EFESNA 2:13 - Boy Lonana

¹³ Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

EFESNA 2:13 ပူးပေါင်းရင်းမြစ်များ

SUNDA 2:39

Kay me ni vi vun ma vi Lonna, ni magi agi u goryogiya, maŋ suu ha ki egem dayna lay, maŋ suu Bu Suuna Lona mayna yasi halaŋŋa.»

EZAYI 57:19

An hin kalasi soolla geleɗta ay ki funusiya, ana heɓpa, heɓpa kaa, kay suu ha ki dadayna u suu totokŋa lay, di na ni Yawe, an hin garaɗasi kiyo.

1 KORINTNA 6:11

Suu ɦiw ay dukugi ko ndaɗta na. Coosira mbus ki wa, agi hin tagi kini maŋ Lona, agi mbuɗ ki cecemi ɗegee fok Lona u sem Yesu Kristu, u Musuk Lonara.

EZAYI 43:6

An di mbayawra ana, «Ҥansina aya,» di dalira ana, «Vasi haɗi.» Goryon suu ay ki hu mbassa dayra hoŋonsina aya, u goryon suu tamagina suu ay hu vun ndaŋgara dodora bel bel.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

SOOLLA 22:7

Anu, anni njufulna ɦawaa, ka sa warɗi, suuna ŋgulun cocoo, noyon ki lay.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

HEBRENA 9:18

Galamba jewra u taɗta lay ni ka fi saɓakŋa bay busuna vo kiɗi.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

SUNDA 22:21

Bu Suuna dan ana, Tuɗa, an min sunuŋ hu li ma dayna eg suu ka njaf suu Juifnaɗina.»

SUNDA 15:14

Simon dagi jew ana Lona min njaf suu ka Juifnaɗina, nam man suu dukusi ɦiw mbuɗusi ki a suu mamsina.

EZAYI 60:9

Na daŋ may, suu kay daarna ka tuɗ ay egenu, suu ay Tarsis dayna vogŋa ay ni masiya. Asi mbaa kemba ay ni na day. Asi mbay u doonora u lorra, kay a ŋgaaŋ Yawe, Looŋŋa. A ŋga ma teteɗ ma vi suu Israelna kay nam ɦaŋ kiɗik mambara.

EZAYI 60:4

Tli iriŋ kolo, gol gige, suuna halaŋ tok tasiya, mbay ni egeŋu. Goryoŋ hin mbay ni, col ay ni hu mbassa dayra, gorɓii maŋsina hin col saɓak cocoo.

EZAYI 49:12

Ay day lay ni suu mansina ka tuɗ ay huwa, suu daŋŋa col ay mbayawi, suu hiŋŋa ay u fiɗigina, suu daŋŋa col ay hu mbassa Sinimba may.

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

SOOLLA 73:27

Na daŋ may suu tuɗ ha ki egeŋ dayna hin ba kiyo, aŋ hin ɓalak suu goɓ lo ma ɦawana kiyo.

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

1 KORINTNA 12:13

Aygi halaŋ suu Juifna u njaf suu daŋŋa, mborɓiina u suu vuɗina, aygi halaŋ mbusuygi batemma a taɓmi tara dewra u Musuk ndaɗta, ɦaygi ni kay aygi halaŋ taɓ ci u Musuk ndaɗta dew.

EFESNA 1:1

Ni an Pol sa vovoɗta vi Yesu Kristu u minda vi Lona, maŋ suu vina vi Lona, [suu hu Efesna], suu taɓi u Yesu Kristu ɗegeena.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

EFESNA 2:6

Hu taɓ maygira u Yesu Kristu Lona mbuɗuygi iiri u namu kay aygi mba kak ti mulla u nam hu mulla huulonara.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.