EFESNA 1:10 - Boy Lonana

¹⁰ Hu daɓpa vi lina wanni Lona hin li dlaamba ŋgay ndaɗta kiyo, ni kay a tok suu ha kolona u suu kaŋgana halaŋ u mulna dew ni Kristu.

EFESNA 1:10 ပူးပေါင်းရင်းမြစ်များ

KOLOSNA 1:20

Ni na may nam min taɓ tlesuu hu duliyara halaŋ u nam hu goromma. Lona mba heɓpa kay duliyara u miɗna vi goromma hu gu garakŋa, ni nam taɓ dukum u tlena halaŋ u namu, hu ndaŋgara lay kolo huulona lay.

GALATENA 4:4

Hu li ma lina ndakŋa Lona sun goromma aya nam vuɗ ay hu cara hum u gaɗta vi suu Juifna.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

MARK 1:15

Nam di ana, «Lin ndak wa. Mul Lonara mba wa tok. Jokogi hurugiya. Vagi u Boy ma Ayra.»

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

KOLOSNA 1:16

Lona min tlesuu kolo huulona, kaŋga kay ndaŋgara lay halaŋŋi u namu, tlesuu suuna wasina u suu sa ka wasiɗina, dlamba mulla, u eŋga, u ŋgolla, garaŋga. Lona lasi halaŋŋi u namu ni mam nam lay.

1 PIYER 1:20

Kristu Lona manam ay ki ni jew bay duliyara li tuwa, nam takam ki hu buu ma daganna ni kagiya.

EFESNA 3:15

Kay suuna halaŋ kolo huulona kaŋga kay ndaŋgara lay mba wam semma gasina.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

EFESNA 1:22

Lona cuk tlena halaŋ kaŋga u sem Kristu, nam tinim kay suu vi Kristuna a mul ŋgolna.

1 KORINTNA 11:3

Kay ndaɗta an min ana agi humugi u boyna wanni kiyo, Kristu ni mulna vi suuna halaŋ, sa njufna ni mul caambana, Lona ni mulna vi Kristu may.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

URA TIN AYRA 49:10

Tokolora mulla hin li ni ko Yuda, ndaɗ hin li coli ni fokom gak gak malaɗna hin mba faɗu. Nammi sa ma suuna hin hum umma.

HEBRENA 11:40

Kay ndaɗta Lona takaygi fok jivi su olo, nam min ka ana asi mbuɗ ki pasiyak fokoygi jewɗi.

KOLOSNA 3:11

Ni kay ndaɗta sa ma Juif kaɗi, sa ma ka Juifɗina kaɗi lay, ana sa ma ɗiwim cawina ɗowba bay cawra kaɗi lay, suu ka wi dlaɗina u suu haɗ dla kaɗina, mborɓiina u suu vuɗina, Kristu ni halaŋ hu gegelay halaŋ.

EFESNA 2:15

Gaɗta vi suu Juifna u sun masira nam bulumusi ki wa, kay taɓ njaf suu mba' asina ki dew, kay asi mba taɓ u nam hu njaf ma wilina kay a mbaa heɓpa.

1 KORINTNA 10:11

Yoo mayra ndaɗta mbay kasi ni kay a takasi ki maŋ suu hiŋŋa, boy namma ɓiirim ay ni kay a neeygi aygiya, kay aygi cecemi fun daɓpa hin tok.

MATIYE 25:32

Njaf suu kay ndaŋgarana halaŋ hin tok fokomu. Nam hin ɓorow ii suuna ki ko sa taa yoona ɓorow ii timigiina ki u ɦuguninara na.

MALASI 3:1

Gologiya, an sun saan ma vun sunda ha wa. Nam hin minin huu voɗta ha ki fokonu. Toŋgo zak gaw ni nam hin kal hu ziimba, malaŋ haɗta ma agi halamma, sa sunda ma banara ma minimma, gologiya, nam ka mbaya, Yawe, ma saɓakŋa kom belna, di na.

HEBRENA 9:10

Tin ay ni gaɗta vi suuna kay tlesuu tira u tlesuu cira njaf tokka daŋga zeɗ zeɗ kay a mbus tara ki jivira. Ni kay gaɗta vi sana ɦawaa gak gak a tew hu li ma Lona hin min tlena wili gadlana.

EFESNA 3:2

Agi hum kay sunda Lona u jivi mamba ɦanda kon a laɗ dukugira.