EFESNA 2:10 - Boy Lonana

¹⁰ Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

EFESNA 2:10 ပူးပေါင်းရင်းမြစ်များ

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

SOOLLA 119:3

Asi li dlara ci maɗ kaɗi, asi tuɗ ni hu voɗta ɗegee.

SOOLLA 138:8

Yawe minin dlara kan halaŋ, Yawe, ɗegee maŋga ka ni na gak gak. Aŋ ka maa sunda aŋ laɗ u bik koŋga kiɗi.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

SOOLLA 81:13

an dikisi ki u hurusi ma sooyna, asi li dlara asi min a laɗta.

EZAYI 19:25

Asi hin yi sem Yawe, ma Saɓakŋa Kom Belna, ana, «Gi deɓ Egipte suu mansina, Asiri ni sunda an laɗ u bik konda, Israel ni suu mansina.»

EZAYI 29:23

Kay asi wi dlara an laɗ eg goryosira na ni, asi hin geleɗen sen ana anni Lo ma Teteɗna. Asi hin dlak ndaana fok Lona vi suu Israelna.

EZAYI 43:21

Ni suu an lasi ki manna, ni suu ka geleɗen tew tewna.

EZAYI 43:7

Suu may suu yan u senna halaŋ, an lasi ni kay a asi ŋgaan senda.

EZAYI 44:21

Yakob humuŋ gaŋu. Israel aŋŋi saan ma sunda. An laŋŋi a sa ma sununna. Aŋ Israel ka hinin kiɗi.

EZAYI 60:21

Suu magisina halaŋ mbuɗ ni suu ɗegeena. Asi hin ti mbassa halaŋŋi asi a fafaɗta. An tinisi ni anu, an tinisi na ni kay a suuna halaŋ ŋgaanu.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

MATIYE 5:16

Agi a li kiɗikŋa fok suuna ni na may. Suuna wagi jivi magira na ni, asi geleɗ Bugi ma kolo huulona may.»

Boy Ma Ayra Ma JAŊ Ɓiirimma 3:21

Sa li dlara gasira mbay ki hu kiɗikka a suuna wi dlara nam laɗta ana nammi sa hum vun Lonna.»

SUNDA 9:31

Hu fali ndaɗta ni suu vina halaŋ hu Yude ni kaki u heɓpa suu Galilena u suu Samarina fi eŋga halaŋ hummi u Bu Suuna dew, Musuk Lonara njun usiya asi wul fok wuli na ɗow ɗow.

SUNDA 9:36

Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

1 KORINTNA 3:9

Ami ni suu li sunda ko tami u Lona, agi ni senena vi Lona. Zii minina vi Lona may.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

2 KORINTNA 5:5

Lona u tamba ŋga ki ana aygi mba wi mbuɗ mayra ndaɗta ni namu, nam ɦaygi Musuk mamba ko vama nam ŋgaygin ki fok jew maygina na.

2 KORINTNA 9:8

Lona ndaki kay a ɦaŋ tlena zeɗ zeɗ su lay kay agi mba fi tlesuu agi minisina halaŋ, usi mba hin kogi a ndakagi kay sunda jivira bel lay.

GALATENA 6:15

Caw ɗiwra u caw ɗiw kaɗira lay ni li vaɗi, va ma ŋgolna ni vuɗta wilira dew daŋ.

EFESNA 1:1

Ni an Pol sa vovoɗta vi Yesu Kristu u minda vi Lona, maŋ suu vina vi Lona, [suu hu Efesna], suu taɓi u Yesu Kristu ɗegeena.

EFESNA 1:4

Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

EFESNA 2:13

Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

EFESNA 2:15

Gaɗta vi suu Juifna u sun masira nam bulumusi ki wa, kay taɓ njaf suu mba' asina ki dew, kay asi mba taɓ u nam hu njaf ma wilina kay a mbaa heɓpa.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

EFESNA 2:6

Hu taɓ maygira u Yesu Kristu Lona mbuɗuygi iiri u namu kay aygi mba kak ti mulla u nam hu mulla huulonara.

EFESNA 4:1

An joɓogiya an sa ma daŋgayna kay sunda an sun Bu Suunara, kay sunda an sunumba, poyogi u minda vi Lona ko nam yagi ayra na.

EFESNA 4:24

Cukugi bakka wilira egegiya, ni ta mini tli taɗ u Lonara ndaɗta tak ki kay iiri mayra ɗegeera u gasira.

GA 8ATAMBARA 32:6

Dlara a ŋga Yawera li ni na su? Agi suu laɓana, suu yal masi kaɗina. Nammi ka bugi ma laginaɗi su? Nam lagiya mbuɗugi ki a njaf suuna kay tagiya.

GA 8ATAMBARA 5:33

Agi tuɗugi tew tew ni hu voɗta Yawe Loogina haɗagirara, ni kay ana agi hin lak iiriya. Agi lak u furira a buu magina ɦuɗ ha fok hu mbassa agi hin a lak hura may.

FILIPINA 1:6

An wi kan jivi ana Lona ma gijaŋ sunda jivira ay u agi dayna, hin tuɗ fok u agi gak gak a daɓaɗ ki hu buu ma vi Yesu Kristuna.

FILIPINA 2:13

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

KOLOSNA 1:10

Ni agi hin poy ko Bu Suuna minda na, li ni dlara nam minda lay. Ni agi hin li sunda jivira a wulugi fok hu wiigira kay Lona.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.

2 TESALONIKŊA 2:17

Nam oyogi hurugi u soo huna, ɦagi saɓakŋa a li u dla mayra jivira, u sunda, u boyna lay.

1 TIMOTE 2:10

Li sunda jivira ko boyogi suu li sunda ii Lona jivina na.

1 TIMOTE 5:10

Suuna halaŋ waɗ ki u sun maɗta jivira ndaɗ wul goryoɗ jiviya, ndaɗ gol suu mba varaɗna jiviya, ndaɗ mbus sem suu vina vi Lona njun u suu hahawra li sunda jivira halaŋ.

1 TIMOTE 5:25

Sunda jivira wi ki ni kiɗik gaw ta sa ka waɗ ki kiɗik gawɗira lay ni ka viɗiɗi.

1 TIMOTE 6:18

Gaɗasi kay a li jivira kak ɦizi hu sunda jivira, taŋ loɓ kay ɦala ɦal maŋ suunaɗi, njun u suu daŋŋa daŋŋa.

2 TIMOTE 2:21

Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.

2 TIMOTE 3:17

Kay sana vi Lona mba li ki mini jiviya, tok a li sunda jivira halaŋ.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

TITTA 2:7

Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga.

TITTA 3:1

Gasi humusi kay asi mba hoŋ yasi kaŋga a hum u suu ŋgolona u mulina, asi mba hum usiya min tasi a li sunda jivira bel.

TITTA 3:14

Kay suu mayna mba haɗ tasi a li sunda ɗegeera ura jivira, kay a hin ndak a li sun mayra garaŋga, kay asi mba mbay u dlara ɦawaraɗi.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

HEBRENA 10:24

Lakaygi jek jekee, njun u taygiya, gaɗaygi taygiya, miniygi taygi a li sunda jivira lay.

HEBRENA 13:21

Ko Lona ma heɓpa ɦagi saɓakŋa a li u tlesuu jivina halaŋ kay agi lam min mamba, ta nam laygira huruygi u Yesu Kristu ni dlara irim jivira. Ŋgolla maŋ Yesu Kristu a fafatɗa. Amin.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 2:6

Sa di ki u vunum ana nammi hu Lona li ko Yesu li hara na may.