DLAŊ LEVIRA 7:18 - Boy Lonana

¹⁸ Lini asi kom tliw ma li ɓivun ma heɓpa namma wa hu buu ma hindina ni Lona ka vi ɓivun namma oloɗi, nam ka ndumum oloɗi lay. Sa ma kom tliw nammana mbaa cora kam wa.

DLAŊ LEVIRA 7:18 ပူးပေါင်းရင်းမြစ်များ

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

EZAYI 65:4

Asi buu ni hu zul suu miɗina. Asi buu ha ki njeŋge hu ŋgil goyra. Asi kom tliw kosoŋŋa. Huu tassa masi ma ti tlena ni ko habalaw ma yow delbuɗna kira na.

EZAYI 66:3

Suu ka li ɓivunna hu mbutlnana hin ci sa warna tok may, suu li ɓivunna u timigiina hin ŋgaɗ del dina lay. Sa ma ŋgalan mbul ma hisna, hin goɓ fulina lay. Asi manni voɗ masira hurusi ka furi kay sun masira co ndaɗta.

JEREMI 14:10

Na ɗaŋŋi Yawe ɓak suu asina ana, «Gasi, asi min ni poyra, asi ka gol tasi hu poy masira jiviɗi.» kay ana asi ka jivi ii Yaweɗi. Cecem wanda nam gasi u dla coosira ki koloo. Nam gasi daŋgayna kay coosira lay.

JEREMI 14:12

Lini asi li laara lay, an ka humusi tii masinaɗi. Lini asi lan ɓivun ma ŋgalam kina u ma ɦawana lay ni, tle asina hurun ka vasiɗi. An hin casi ki u ŋgewra u baktara u tuguɗi bora.»

EZEKIYEL 18:20

Sa ma li dla cora, sa namma hin miɗ ni namu. Goona ka zii cora vi bunaɗi. Buna ka zii cora vi goonaɗi may. Ɗegeera vi sa ma ɗegeena hin li ni kam may. Cora vi sa ma cona hin li ni kam may.

Magaara Vi Sa Jok Vun Lona OZE 8:13

Ko va ma lam a ɓivunnana na ni, asi ŋgaɗ tliwna ŋgaɗ ni hin komomu, na may ni Yawe hurum ka furiɗi. Cecem wanda nam ka ndumusi coosira komu. Nam hin joɓosi ki kay coosira. Asi hin hoŋŋi hu Egipte.

DLAŊ LEVIRA 10:17

«Agi kom ɦu ma ɓivunna hu Li ma Teteɗnaɗi ni kay mege? Kay ana nammi tliw ma teteɗna. Yawe ɦagi tliw namma ni a bulum cora vi suuna kira, kay a agi li dlara ɓivunna kayam fok Yawe a mbus cora vi suunara kira.

DLAŊ LEVIRA 10:19

Aaron di Moiz ana, «Aŋ hum haa, hu li ma suu Israelna mbaa ɓivunna ay fok Yawe ni kay a bulumusi coosira kira u ɓivun ma ŋgalam kina hu lay, aŋ wi dla cora mba fanda lay. Ni an ndak a kom ŋgek ma bulum cora kina ki hu buu ma dewna su? Dla ndaɗta ni ii Yawe jivi su?»

DLAŊ LEVIRA 11:41

«Gor tlesuu gori suu tuɗ kay ndaŋgara halaŋ agi komosiɗi, tle asina ki ni dooriya sa komosiɗi.

DLAŊ LEVIRA 17:16

Lini nam mbus barawi mamsina ka kiɗi lay, mbus tam ka kiɗi lay ni, nam hin zii coom ndaɗta ni u dew tamu.»

DLAŊ LEVIRA 19:5

«Hu li ma agi ŋgaɗ yoona a lan ɓivun ma heɓpa ni, langina ko gaɗta dira na. Ni an, Yawe, hin vagi ɓivun magi namma jivi may.

