DLAŊ LEVIRA 7:21 - Boy Lonana

²¹ Ko ndaɗta na lay, sa ma ŋgen kom ay eg dlara njenjera, ɗowba kom tliw ma njenjena, ɗowba kom va ma gaɗta di ki ana tambina, hin mba kom tliw ma li ɓivun ma heɓpa u namma fok Yawe mayna, sa namma ka duk suu mamsina oloɗi.»

DLAŊ LEVIRA 7:21 ပူးပေါင်းရင်းမြစ်များ

URA TIN AYRA 17:14

Go njuf ma caw ɗiwim kaɗina hinim duk njafam oloɗi, dikim ki dikiya. Kay nam ɓalak ki ni galam manda.»

KALKIRA 12:15

«Ta ta buuna kiɗisiya ni agi ti ni fu ma bay kuffa dukumma. Hu buu ma jewna gawni, agi cuk kuffa ka vo varagira ki halaŋ. Sa ma ti fu ma kuffa dukumma hu buu ma jewna ta ta buu ma kiɗisiyana, sa namma hin tlam ki duk suu Israelna.

KALKIRA 12:19

Hu buu ma kiɗisiya namma ni sa ka wi kuf vo varagiɗi. Sa ma ti fu ma kuffa dukŋa, koyna ɗowba sa ma voona, sa namma ka duk suu Israelna oloɗi. Njafam bulum ki duk suu Israelna.

EZEKIYEL 33:25

Kay ndaɗta aŋ i dasiya, Bu Suuna, Yawe, di ana, agi ti tlena ni kolo kay busuna, agi tlagi irigi kolo ni u fulina. Agi li dlara ci maɗna cocoo. Agi lagi hu mbassa ana ndaɗ ni magira.

EZEKIYEL 4:14

An hoŋ dira ana, «Ҥii, Bu Suuna, Yawe, an fuɗ dlara njenjera ki na halaŋ halaŋ. An kom va ma miɗi ka ɦoyɗi, kom va ma vabak vam vii ka ɦoyɗi lay, ay u goo tan day ta ta cemi, tliw ma njenje kal ka funun tuɗi.»

DLAŊ LEVIRA 11:20

«U gor tlesuu tuɗ ga sesi fiɗi fiɗina halaŋ agi komosiɗi.

DLAŊ LEVIRA 12:1

Yawe di Moiz ana,

DLAŊ LEVIRA 17:10

«Lini sana ni sa ma Israelna ɗowba ni ŋgay ma cuki dukusina ti busuna ni an mbuɗ ŋgoron kay sa nam ma ti busunana, paɗam ki duk suu mamsina.

DLAŊ LEVIRA 17:14

Kay ana iirira vi tlena halaŋŋi hu busuɗusiya, hu li ma asi ka iirina halaŋ, kay ndaɗta Yawe di suu Israelna ana kom tliw ma busuɗum cuɗ ka kiɗinaɗi. Sa ma kom tliw nammana ka ki ni paɗi duk suu mamsina.

DLAŊ LEVIRA 18:29

Na may gegelay ma li dlara co ndaɗta dukugi dewna hin paɗam ki duk suu mamsina.

DLAŊ LEVIRA 19:8

Suu kom tliw nammana gegelay hin zii coom ndaɗta ni u tamba, kay nam mbuɗ va ma ɦam maŋ Yawena ki njenjee. Sa namma hin paɗam ki duk gorsemma.

DLAŊ LEVIRA 20:3

An may ni hin ɦal ŋgoron maŋ sa namma, paɗam ki duk suu mamsina, kay nam ɦal gorom ki maŋ Molek, mbuɗun Zira Tokka manda ki njenjee, ɓalakan sen ma teteɗna kiyo.

DLAŊ LEVIRA 22:3

Dasi ki ana suu hu njafaŋŋa halaŋ gegelay ma ɦuɗ tam ay eg ɓivun ma teteɗna ma suu Israelna mbaaranna ayna, tam ka ki jiviɗina hin cam ki fokonu. Ni an Yawe.

DLAŊ LEVIRA 22:4

«Gegelay ma hu njaf Aaron ma busuna cuk ki egemma, ɗowba elewna lamma, ka ti ɓivun ma teteɗnaɗi, ta ta hu li ma nam garaɗ kina tuwa. Sa ma tin kom ay eg sa ma njenjena ɗowba eg va ma miɗina lini na lay.

DLAŊ LEVIRA 23:29

Sa ma li laara ka hu buu nammaɗina, hin paɗam ki duk suu mamsina.

DLAŊ LEVIRA 7:20

Lini sana wi tam ki njenjee hin kom tliw ma li ɓivun ma heɓpa maŋ Yawe u namma wa ni, sa namma ka duk suu Israelna oloɗi.

DLAŊ LEVIRA 7:22

Yawe ɓak u Moiz dam ana,

DLAŊ LEVIRA 7:25

Yoo ma agi li ɓivun ma ŋgalam kina u nam fok Yawena, sa ma jug mbul va namma tira jugŋa ni sa namma ka duk suu mamsina oloɗi.

DLAŊ LEVIRA 7:27

Sa ma ŋgen busu yoona tira funum ŋgenna, sa namma lay ka duk suu mamsina oloɗi.»

NDUMBA 19:22

Tlesuu sa ma njenjena tin kom egesina halaŋ ki ni njenjee. Sa ma hin ŋgen tam eg tle asinana ki ni njenje ta ta fiɗigiya.»

GA 8ATAMBARA 14:10

Na may kuluf ma jiirim kaɗi lay, ɓolok ka egembi layna ni agi ka komombi. Namma irigi ni ma ki njenjena.

GA 8ATAMBARA 14:3

Agi ti va ma Bu Suuna doo ki kam ana tambinaɗi.

1 SAMUEL 20:26

Sol di va ka hu buu nammaɗi kay nam ɓak tam ana, «Ni dakka. Nam ka ki teteɗɗi. Ni gasi daŋ may.»