DLAŊ LEVIRA 6:7 - Boy Lonana

⁷ «Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

DLAŊ LEVIRA 6:7 ပူးပေါင်းရင်းမြစ်များ

KALKIRA 34:7

Ma kaki ɗegee ha kay njaf suuna fok na buɓ buɓma ma ka siɓ cora vi suuna u honi masira bulumusira ki may na, kaɓakŋa kay suu cona ha kay njafasi fokosi na buɓ buɓ lay na.»

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

EZEKIYEL 33:19

Lini sa ma li dla cora hin dla coomba ki wa, pereɗ irim u dlara ɗegeera a li jivira may ni nam hin kak iiriya.

DLAŊ LEVIRA 2:1

«Hu li ma sana min a li puura maŋ Yawe u njaf wana ni, nam yow fuɗta nde, vooɗ mbulna kaɗu, cuk mbitla his jivira duk may.

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 5:10

Ta mbara ni ɓivun ma ŋgalam kina ko gaɗta dira na. Lini mul ma li ɓivunna lam ɓivunna kam wa ko gaɗta dira na ni, coom ndaɗta bulum ki wa.

DLAŊ LEVIRA 5:13

Lini mul ma li ɓivunna li ɓivunna wa kay cora ko ndaɗta nara ni, coom ndaɗta bulum ki wa. Mul ma li ɓivunna li ni ko ndal nam li u puura njaf wanara na may.»

DLAŊ LEVIRA 5:18

Lini nanagelay ni nam mba ɦal gamla timiina ay maŋ mul ma li ɓivunna, ni timii ma bay ŋgulla egemma. Ko gaɗta di kay ɓivun ma min duk ɦoŋgara na. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 6:8

Nam yow u fuɗ wa ma ɦam ay a li ɓivun ma njaf wana hu duk kona dew. Li fuɗ ndaɗta u mbulna may, u mbitla his jivira may, ŋgalasi hu givin ma togolla, ni his ma jivi ma gi humba lam maŋ Yawena.

DLAŊ LEVIRA 7:2

Ŋgaɗ va ma li ɓivun ma min duk ɦoŋga ni hu givin ma togolla. Mul ma li ɓivunna yamam busuɗum ŋgufum ki kay givin ma togolla na cutl.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

MATIYE 12:31

Kay ndaɗta an dagi ni gasira, Lona ndak a daɓ cora u ŋgulla vi suunara ki halaŋ. Sa ma ŋgul Musuk Lonara, coomba hin egem a fafatɗa, ka daɓ kiɗi.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.