EFESNA 1:4 - Boy Lonana

⁴ Kay Lona jew bay li duliyara tu ni nam manaygi ki ana aygi ni suu mamsina hu Kristu kay aygi mba li fokommi suu jivi suu bay cora egesina hu min mamba.

EFESNA 1:4 ပူးပေါင်းရင်းမြစ်များ

2 SAMUEL 22:24

An li ay ɗegee u namu. An doo tan ay ki kay dla cora.

SOOLLA 135:4

Kay Yawe man Yakob ni namu, suu Israelna ni suu mamsina.

EZAYI 42:1

Bu Suuna di ana, Gola ni saan ma sunda ma an minimma, saan ma an manama ma an furiyumma, an gi Musuk manda kamu, nam hin tak ɓak ma vi njaf suunana ki halaŋ.

DLAŊ LEVIRA 19:2

«Di suu toki suu Israelna halaŋ, aŋ dasi ana, Lagi tagi ki teteɗ, kay an ki ni teteɗ may. Ni an Yawe, Loogina.

DLAŊ LEVIRA 20:7

Ҥagi tagi ki maŋ Lona, a agi mbuɗ ki teteɗ kay anni Yawe, Loogina.»

MATIYE 24:22

Lini buu namma ŋga tam ay gedeŋ ginɗi ni, sa ndak hin iiriɗi. Nam hoŋ buu namma ki daganni, kay suu nam ŋgaɓasi ki mamma.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

MATIYE 24:31

Nam hin sun suu mam suu sunda huulona ay u tokolomma kosiya. Asi hin mba tok suu Lona manasina ki eg tasiya, kay yam mbassa halaŋ ay fun ndaŋgara dodora, u maɗiina, u fiɗigina, mbayaw lay, dali lay.»

MATIYE 25:34

Hu li namma mulna mba di suu kay bikim ma njufna ana, Mbaagi ay tani, agi suu Bun minigina, paɗ vunum ay ki kagina. Kalagi hu Mulla Bun minigira ay fok jew duliyara bay tin tuwa.

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

Boy Ma Ayra Ma JAŊ Ɓiirimma 15:16

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

Boy Ma Ayra Ma JAŊ Ɓiirimma 17:24

«Bunu, aŋ ɦansina, an min ana asi li u an hu li ma an hin kak huna, a asi wan bibiŋil manda. Bibiŋilla aŋ ɦandara, kayme aŋ minin ay ki fok jew bay duliyara liya.

SUNDA 13:48

Suu ka njaf suu Juifnaɗina hum boy namma na ni asi li furira ŋgolo, gijaŋ geleɗ boyna vi Bu Suuna. Suu ki ŋgaɓi kay a fi iirira ka daɓ kiɗira halaŋ mbuɗ suu vina halaŋ.

SUNDA 15:18

Bu Suuna li ki u tlegeyem su nam takasi ay ki jew day dayna.»

SUNDA 18:10

An ka njun uŋu, sa ka ndak a laŋ va egeŋgi, hu ɦoŋzina tani suu mansina ka ŋgolo.»

ROMMA 8:33

Sa ma hin di cora kay suuna Lona mansina ni gege? Sa di na kaɗi, Lona di wa ana sana ni ɗegeera ni daɓiya.

1 KORINTNA 1:8

Nammi sa ma hin vagi kom gak gak, a sa ba ki hu co taaɗi, tew ki fun buuna vi Bu Suuna mayna Yesu Kristu.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

GALATENA 5:22

Tlesuu Musuk Lonara lasina ni, minda, furira, heɓpa, lalamba, li dlara jivi eg saa, jivira, ɗegeera,

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

EFESNA 2:10

Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.

EFESNA 3:17

A Kristu mba kak hurugi u vira a sariyagi ŋgaa ki kaŋga eŋ coli hu minda.

EFESNA 4:2

Lakagi ɗiliya, u lalamba, u juɓpa, njunugi u tagiya tagiya u minda.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

EFESNA 5:27

Nam li na ni kay a col suu vi Kristuna ki fokom u jivi masira u tamba ki teteɗ, cora ka huɗi, zozot ka huɗi lay, turubut ka huɗi lay, va ma daŋ ma co ka huna ndeɗi lay.

FILIPINA 2:15

Kay agi mba li a suu ɗegee suu bay cora egegina goryoŋ Lona suu bay cora duk suu guni suu co hu duliyarana. Agi mba weleɗ dukusi ko ciciwra huulona na.

KOLOSNA 1:22

Cecemi u miɗna vi goromma fam hu mbalatamma, Lona taɓagi dukugi u namu, kay a mbuɗugi fokom teteɗ bay cora, bay ŋgulla.

KOLOSNA 2:2

An duu kay ana hurusi mba fi ɦiŋga kay asi mba li taɓi dew hu minda gasira, kay asi mba ndak ki hu gasira vi yalna, kay wi dlara ŋgayra vi Lona ni di ana Kristu tamba.

KOLOSNA 3:12

Agi ni suu vi Lonna, Lona managiya, nam managiya agi mba li ki a suu mamma ni kay ndaɗta agi cukugi dlara jivira kagiya u hoŋga hoŋ yamba kaŋgara lalamba u ɗigilla.

1 TESALONIKŊA 3:12

Ko Bu Suuna wulugi minda min tagira ha fok na ɗow, a min suuna halaŋ, ko ami minigira na may.

1 TESALONIKŊA 4:7

Lona yaygi ka kay dlara njenjeraɗi, aygi kakŋi hu teteɗta.

2 TIMOTE 1:9

Nammi sa suɗuygi kina yaygi ana aygi ni suu mamma, ni ka kay sun maygira aygi laɗtaɗi, ni kay dlaamba nam ŋgaɓaɗta u oo mamba, nam ɦaygi oo mamba hu Yesu Kristu jew lina bay min tuwa.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

1 JAŊ 4:16

Aygi wi minda Lona miniygira kiyo, aygi tin huruygi kamu. Gasi Lona ni minda, sa ma ka u minda hurumma ka ni hu Lona, Lona hurum may.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 17:8

Vabak ma aŋ wamma li ay jew iiriya cemi nam ka oloɗi, nam hin kal ay ki hu zulla ŋgolla hin tuɗ hu liim ma ba kina. Suu may suu kay ndaŋgara suu sesi ka day day ɓiiri hu magara iiriraɗina, hin wi vabak namma na ni saara casi ki na ci, nam ay jew iiriya cem cemi nam ka oloɗi, nam hin kal ay ki olo.