DLAŊ LEVIRA 6:10 - Boy Lonana

¹⁰ Asi ka zal fuɗ ndaɗta u kuffaɗi, kay ni ɓorow masi ma an ɦasina duk tlesuu teteɗ suu asi mbaarasi a lan ɓivunnana, asi ki teteɗ ko tlesuu ay a li ɓivun ma bulum cora u taɓ duk ɦoŋgana na lay.

DLAŊ LEVIRA 6:10 ပူးပေါင်းရင်းမြစ်များ

DLAŊ LEVIRA 16:4

Nam cuk kalsoŋga umu, cuk baraw ma teteɗna, ni njun gandina, njun gadamulla lay, tle asina halaŋ cilini u baraw dlemba. Halaŋ ca ni barawi suu teteɗna. Nam a cukusi tamba ni mbus tam ay ki halaŋ tu wa.

WIRA ŊGAYRA 19:14

Suu duu suu kolo huulona tuɗ umu asi fuli kay kulumi suu haɓagina, baraw ma haɓ kew kewna cuki tasiya, ni baraw ma teteɗna.

WIRA ŊGAYRA 19:8

Haɗ voɗta ndaɗ cuk baraw ma jivi ma weleɗ cocona taɗu.» Baraw ma jivina ko sunda ɗegeera vi suu vi Lonna na.

WIRA ŊGAYRA 7:13

Sa maa dew duk suu ŋgolona joɓon ana, suu u baraw ŋgol ma haɓma tasina ni suurage? Asi mbay ni arage?

SOOLLA 37:20

Suu gonokka u Bu Suunana hin ba kiyo, tlegeyesi suu jivina halaŋ hin ŋgal ki ko usuna na.

SOOLLA 20:3

Ay hu zi ma teteɗna nam sunuŋ njunda aya, ay hu Siyon day ni, nam njunuŋ aya.

NDUMBA 16:35

Kura col ay eg Yawe mba ŋgal suu 250 suu ŋgal mbitla his jivira ay kosina ki halaŋ.

NDUMBA 16:21

«Walagi dukugi ki u suu toki suu co asina, an min casi ki hu li namma ni gaw.»

DLAŊ LEVIRA 1:13

Sa ma mba dan ɓivunnana mbus yorotna u kewetta ki halaŋ, ɦasi maŋ mul ma li ɓivunna nam ŋgalasi ki lay. Kay ana ni ɓivun ma ŋgalam kina, ni ndoos ma his jivi maŋ Yawena.

DLAŊ LEVIRA 1:9

Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.

DLAŊ LEVIRA 4:12

ni ana u tliwim ma hinna halaŋ, asi yowosi ha ki ŋgoo doŋ kaana, hu li ma teteɗna, ni hu li ma asi tok but mbul ma ŋgalam ha vona tuɗ cukum ha ki huna. Nam tuɗ ŋgal tliwna ha kay kura ŋgol ndaɗta hu li ma asi cuk buɗna ha ki huna.»

DLAŊ LEVIRA 6:11

Suu njufii suu hu njaf Aaronna halaŋ ndak ti u tle asina. Ɓorow namma hin ki ni magi a fafaɗta ha ni hu basara u basara, duk tlesuu ŋgalasi ki a li ɓivunna maŋ Yawena. Suu daŋŋa suu ŋgen tle asinana halaŋ hin fi cora kay teteɗ mamba.»

DLAŊ LEVIRA 8:2

«Yow gi Aaron u goryomu, yow barawi suu vi muli suu li ɓivunna u mbul ma fuura, vi bolo mbutl ma li ɓivunna kay cora, yow gamlagi timigiina mba may, tli goo kaalamba fu ma bay kuffa dukumma, ɦura may.

EZEKIYEL 44:19

Hu li ma asi a cuk ay ki hu vunna kiɗikka ni asi fok baraw ma asi li sunda u namma ha kiyo. Cukum ha hu zira kurufu hu Ziŋ Lonara. Asi cuk baraw ma daŋŋa ay egesiya, ni asi ka paɗ vunusi kay suuna oloɗi.

DLAŊ LEVIRA 2:11

«Puura u njaf wa ma agi tinim fok Yawena halaŋ ka lasi u kuf dukgi, lini nanagelay agi ka ŋgal ɓivun u kuffa ɗowba mbul yummaɗi lay, puura laɗ maŋ Yawera ka li u tle asinaɗi.

DLAŊ LEVIRA 6:18

«Aŋ di gi Aaron u goryom ana, Gola ɓivun ma agi lam a bulum cora kina lini ko wanda na. Va ma ŋgaɗam a li ɓivun ma bulum cora kina, ŋgaɗammi hu li ma ŋgaɗ ɓivun ma ŋgalam ki ŋgalina huna, ni fok Yawe, kay ana ni va ma teteɗna.

DLAŊ LEVIRA 6:22

Tliw namma muli suu li ɓivunna halaŋ ndak komomu kay nammi va ma ki mbuɗi teteɗna.

DLAŊ LEVIRA 21:22

May nam ndak a ti ti ma vi Loomma ma ki saɓaki teteɗna, u ma teteɗna.