EFESNA 1:13 - Boy Lonana

¹³ Agi tagira hu li ma agi humugi boy ma gasina ni Boy ma Ayra ma ɦagi suɗta agi hin vagi u Kristu. Lona ɓii sem ay kagi u ɦala nam ɦagi Musuk mamba nam di kaɗta.

EFESNA 1:13 ပူးပေါင်းရင်းမြစ်များ

2 KORINTNA 1:22

Nammi sa ma ɓiiriygi u semma, vo Musuk mamba huruygiya kay tak ki jivira nam ka ŋgomoɗ kaygira.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

1 TESALONIKŊA 2:13

Kay ndaɗta ami gi deɓ Lona tew tew, kay agi vi boyna vi Lona ma ami daginana, ka ko boyna vi suuna naɗi, ni gasi ko nammi boyna vi Lona ma ka li sunda hurugi agi suu vina na.

ROMMA 4:11

Abraham fi caw ɗiwra ni ndaɗ hin egemmi ko takka na, Lona ŋgaɓam dla ndaɗta ay egemmi kay nam sa ma ɗegeena, kay viimba ay jew bay nam caw ɗiwim tuwa. Abraham ni bu suu tin hurusi kay Lona bay caw ɗiwisi tuna, Lona ŋgaasi a suu ɗegeena.

TITTA 2:11

Lona tak oo mamba kay a suɗ suuna halaŋ.

GALATENA 3:14

Dla ndaɗta li na ni kay paɗvunna vi Lona ma nam di ki fok jew maŋ Abrahamma mba li maŋ suu ka njaf suu ɦawana halaŋ u Yesu Kristu kay aygi mba fi Musuk Lonara nam di kaɗta.

ROMMA 1:16

An ka li zolo kay Boy ma Ayraɗi, nammi saɓak Lonna kay suɗ gegelay ma tin hurumma, ay jewni suu Juifna, hinni maŋ suuna halaŋ may.

SUNDA 2:33

Lona tlam kolo hu bikim ma njufna, nam fi Musuk Lonara di ki kaɗ jewra ay ko Bumu. Nam hin njayaɗ ay ki kamiya, halaŋŋi va ma agi ka wam cecemi humum u humugiya.

Boy Ma Ayra Ma JAŊ Ɓiirimma 14:26

Sa ma hin njun ugina ni Musuk Lonara, ta Lona hin sunuɗ ay u senda. Ndaɗ hin haɗagiya hin gagi humugi kay tlege suu an dagisinana halaŋ.

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

Boy Ma Ayra Ma LUK Ɓiirimma 24:49

An hin sunugi va Bun a ɦaginana ay u tanda, agi kakagi hu zin tani gak gak juɓugi saɓak ma kolo huulona mbay kagi tuwa.»

SOOLLA 119:43

Paɗan boy maŋ ma gasina ki fununɗi kay an saa ni kay dlara aŋ daɗta.

1 PIYER 2:10

Ay jew ni agi ka suu vi Lonnaɗi, cecemmi agi mbuɗ suu vi Lonna. Jewni Lona ka wagi hahawagiɗi, cemmi agi mbuɗ ni suu nam wagi hahawagina.

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

SUNDA 1:4

Fali taa dew ni nam ti funa u asiya, gaɗasi anaba, «Tuɗugi ki eg Yerusalem dayɗi, juɓugi va ma Bun di kam a ɦamma, ni ɦala an dagi ki kaɗ fok jewra.

Boy Ma Ayra Ma JAŊ Ɓiirimma 15:26

«Sa may ma a njun ugina hin mbaya. Ni Musukka gasira col ay ko Bun Lonara. An hin sunugira ay u sem Bunu. Ndaɗ hin ɓakagi kanu.

SUNDA 13:26

«Gorsenna agi suu hu njafna vi Abrahamma, agi suu ka toki tani a cen Lona wanna. Boy ma suɗta namma ay suni ni magi agiya.

Boy Ma Ayra Ma JAŊ Ɓiirimma 6:27

Lagi sunda kay fu ma ɓeŋ ki ɦawanaɗi, lagira ni kay fu ma kak iiri gak gak ɦagi iirirana. Fu namma Goŋ Sanna hin ɦagina ni namu, kayme Bum Lona ɦam saɓak namma ni hu duk kom halaŋ.»

Boy Ma Ayra Ma LUK Ɓiirimma 11:13

Agi suu cona wi a ɦal tlesuu jivina maŋ goryogiya. Bugi ma kolo huulona ɦal Musuk mamba maŋ suu joɓomma ni nam ɗow.»

WIRA ŊGAYRA 7:2

An wi sa sunda huulona ma daŋŋa col ay u maɗiina, nam vi tampoŋ ma vi Lo ma iirina komu, nam sawalla ay u delem kolo eŋga maŋ suu huulona suu fiɗina suu fi saɓakŋa kay a ɓeŋ ndaŋgara ki u mbo lumma ŋgolna belna.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

HEBRENA 2:3

Lini aygi noyogi suɗta ŋgolla wanda kiwa ni, aygi hin ndak a pii ki ko ɓakŋa ni nanage? Bu Suuna u tamba di kay suɗ ndaɗta ni jewe, ŋgoo dagan suu hum boy nammana takaygi kini gasi mamba.

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.

2 TIMOTE 2:15

So taŋ a tak taŋ ki fok Lona ko sa ma ndakina na, sa ma li sunda ka li zolo kay sun mambaɗi, di boy ma gasina ki u voɗom ɗegee.

EFESNA 4:21

A gasira ni agi humun boy manna agi ni suu vi Kristuna, haɗagi gasi mayra hu Yesura ki wa.

2 KORINTNA 6:7

A gasira vi boy ma ami damma, u saɓak Lonna, u va ma ami lam komi ko ɓagina u mbarina nana ni ɗegeera, a li sa u ndaɗ lay a doo kay tami lay.

Boy Ma Ayra Ma JAŊ Ɓiirimma 3:33

Sa ma vam boy mammana wi ana Lona di ni gasira.

Magaara JAK Ɓiiriɗta 1:21

Ni kay ndaɗta cukugi tlesuu njenjena u sunda cora kiyo, vi boy ma ɗilina vi Lona ma nam pagina hurugina eŋe, kay nam ndak a suɗugi kini namu.