EFESNA 2:14 - Boy Lonana

¹⁴ Kristu u tamba mbaaraygi heɓpa ni namu, mbuɗ suu Juifna u suu ka njaf suu Juifnaɗina ki hu njaf ma dewna, nam ɦal tam kiyo, gulumun ma ɓorow duk ɦoŋga u suu gonokkana nam toom ki wa.

EFESNA 2:14 ပူးပေါင်းရင်းမြစ်များ

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

KOLOSNA 3:11

Ni kay ndaɗta sa ma Juif kaɗi, sa ma ka Juifɗina kaɗi lay, ana sa ma ɗiwim cawina ɗowba bay cawra kaɗi lay, suu ka wi dlaɗina u suu haɗ dla kaɗina, mborɓiina u suu vuɗina, Kristu ni halaŋ hu gegelay halaŋ.

KOLOSNA 3:15

Ko heɓpa vi Kristu mba li hurugiya, Lona yagi ay u tagi halaŋŋi hu heɓ ndaɗta, lagi ko mbalatara dewra na u gi deɓpa.

EFESNA 2:15

Gaɗta vi suu Juifna u sun masira nam bulumusi ki wa, kay taɓ njaf suu mba' asina ki dew, kay asi mba taɓ u nam hu njaf ma wilina kay a mbaa heɓpa.

KOLOSNA 1:20

Ni na may nam min taɓ tlesuu hu duliyara halaŋ u nam hu goromma. Lona mba heɓpa kay duliyara u miɗna vi goromma hu gu garakŋa, ni nam taɓ dukum u tlena halaŋ u namu, hu ndaŋgara lay kolo huulona lay.

KOLOSNA 2:20

Agi miɗ ki u Kristu wani buɗ ki ko tlesuu hu duliyarana wa, agi hin poy ko agi ni vi duliyara tu na ni amege? Agi vi kagi a asi tinigi gaɗta kagi ko ndaɗta na ni kay mege?

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

SUNDA 10:36

Lona sun boy mamma ay maŋ suu Israelna, nam dasi Boy ma Ayra ana heɓpa ni hu Yesu Kristu nam dew ni Bu Suuna vi suuna halaŋ.

SUNDA 10:28

Nam dasi ana, «Agi wi ana suu Juifna hu viisira u Lona ni ka ŋgaf u njaf suu daŋŋaɗi, kal varasiɗi lay. Anu, Lona dan ana gol sa irin njenje ko ka ndaki a tuɗ varambi naɗi.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

Boy Ma Ayra Ma LUK Ɓiirimma 1:79

A gi u suu ay ki duk ndufundana kiyo, asi suu ay fun maɗnana. Kay tuɗuy hu voɗta heɓpa.»

MISE 5:5

Asi hin taa yoorina kay mbassa Asiri u ŋgewegina, kay mbassa Nemrodta u ŋgewegina lay. Nam tamba may ni buɗuygi ay ki ko Asiri hu li ma nam suu ay kay mbas maygira hin tooygi ii haka maygira kina.

HEBRENA 7:2

Abraham ɦam yam tlesuu nam fasi ayna halaŋ. Sem Melkisedek ni di ana mul ma ɗegeena, nam lay ni mul ŋgol ma Salemma, ni di ana mul ma heɓpa.

EFESNA 4:16

Mbalatara zeɗ zeɗta taɓi mbuɗ eŋga ni u sun mamba, mbalatara zeɗ zeɗta ŋgafi taɓi dew u va ma njunuɗna. Lini ɓorow maɗta zeɗ zeɗta halaŋ ka li sun maɗta jiviya ni mbalatara halaŋ hin wul hu minda.

EFESNA 3:15

Kay suuna halaŋ kolo huulona kaŋga kay ndaŋgara lay mba wam semma gasina.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

Boy Ma Ayra Ma JAŊ Ɓiirimma 11:52

ka kay njaf namma doy holɗi, ni kay tok goryoŋ Lona suu ki njayna halaŋ eg tasiya.)

ZAKARI 6:13

Sa ma min Ziŋ Yawera ni namu. Nammi sa mulla hin kak u namma, nam hin kak kay dlam mamba a ti mulla. Mul ma li ɓivunna hin kak kay dlam mamba may, asi u dlasi jak vunusi hin li ni dew kay dlara asi daɗta.

ESTER 3:8

Na ɗaŋŋi Haman di mulna Zerses ana, «Suu ka ki kay tasi ɓorowiya, irisi ka ki kaay duk suu hu ɦoŋzi ma aŋ ti mulla kamma halaŋ halaŋ. Gaɗ masira ki zeɗ u ta vi suunara halaŋ halaŋ. Asi ka li u gaɗta vi mulnaraɗi. Mulna hin a hinisi kaki ɦawa na enɗi may.

EFESNA 2:17

Ni Kristu mba di Boy ma Ayra vi heɓpa ni magi agi suu ka njaf suu Juifnaɗina, agi suu li ay ki day eg Lonana, maŋ Juif suu egem tokŋa lay.