EFESNA 1:3 - Boy Lonana

³ Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

EFESNA 1:3 ပူးပေါင်းရင်းမြစ်များ

URA TIN AYRA 14:20

Gi deɓ maŋ Lo ma Kolona ma ɦaŋ saɓakŋa a su kay suu babali maŋsinana.» Abram ɦam keŋ ma doogona vi yam tlesuu nam ɦurumusi ayna nde nde halaŋ.

URA TIN AYRA 22:18

Suu kay ndaŋgarana halaŋ hin fi paɗvunna ni u njafaŋu kay aŋ humun vununu.»

1 DLAŊ MULINARA 29:20

David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

1 DLAŊ MULINARA 4:10

Yabes yi Lo ma vi suu Israelna di ana, «Lini gasi aŋ paɗ vunuŋ ki kanu ni aŋ hin mbuɗun ndaŋga manda ŋgolla, koŋ hin li kanu, aŋ hin dikin dla cora ha ki egenu, ka an kal hu wihawraɗi. Lona hin li dlara nam joɓom kaɗta kiyo.»

2 DLAŊ MULINARA 31:8

Hu li ma Ezekiyas u suu ŋgolo mamsina wi tle asina molira na ni, asi gi deɓ Yawe u suu mam suu Israelna cocoo.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

SOOLLA 134:3

Ko Yawe ay hu Siyon day paɗ vunum kaŋu, ma li huulona li ndaŋgara layna.

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

SOOLLA 72:19

Geleɗem sem ma bibiŋilna ni a fafaɗta. Ko duliyara halaŋ oy ki u bibiŋil mamba. Amin. Amin.

EZAYI 61:9

Njafagi ka hin viɗ ka ki duk njaf suunaɗi. Goryogi dlasi hin li ni ŋgolo ii suuna halaŋ. Suuna fasi ni aragelay ni wasiya, asi ni njaf ma Yawe paɗ vunum ki kamma.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

Boy Ma Ayra Ma LUK Ɓiirimma 2:28

Simeon tli goona kom tani, gi deɓ Lona di ana,

Boy Ma Ayra Ma JAŊ Ɓiirimma 14:20

Buu namma ndak wa ni, agi hin wi ana an ka hu Bunu, agi ka hurun may, an ka hurugi may.

Boy Ma Ayra Ma JAŊ Ɓiirimma 17:21

An ceneŋ kay ana asi taɓ dew, a asi taɓi u ay dew ko aŋ ka hurun may, an ka huruŋ mayra na. A asi taɓ dew a suuna wi ana aŋ sunun ay ni aŋu.

Boy Ma Ayra Ma JAŊ Ɓiirimma 20:17

Yesu daɗ ana, «Ŋgen kok egenɗi an bay tuɗ ay eg Bun tuwa. Ndak tuɗ di gorsenna ana an tuɗ kolo eg Bunu, nammi Bugi may eg Lo manna, nammi Loogina may.»

ROMMA 12:5

Na may aygi bolow lay ni taɓi dew hu Kristu, aygi halaŋ taɓi ni eg taygiya gege gegelay hu tara dewra.

ROMMA 15:6

Kay a aygi halaŋ vunuygi li taɓi dew a geleɗ Lona Buna, Yesu Kristu Bu Suuna mayna.

1 KORINTNA 1:30

Lona taɓaygi ni u Yesu Kristu, nam mbuɗ Kristu kini a neeygira. Aygi mbuɗ ki ɗegee fok Lona ni u Kristu, Lona buɗuygi ki wa, aygi mbuɗ ni suu mamma.

1 KORINTNA 12:12

Ni ko Kristu dew mbalatam ɓorowi bolowo, lini nam ɓorowi bolow lay, nammi dew.

2 KORINTNA 1:3

Ŋgaaygi Lona, Bu Bu Suuna maygina, Yesu Kristu, Buy ma hurum jivina, Lona ma njun u suuna u tlena halaŋŋa.

2 KORINTNA 11:31

Lona, Bu Bu Suuna Yesu, geleɗta ka u sem a fafatɗa nam wi ana an ka kaboyɗi.

2 KORINTNA 5:17

Lini sana ka hu Kristu ni nam mbuɗ ni sa ma wilina, tlesuu basina daɓ ki wa, suu wilina ka ni asiya.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

GALATENA 3:9

Abraham viya, Lona paɗ vunum ki kamu, ni kay ndaɗta suu vina halaŋ halaŋ fi paɗvunna ko nam na may.

EFESNA 1:10

Hu daɓpa vi lina wanni Lona hin li dlaamba ŋgay ndaɗta kiyo, ni kay a tok suu ha kolona u suu kaŋgana halaŋ u mulna dew ni Kristu.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

EFESNA 1:20

hu li ma nam paɗ Kristu ay ki kolo hu miɗna iirina, kakam hu bikim ma njufna koloo.

EFESNA 2:6

Hu taɓ maygira u Yesu Kristu Lona mbuɗuygi iiri u namu kay aygi mba kak ti mulla u nam hu mulla huulonara.

EFESNA 3:10

Kay mulla u ŋgolla kolora halaŋ mba wi nera vi Lonara bay daɓpa zeɗ zeɗ eg suu vi Kristuna.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

HEBRENA 8:5

Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»

HEBRENA 9:23

Lini tlesuu ay lasina tak ki ana suu ha huulona ki pasiyaki ni, tasira suu ha kolona mbuɗ ki pasiyakŋi u ɓivun ma daŋŋa ma jivi suna.

1 PIYER 1:3

Geleɗeygi Lona, Bu Bu Suuna Yesu Kristu kay jivi mamba ŋgolla nam ɦaygi iirira wilira hu li ma nam col Yesu Kristu ki kolo iiri duk suu miɗina. Ni kay ndaɗta ay ka maa kay juɓpa juɓumbaɗi.