DLAŊ LEVIRA 5:7 - Boy Lonana

⁷ «Lini sana hawi ka fi ɦu ma li ɓivunna kay coombanaɗi ni, nam yow guk gaɓina mba', ɗowba gugukka mba' a min duk ɦoŋom u Yawe kay coombara. Dew a li ɓivun ma bulum cora kina may, dew a li ɓivun ma ŋgalam kina may.

DLAŊ LEVIRA 5:7 ပူးပေါင်းရင်းမြစ်များ

DLAŊ LEVIRA 12:6

Hu li ma buu maɗ ma li taɗ ki teteɗna ndak wa ni, kay go njufna ɗowba go tamara, ndaɗ ŋgaf mul ma li ɓivunna fun Mbutluɓ ma Tokka. Ndad mbaaram ay timii ma basaɗam dewna a li ɓivun ma ŋgalam ki ŋgalina, u gugukka dew may a li ɓivun ma bulum cora kina.

DLAŊ LEVIRA 12:8

«Lini cara ka ndak a fi timiinaɗi ni, ndaɗ yow gugukka ay mba', taa dew a li ɓivun ma ŋgalam kina may, ta hiŋga a li ɓivun ma bulum cora kina may, hu li ma mul ma li ɓivunna li dlara ɓivun ma bulum cora kira kaɗ wa ni, ndaɗ ki ni mbuɗi teteɗ kay busuuɗ ma vo kina.»

DLAŊ LEVIRA 14:30

Duk gugukka mbara vi taa dew, ndaɗta ni nam ndak vi ay u saɓakamu.

DLAŊ LEVIRA 14:31

Duk layagi suu mba' asina ni nam vi dew a li ɓivun ma bulum cora kina, ta mbara ni a li ɓivun ma ŋgalam ki ŋgalina u puura njaf wana may. Mul ma li ɓivunna hin li ɓivunna kay sa ma mbay namma fok Yawe ko gaɗta dira na.»

DLAŊ LEVIRA 15:30

Nam vi taa dew a li ɓivun ma bulum cora kina, ta hiŋga ni a li ɓivun ma ŋgalam ki ŋgalina may. Mul ma li ɓivunna laɗ ɓivun ma bulum cora kina kaɗ fok Yawe kay busu ma ɓaɗ ki egeɗ namma.

DLAŊ LEVIRA 16:5

Suu Israelna ɦal ŋgekgina maŋ Aaron mba' a li ɓivun ma bulum cora kina, ɦam gamlana dew a li ɓivun ma ŋgalam ki ŋgalina may.

DLAŊ LEVIRA 27:8

«Lini sana ki haw cocoo ka fi va ma warak ŋga ndaɗtaɗi ni, nam mbaa sa ma nam suu tam kamma ay fok mul ma li ɓivunna, mul ma li ɓivunna ndak yow ki u warak ma nam a ɦam ginna ta ta tew ki vok li ma nam ndakŋa.

DLAŊ LEVIRA 5:11

«Lini sana saɓakam ka a fi gugukka mbaraɗi lay ni, nam ndak ɦal fuɗta ay u tassa ma kelewna fiɗi, ni a ɓivun ma bulum cora kina. Nam ka vo mbul kay fuɗtaɗi, ka cuk mbitla his jivira dukgi lay, kay ni ɓivun ma bulum cora kina.

DLAŊ LEVIRA 7:1

«Gola ni gaɗta kay ɓivun ma min duk ɦoŋga, kay ni ɓivun ma teteɗna.

DLAŊ LEVIRA 9:3

Ŋgoo dagan aŋ hin di suu Israelna ana, Vagi ɦu ŋgekŋa a li ɓivun ma bulum cora kina, vi goo mbutl ma basaɗam dewna u goo timii ma basaɗam dewna may. Ni yoori suu bay ŋgulla egesina a li ɓivun ma ŋgalam ki ŋgalina.

NDUMBA 5:6

«Aŋ di suu Israelna ana, Lini sa njufna ɗowba cara li cora wa eg Yawe, li dlara ka ii suuna halaŋ jiviɗira, sa namma ɓakŋa vam wa.

NDUMBA 6:10

Hu buu ma kalavandina ni nam mbaa gugukka ay mba' maŋ fun Mbutluɓ ma Tokka, lini guk gaɓiina ɗowba guk palatta.

NDUMBA 6:11

Mul ma li ɓivunna ŋgaɗ dew a li ɓivun ma bulum cora kina, ta hiniŋga a li ɓivun ma ŋgalam kina may. Sa Nazirna li ɓivun ma mbus cora kina, kayra nam ŋgen tam ay eg sa ma miɗinara. Hu buu namma gaw ni, sa namma mbuɗ tam ki teteɗ.

MATIYE 10:16

«Humugi jiviya. An sunugi ha ni ko timigiina duk bosokona na. Lagi neeyra ko guygina na, ɗili ko gugukka na may.

MATIYE 21:12

Yesu kal hu Ziŋ Lonara, dik suu gus tlegeyesi kina, u suu gus kosina kiyo. Nam zuɗ tabulla vi suu mbuɗ gursura ki kaŋgaa, dlamba vi suu gus gugukka nam zuɗuɗ ki kaŋga lay.

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

Boy Ma Ayra Ma LUK Ɓiirimma 2:24

Asi li ɓivunna fok Lona u gugukka mba' ko gaɗta dira na.

2 KORINTNA 8:12

Lini sana tin hurum ma jivina wa a ɦala ni, Lona ŋgani ɦal mayra ka ko sanara, va ma kaɗina nam ka ŋgaambi.