DLAŊ LEVIRA 20:17

«Lini sa vi wayamba um a cara, ni goŋ bumba ɗowba goŋ sumba, taɓ ki u ndaɗu, waɗ siili maɗta ki wa ni nam li ni yowna, kaam ɓak mamma ki ni kiɗik fok suuna halaŋ, kay nam wi siili wayamba kiyo, nam mba zii nek suluk mam namma.

DLAŊ LEVIRA 20:19

«Ka sana buu u mbayam bumba ɗowba mbayam sumbaɗi kay ana asi ni suu vuɗumma. Lini sana li wa ko ndaɗta na ni suu asina jakŋi hin zii nek dla coosi ndaɗta ni asiya.

DLAŊ LEVIRA 22:16

Lini suu ka ndaki a ti tlesuu teteɗ asinaɗina tasi wa ni asi mbaa cora ni kay suu Israelna, ni asi ndak a li ɓivun ma min duk ɦoŋga, kay an Yawe, mbuɗ muli suu li ɓivunna ki teteɗ ni anu, a asi lan sun manda.»

DLAŊ LEVIRA 22:23

Lini mbutlna ɗowba timiina, sem ma dewna fiyek ɗowba ki geɗeŋe ni aŋ ndak a li ɓivun ma minda u namu. Ka li ɓivun ma sana yi va kam yii kala suu tam kala u nambi kama.

DLAŊ LEVIRA 22:25

Ko koyogi suu cuki dukugina lay ni vagi yoo ma ko namma na kosi a li ɓivun maŋ Looginaɗi, kay yoo ma ki paɗi nana mbuɗ ki ni va ma ŋgulla egemma, namma ka jivi kagi oloɗi.»

DLAŊ LEVIRA 5:17

«Lini sana ŋgel gaɗta vi Yawera li va ma nam doo ki ana lambina wa ni, co ndaɗta ka kam gak gak, lini nam li ni ii bay wira lay.

DLAŊ LEVIRA 7:19

Tliw namma ŋgen ki eg tlesuu njenjena, sa ka komom oloɗi, ŋgalam ki ni ŋgaliya. «A kom tliw ma li ɓivunna u namma ni aŋ li taŋ ki ni na teteɗ.

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

MALASI 1:10

Na ni hin fi sa dukugi dew a duk vunna ɗaŋ su, kay a agi ka lagi dla cora ta ta bulumun givin ma togolla manna kiɗi. An ka furi kagi na ndeɗi, Yawe, ma Saɓakŋa Kom Belna, di na. Ɓivun magina an ka vam kogiɗi.

MALASI 1:13

Agi di ana, «Gologiya, ni loɓ me nage?» Agi zuɗugira ha ki noyoɗ ki lay, Yawe, ma Saɓakŋa Kom Belna, di na. Agi mbaagi ay u yoori suu ɦulla ɗowba dalira ɗowba tuguɗira agi mba ɦasi a li ɓivunna. Na ni an hin vagi ɓivun namma kogi su? Yawe, ma Saɓakŋa Kom Belna, di na.

NDUMBA 18:27

Tlesuu agi ɦasi asina ndumusi ni ko ndal suu horokŋa ɦal yam waasinara na may.

Boy Ma Ayra Ma LUK Ɓiirimma 16:15

Yesu dasi ana, «Agi suu li tagi ɗegee ii suuna, Lona wagi hurugi kiyo. Kayme va suuna golom irisi ŋgolna, ii Lona ni ko va kaɗira na.

ROMMA 4:11

Abraham fi caw ɗiwra ni ndaɗ hin egemmi ko takka na, Lona ŋgaɓam dla ndaɗta ay egemmi kay nam sa ma ɗegeena, kay viimba ay jew bay nam caw ɗiwim tuwa. Abraham ni bu suu tin hurusi kay Lona bay caw ɗiwisi tuna, Lona ŋgaasi a suu ɗegeena.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.