DLAŊ LEVIRA 7:16 - Boy Lonana

¹⁶ «Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may.

DLAŊ LEVIRA 7:16 ပူးပေါင်းရင်းမြစ်များ

SOOLLA 116:14

An li dlara an vi vunun ki kaɗta fok Yawe, fok suu mamsina halaŋ lay.

SOOLLA 116:18

An li dlara an vi vunun ki kaɗta fok Yawe, fok suu mamsina halaŋ lay,

SOOLLA 66:13

An kal hu ziiŋga u ɓivun ma ŋgal kina, an min laŋ dlara an vi vunun kaɗta ki halaŋ,

KALKIRA 35:29

Njufiina u boyogi suu hurusi ki mali taa tlesuu li sunda ayna suu Yawe ɓakaygi ay ki kasi fun Moizna agi suu Israelna halaŋ ɦasi aya.

VUN ŊGOLNA 7:14

«An vi vunun u Lona ana an min a lam ɓivun ma gi deɓpa. Cemi ni an li ɓivun namma may.

EZEKIYEL 46:12

Hu li ma mulna a li ɓivunna maŋ Yawe ni, ɓivun ma ŋgalam ki ŋgalina u min mamba, ɗowba ɓivun ma taɓ duk ɦoŋga u min mamba ɦawana ni, asi malam vun ma ii u maɗiinana kiyo. Nam li ɓivun ma ŋgal kina ɗowba ma taɓ duk ɦoŋga, ni ko nam li ma hu buu ma vi Lonna na may. Ŋgoo dagan nam hin kal ay kiyo. Ŋgoo dagan asi dug vun namma ki gaw may.

DLAŊ LEVIRA 22:23

Lini mbutlna ɗowba timiina, sem ma dewna fiyek ɗowba ki geɗeŋe ni aŋ ndak a li ɓivun ma minda u namu. Ka li ɓivun ma sana yi va kam yii kala suu tam kala u nambi kama.

DLAŊ LEVIRA 22:29

«Lini agi min a li ɓivun ma gi deɓpa maŋ Yawe ni lagi ni ko gaɗta dira na, ni ɓivun namma hin li kagi jivi may.

DLAŊ LEVIRA 23:38

Hu olo ni buu ma vi Yawena, ɦalla zeɗ zeɗta u ɓivun ma sana lam maŋ Yawe u min mambana.

NDUMBA 15:3

Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

GA 8ATAMBARA 12:11

Ni hu li ma Yawe Loogina manam u tamba a sem tii ki huna. Agi tuɗ u tlesuu an dagi ana agi tuɗ u asiyana halaŋ, ɓivun ma ŋgalam ki ŋgalina, ɓivun magi ma kay tagina, ɦal magira ɦawara, megelay ma agi manam u min magira a ɦam ki maŋ Yawe Looginana.

GA 8ATAMBARA 12:17

Tlesuu agi ka tasi ha ki hu ɦoŋziiginaɗina ni, yam waagi ma agi ɦamma, yam sum veŋŋa, yam mbulna, gor yoori magi suu vuɗ fok jewna, mbutlina, timigiina u ɦugunina halaŋ, ɦalla aŋ ɦaɗ maŋ Lona u min maŋgara, va ma aŋ ɦam u min maŋga a njundana, tle asina halaŋ ka tasi ha ki voɗi.

GA 8ATAMBARA 12:26

Va maa dew ma agi a mbaaram hu li ma Yawe manamma ni tlesuu agi ɦasi kina, u ɓivun ma agi lam u min magirana.

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.