EFESNA 1:11 - Boy Lonana

¹¹ Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

EFESNA 1:11 ပူးပေါင်းရင်းမြစ်များ

ROMMA 8:28

Aygi wi ana Lona li jivira halaŋŋi maŋ suu minimma, suu nam yasi ki u ŋgaɓ mambana.

1 PIYER 1:4

Aygi ndak li furira kay tlesuu hu jona vi Lona nam hinisi maŋ suu mamsinana. Ni jo ma ka ɓeŋ kiɗina, ka mbuɗ zozoɗɗi, ka mbuɗ basiɗi lay, weleɗ na gak gak. Lona ɗokosi ha kolo ni magiya.

EFESNA 1:14

Musuk Lonara ni va ma mbuɗ balna ŋgayra vi suɗta ta nam di ay ki kaɗ jew maŋ suu mamma ko jona nara, nam daygi ana aygi hin fi jo namma ni hu li ma aygi buɗ kiwana. Geleɗeygi Lona kay ŋgol mamba.

EFESNA 3:11

Lona li na ni u min mamba nam tiniɗ ay jewra, ka daɓ kiɗira, nam daɓ dla ndaɗta ki u Yesu Kristu Bu Suuna mayna.

EFESNA 1:5

Lona saa ki fok jew ana nam min a mbuɗuygi ki a goryom hu Kristu, nam li na ni kay dla ndaɗta irim jiviya.

GALATENA 3:18

Lini va ma Lona di kam a ɦamma ko jona na, ɦammi u gaɗta ni ka va ma nam di kam a ɦamma oloɗi, Lona tak ki kay vunum ma nam vam u Abrahamma u oora nam ɦambara.

HEBRENA 6:17

Lona tak ki gasi maŋ suu a fi va ma nam vi vunum kamma ni nam ka mbuɗ saa mamba zeɗɗi, ni kay nam suu tam kay va ma nam vi vunum kamma.

TITTA 3:7

Kay u oo mamba aygi mbuɗ ɗegee fok Lona, ni aygi hin fi iirira ka daɓ kiɗira, aygi ka juɓuɗ u huruygi tini kaɗta.

ROMMA 8:17

Aygi ni goryomu, aygi hin faygi jona vi Lona ma nam ɦam maŋ suu mamsinana, aygi hin faygi ii ɓorow maygina ko taygi u Kristu, lini aygi taɓ hu wihawra u namu ni aygi hin kak u nam hu ŋgol mamba lay.

KOLOSNA 1:12

Gagi deɓ Buna u furira, kay nam mbuɗugi ndaki a fi tlesuu Lona hinisi maŋ suu mamsina ha kolo hu mul mamba hu kiɗikkana.

KOLOSNA 3:24

Humugi gagi kay Bu Suuna hin warakagiya, agi hin fagi va ma nam hinim maŋ suu mamma a jonana, kay mege saagi ma agi sunum gasina ni Kristu.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

SUNDA 20:32

«Cecemmi an hinigi ko Lona u boy mam ma oora. Nam ndaki kay a njunugiya, a ɦagi jivira nam ŋgaaɗ kay suu mamsina ko jona na, ni kay suu mbuɗi teteɗna halaŋ.

SUNDA 2:23

Sa namma agi vamu ɓalam ki kolo hu gu garakŋa cam ki ko suu cona na ni u ŋgara Lona ŋgaaɗ ay ki fok jewra.

SUNDA 20:27

An dagi dlara Lona ŋgaaɗta ki wa, ŋgay va ka huna ewɗi.

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

JEREMI 32:19

Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

SOOLLA 37:18

Yawe ka ŋgom iirira vi suu ɗegeena, liisi ma kakŋa ka tew tew a fafaɗta.

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

ROMMA 11:34

Ko magaara dira na, «Sa ma wi saara vi Bu Suuna ni gege? Sa ma gaɗam hu boyna ana nam li naɗina ni gege?

ZAKARI 6:13

Sa ma min Ziŋ Yawera ni namu. Nammi sa mulla hin kak u namma, nam hin kak kay dlam mamba a ti mulla. Mul ma li ɓivunna hin kak kay dlam mamba may, asi u dlasi jak vunusi hin li ni dew kay dlara asi daɗta.

JEREMI 23:18

Sa ma ka coli a hum gaɗta vi Yawera ni gege? Nam gola, nam humum boy mamma. Sa ma humum ka tini a humunna ni gege? Sa ka humma ni gege?

EZAYI 28:29

Dla ndaɗta col ay ko Yawe, ma Saɓakŋa Kom Belna, ni na may. Nam ka tak dlara mbuɗ mbuɗta, tak yal ma li tlena may.

EZAYI 5:19

Asi ɓak tasi ana, «Ko dlara Yawe min a laɗta li ki zak. Kay a ami wi ki ana li ma Teteɗ ma vi suu Israelna hin tok, a ami wam ki u irimi may.»

GA 8ATAMBARA 4:20

Na may agi ni suu Yawe yowogi kiyo, nam cukugi ay ki hu mbassa Egiptera, kura ŋgal ndaɗta ni ko jojokka yoo kawi ma vagi ga namma kira, na ni kay a agi mbuɗ ki suu mamsina, ni a joomma ko agi ki cemi wandara na.

VUN ŊGOLNA 8:14

Anni cara gaɗ suuna, neesi ki kay dlara ha fokka. Gola ni sun manda, anni nera taɗta gaw, an ɦal saɓakŋa ay ni anu.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

EFESNA 1:8

Nam ɦaygi oo mamba ŋgolo u nera halaŋ u yalna halaŋ.

JOB 12:13

Doli ɗi ni wira u saɓakŋa halaŋŋi vi Lona. Gaɗta u neras ni mamsina.

JOB 33:29

Gola dla ndaɗta halaŋŋi Lona ka laɗ kiyo. Sem mba' lay, hindi lay, nam ka njun kay sana.

EZAYI 25:1

Yawe, aŋŋi Loonna, an ŋgaaŋu, an gi deɓpa ni maŋ aŋu, kay aŋ li dlara mbuɗ mbuɗta, dla mayra aŋ ŋgaaɗ ay ki jew day dayra ni dlara gasira, ta ka mbuɗɗira.

SUNDA 13:48

Suu ka njaf suu Juifnaɗina hum boy namma na ni asi li furira ŋgolo, gijaŋ geleɗ boyna vi Bu Suuna. Suu ki ŋgaɓi kay a fi iirira ka daɓ kiɗira halaŋ mbuɗ suu vina halaŋ.

ROMMA 8:29

Suu Lona manasi ki fok jewna nam min a mbuɗusi ki ko goromma na, kay a goromma hin li a wayasi ma ŋgolna fok gorsem bolowo.

ROMMA 8:30

Suu Lona manasi ay ki fok jewna nam yasiya, suu nam yasina nam mbuɗusi ki fokom ɗegee, suu nam mbuɗusi ki ɗegeena nam ŋgaasiya.

ROMMA 9:11

Lona u ŋgaɓ mamba ŋgaɓ suuna, ŋgaɓ mamba ni u yira nam yasira, ni ka kay sun masiraɗi, va ma tak ki ana Lona ka coli kay ŋgaɓ mambana ni, nam di Rebeka ni goryoɗ bay vuɗ tu lay asi bay li jivira u cora tu lay, ana, «Ma ŋgolna hin sun ma goona.»

EFESNA 1:9

Nam takay dlaamba ŋgayra, nam saa ki fok jew ana nam min li u vunum ma nam vam ki fok jewna hu Kristu.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.