DLAŊ LEVIRA 8:30 - Boy Lonana

³⁰ Moiz tli mbul ma fuura u busu ma ay hu givin ma togolla yamasi eg Aaron u barawi mamsina yam eg goryom u barawi masisina ni na lay. Ko ndaɗta na nam mbuɗ Aaron u barawi mamsina teteɗ, mbuɗ goryoŋ Aaronna u barawi masisina teteɗ lay.

DLAŊ LEVIRA 8:30 ပူးပေါင်းရင်းမြစ်များ

NDUMBA 3:3

Ni goryoŋ Aaron suu asi fuurusi ki u mbulna ɦasi sunda li ɓivunna kosina,

KALKIRA 30:30

Aaron u goryom aŋ fuurusi ki may. Aŋ tinisi a asi li sunda lan ɓivunna.

KALKIRA 29:21

Aŋ vo busu ma ay kay givin ma togolla may, tli mbul ma fuura may, aŋ yamam eg Aaron, eg barawi mamsina may, yam eg goryom lay, eg barawi masisina lay. Ni asi hin mbuɗ ki teteɗ, Aaron u barawi mamsina, goryom u barawi masisina lay.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

HEBRENA 2:11

Yesu ma mbus cora vi suuna ki pasiyakŋa, asi suu coosira ki mbuɗina nam mbuɗ ni busi dew. Ni kay ndaɗta Yesu ka li zolona kay a yasi ana gorsemmaɗi.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

KALKIRA 28:2

Aŋ ɗee baraw ma teteɗna ta wayaŋŋa Aaron. Ni baraw ma tak ki kay bibiŋilla u ŋgollana.

DLAŊ LEVIRA 7:36

Yawe gaɗ suu Israelna ana hu li ma mul ma li ɓivunna asi fuurum u mbulna wa ni nam gijaŋ fi tliw ma ŋgaɓam ki namma ni na gaw. Gaɗ daɗta hin ha dukugi ni a fafaɗta.»

DLAŊ LEVIRA 7:35

Dok ndaɗta hin ki ni a ɓorow ma vi Aaron u goryomma, hu ɓivun ma ŋgalam ki maŋ Yawena halaŋ, asi fam ki ni hu buu ma sana mbaa ɓivun mamma fok Yawena gaw.

DLAŊ LEVIRA 8:12

Nam vo mbul ma fuu namma kay yam Aaron, nam fuurum kay a ɦam sundara.