Zi mayra vunuɗ ii mbayaw nara ni maŋ muli suu li ɓivunna suu ka li sunda hu givin ma togollana may. Nam hin di hu ana duk njaf suu vi Levina halaŋŋi, goryoŋ Sadokŋa hin cuk kalafi hu Ziŋ Lonara a sununda ni asi doy hol.
Suu njufii suu hu njaf Aaronna halaŋ ndak ti u tle asina. Ɓorow namma hin ki ni magi a fafaɗta ha ni hu basara u basara, duk tlesuu ŋgalasi ki a li ɓivunna maŋ Yawena. Suu daŋŋa suu ŋgen tle asinana halaŋ hin fi cora kay teteɗ mamba.»
«Hu li ma sa ma hu njaf Aaronna min a kal hu sunda li ɓivunna ni, hu buu ma fuurumma ni nam yow fuɗta fok Yawe kelewna hindi ni puura u njaf wanara, ɓorowoɗ iriɗ duk gaya gaya, maɗii may, fiɗigi may.
U tlesuu hinna Aaron u goryom tasiya, tasi ni bay cuk kuffa dukusiya, tasi ni hu li ma teteɗna. Asi tasi ni kurufu hu kaa ma gii kay Mbutluɓ ma Tokkana.
Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.
