DLAŊ LEVIRA 5:16 - Boy Lonana

¹⁶ Nam warak bal va ma nam ɦam kaɗina kiyo, hin cuk keŋ ma vadlna kayam hu olo, ɦasi maŋ mul ma li ɓivunna. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 5:16 ပူးပေါင်းရင်းမြစ်များ

NDUMBA 5:7

Nam mba gi u va ma nam tlamma kiyo, hoŋ va namma ki maŋ malamma, warak keŋ ma vadlna ha kayam u olo.

DLAŊ LEVIRA 22:14

Lini sa ma ka hu njaf ma vi mul ma li ɓivunnanaɗi, tlesuu teteɗ asina paɗ funum wa ni nam warak mul ma li ɓivunna hoŋom tlesuu nam tasina kiyo, hin cukum keŋ ma vadlna ha kayam hu olo.

DLAŊ LEVIRA 27:31

Lini sana min a mbuɗ keŋ ma doogo namma ma nam ɦam maŋ Lonna ni nam cuk keŋ ma vadlna kayam huwa.

DLAŊ LEVIRA 27:27

Lini yoo ma ki njenje ii Lonana ni, gorom ma vuɗ jewna, malamma ndak mbuɗum ko Lona. Nam ɦal keŋ ma vadlna u ŋgara mul ma li ɓivunna ŋgaaɗta.

DLAŊ LEVIRA 27:15

Lini sa ma ɦal ziim kina min a gusummi namu ni nam ɦal gussa mul ma li ɓivunna ŋgaaɗta hin ɦal keŋ ma vadlna kayam hu olo.

DLAŊ LEVIRA 27:13

Lini malaŋ yoona min a mbuɗumu ni nam warak ŋga mayra mul ma li ɓivunna ŋgaaɗta, hin cuk keŋ ma vadlna ha kayam hu olo.

DLAŊ LEVIRA 5:10

Ta mbara ni ɓivun ma ŋgalam kina ko gaɗta dira na. Lini mul ma li ɓivunna lam ɓivunna kam wa ko gaɗta dira na ni, coom ndaɗta bulum ki wa.

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

Boy Ma Ayra Ma LUK Ɓiirimma 19:8

Nam Zake col kolo di maŋ Yesu ana, «Aŋ hum haa, Mala Haɗta. An ɓorow tlegeyen ki duk gaya gaya, suu hiŋŋa an ɦasi ki maŋ suu hawra. Sa ma an lam irim u gursu mambana, an hoŋom na ga ga fiɗi.»

SOOLLA 69:4

An sawalla saɓakan daɓ wa, ɦoo delen mbuɗ ko kura ŋgalla na, irin ka wi oloɗi, an ka juɓ ni Loonna.

DLAŊ LEVIRA 5:13

Lini mul ma li ɓivunna li ɓivunna wa kay cora ko ndaɗta nara ni, coom ndaɗta bulum ki wa. Mul ma li ɓivunna li ni ko ndal nam li u puura njaf wanara na may.»

DLAŊ LEVIRA 5:6

A nam hoŋ min duk ɦoŋom u Yawe kay cora nam laɗta ni, nam vi goo yoo ma tama ay dew, goo timii ɗowba goo ɦu wa. Kay a dan ɓivunna kay coombara. Mul ma li ɓivunna hin lam ɓivun ma bulumum coomba kina.»

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

KALKIRA 22:1

Lini sana fi sa ma kulla a vek u zira cam ki maɗna wa ni sa ka hal dlara saam sugulumbi.

DLAŊ LEVIRA 7:2

Ŋgaɗ va ma li ɓivun ma min duk ɦoŋga ni hu givin ma togolla. Mul ma li ɓivunna yamam busuɗum ŋgufum ki kay givin ma togolla na cutl.

NDUMBA 5:8

Lini malaŋ va ma nam tlamma ay varamma ka oloɗi ni, wayam ma egem tok kaɗi lay ni, ɦal va namma ha ki maŋ Yawe ni ana maŋ mul ma li ɓivunna, sa namma hin ɦal gamla timiina ay a li ɓivun ma min dukka may, kay ana mul ma li ɓivunna lam ɓivun ma bulum cora kina ki kamu.

1 SAMUEL 6:3

Asi di ana, «Lini agi hoŋ Zanduk Lona vi suu Israelnara ni, agi hoŋoɗ ɦawa bay va uɗɗi. Agi hal yal ma a miniɗ mini na ɗow. Na ɗaŋŋi agi hin suɗ kiyo, agi hin wi dlara ko Lona ka tli ki kagiɗi kaɗta.»

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.