DLAŊ LEVIRA 9:3 - Boy Lonana

³ Ŋgoo dagan aŋ hin di suu Israelna ana, Vagi ɦu ŋgekŋa a li ɓivun ma bulum cora kina, vi goo mbutl ma basaɗam dewna u goo timii ma basaɗam dewna may. Ni yoori suu bay ŋgulla egesina a li ɓivun ma ŋgalam ki ŋgalina.

DLAŊ LEVIRA 9:3 ပူးပေါင်းရင်းမြစ်များ

URA TIN AYRA 37:31

Asi vi ɦu dew, ŋgaɗamu, yow baraw ma vi Yosef ma kolo kolona cukum duk busu ɦuna.

EZDRAS 10:19

Asi ɦal tasi a dik boyogosi ki u bik kosiya, a ɦal gamla ma li ɓivun ma taɓ dukka kay suluk masina.

EZDRAS 6:17

Asi ɦal tlena a li furira mal vun Ziŋ Lona ndaɗta, bolo mbutlina kis, gamlagina kis kis mba', gor timigiina kis kis fiɗi ni kay suluk ma vi suu Israelna halaŋ, ŋgekgina doogo yam mba' kay ndum njaf suu Israelna.

KALKIRA 12:5

Agi vi ni timii ma bay ŋgulla egemma, ni timii ma basaɗam dewna, vi ni timii gamlana, agi ndak vi ni duk yoori magisina, lini gamla ɗowba, ŋgekŋa lay.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

DLAŊ LEVIRA 10:16

Moiz joɓ dla ŋgek ma asi vam ay a li ɓivun ma bulum cora kina, nam hummi ana asi komom kaɗi, ŋgalam ki ni ŋgaliya. Moiz hurum ɓeŋ ki eg Eleazar u Itamar goryoŋ Aaron suu hin kom mbana. Nam joɓosi ana,

DLAŊ LEVIRA 12:6

Hu li ma buu maɗ ma li taɗ ki teteɗna ndak wa ni, kay go njufna ɗowba go tamara, ndaɗ ŋgaf mul ma li ɓivunna fun Mbutluɓ ma Tokka. Ndad mbaaram ay timii ma basaɗam dewna a li ɓivun ma ŋgalam ki ŋgalina, u gugukka dew may a li ɓivun ma bulum cora kina.

DLAŊ LEVIRA 14:10

«Hu buu ma kalavandina ni nam yow gor timigii suu njufiina mba' suu bay ŋgulla egesina u goo timiira basaɗaɗ ki dewra dew may ni ta ŋgul ka egeɗɗira, ɦal fuɗta u kelewna dleeŋe a li puura njaf wana ni ta yarasi u mbulnara, ɦal mbulna u nus litirna may.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:5

Suu Israelna ɦal ŋgekgina maŋ Aaron mba' a li ɓivun ma bulum cora kina, ɦam gamlana dew a li ɓivun ma ŋgalam ki ŋgalina may.

DLAŊ LEVIRA 23:12

Hu buu ma agi a ɦal yam wana ni, agi li ɓivun ma ŋgalam ki ŋgalina maŋ Yawe u goo timii ma basaɗam dewna, ni timii ma bay ŋgulla egemma,

DLAŊ LEVIRA 4:23

Asi takam coomba nam laɗta ki wa ni, nam mbaa ŋgekŋa aya, ni ɦu ma bay ŋgulla egemma.

DLAŊ LEVIRA 4:3

«Lini mul ŋgol ma li ɓivunna ma fuurum ki u mbulnana li cora ni namu ni, u coom ndaɗta a mbaa cora kay suu halaŋŋa ni, nam vi bolo mbutl ma bay ŋgulla egemma, mbaaram fok Yawe a li ɓivunna kay dla coombara.

DLAŊ LEVIRA 9:2

Nam di Aaron ana, «Ҥal goo mbutl ma njufna ay dew a li ɓivun ma bulum cora kina may, ɦal gamla timii ay dew a li ɓivun ma ŋgalam kina may. Asi jakŋi yoori suu bay ŋgulla egesina, mbaarasi ay fok Yawe tani.

DLAŊ LEVIRA 9:4

Vi bolo mbutlna u gamla timiina a li ɓivun ma mbaa heɓpa fok Yawena u puura u njaf wa ma yarasi u mbulnana may, kay Yawe hin tak tam ki karam irigiya.»

ROMMA 8:3

Va ma gaɗta vi Moiz ndak ka a lambina kay sa warna mbuɗuɗ ki maŋiya, Lona lam ki wa. Nam kaɓakŋa ki kay sa warna u sunda nam sun goromma ayra, nam mba u mbalatara egem ko ndal sa ma cona na. Ni kay a yow cora kira.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.