni u gege? Ni ka agi gor suu yagi eŋŋaɗi su? Ni ka agi njaf suu kaboynaɗi su?

SOOLLA 17:14

U koŋ aŋu, Yawe, suɗun ki ko suu asina. Asi halni tlesuu asi minisina halaŋ. Hu li ma asi ka hu duliyara, oyosi saa masira u lassa. Las ndaɗta hin ha kay goryosi lay. Goryosi hin hiniɗ ha maŋ masisina may.

JOB 31:7

Lini sen tuɗ voɗta coo, lini hurun tuɗ ni u irin ɗegee may, lini kon ŋgen va ma njenjee,

WIRA ŊGAYRA 16:17

Sa sunda huulona ma kiɗisiyana vo yara hu kop mammara ha koloo, della hum ay eŋga kolo hu zira ŋgolla, ndaɗ ay ni hu li ma dlamba mulla huna di ana, «Li ki wa.»

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

Magaara Vi Sa Jok Vun Lona OZE 10:9

Ay hu buu ma vi Gibea na day ni ndak li suluku Israel, asi hin jok usi kaɗi. Duu ma kay suu ci maɗna na li ay ka ni Gibeaɗi su?

JOB 1:19

Babaa ma ŋgolna col ay ŋgoo bagi hu fulla na, mba geŋeɗ zira asi laki huruɗta. Ndaɗ bow kasi na halaŋ casi ki wa. An suɗ ay ki ni an na dew a mba jokoŋ boy nammara.»

JOB 1:16

Vunum bay ndi ga tu may ni, sa ma hiniŋŋa cowni dam ana, «Kura vi Lonara col ay kolo huulona ŋgal timigiina u suu taarasina ki halaŋ. An suɗ ay ki ni an na dew a mba jokoŋ boy nammara.»

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

MARK 4:19

hurusi ki tini kay tlesuu kay ndaŋgarana, begera mbaɗasi irisiya, asi gijaŋ saa kay tlesuu daŋŋa olo, tlesuu asina muruɗusi Boy Lonana ki hurusiya. Boy namma zul ka hurusiɗi.

EFESNA 1:21

Hu li namma ni Kristu kak ki a ŋgolla kay ŋgolla halaŋ, saɓakŋa u eŋga halaŋŋi komu, kak ki kay suuna u semma ka yina yina halaŋ, ka kay suu hu duliyarana tani holɗi, ni kay duliyara hin mbay fokka lay.

EFESNA 2:11

Agi suu vuɗ ka hu njafna vi suu Juifnaɗina, agi suu may suu Juifna yagi ana suu bay caw ɗiwra, yi tasi ana asi ni suu caw ɗiwra may, u dla mayra suuna laɗ eg mbalatasi ɦawara, humugi gagi kay dlara agi laɗ ay jewra.

EFESNA 2:13

Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

EFESNA 4:17

Gola ni va ma an col a dam u sem Bu Suuna poyogi ko suu bay vina tuɗ u saa masira cora na oloɗi.

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.

DLAŊ LEVIRA 11:16

tewketta, wiliwili kura, yerakka u layagi suu tli tasi u ndaɗna halaŋ.