DLAŊ LEVIRA 4:6 - Boy Lonana

⁶ Mul ma li ɓivunna kal cifiɗ kom duk busuna, nam yam busuna sem kiɗisiya kalafi fok Yawe eg ii li ma kiɗikŋa eg gojoli ma caki ii li ma teteɗna.

DLAŊ LEVIRA 4:6 ပူးပေါင်းရင်းမြစ်များ

JOSUWE 6:8

Dlara halaŋ li ni ko ndal Josuwe dira na may. Suu gol yam suunana tuɗ ha fok muli suu li ɓivunna suu kiɗisiyana. Asi yow mekŋa fok Yawena tuɗ ha foko bu diffana may. Zandukka Galamba vi Yawera tuɗ ha kay ceeresi may.

JOSUWE 6:4

Muli suu li ɓivunna na kiɗisiya yow difi mek gamlagina kosi na kiɗisiya may, tuɗ ha fok Zandukka Galamba. Hu buu ma kiɗisiyana ni agi suu asgaana u muli suu li ɓivunna hin ŋguy yam ɦoŋzina segi na kiɗisiya. Muli suu li ɓivunna hin bu diffa may.

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

DLAŊ LEVIRA 26:24

an may ni hin ɓeŋ hurun egegiya, an hin kaagi ɓakŋa kagi sen kiɗisiya co su olo, kay dla coogira.

DLAŊ LEVIRA 26:18

«Lini agi ka humun vununɗi gak gakgi ni, an hin kaagi ɓak ma gaɗagina kagi sen kiɗisiya co su ma wanna.

DLAŊ LEVIRA 16:19

Nam yam busuna kay givin ma togolla sem kiɗisiya u komu. Nam mbuɗum ki teteɗ ko njenjera vi suu Israelnara. Nam mbuɗum ki ni teteɗ.

DLAŊ LEVIRA 16:14

Nam vo busu mbutlna, nam yam busuna u kom keŋ Yam Zandukka u maɗiina na, hin yamam fok Yam Zandukka may. Nam yam busuna u cifiɗ kom sem kiɗisiya.

DLAŊ LEVIRA 14:18

U mbul ma hin hu duk komma nam lam ki kay yam sa ma mba li ɓivunnana. Mul ma li ɓivunna geŋeɗ tam lam ɓivun ma bulum cora kina kam fok Yawe.

DLAŊ LEVIRA 14:27

Nam kal cifiɗ komba njuffa duk mbulna. Nam tuɗ yam mbulna fok Yawe sem kiɗisiya, ni mbul ma ka hu duk kom namma.

DLAŊ LEVIRA 14:16

Mul ma li ɓivunna kal cifiɗ komba njuffa ay duk mbul ma vooy hu komma guluna, Nam yam mbulna fok Yawe sem kiɗisiya.

DLAŊ LEVIRA 9:9

Goryoŋ Aaronna ɦam busu mbutlna aya, nam kal gor gor kom duku, tin busuna eg mek ma ŋguy kay givin ma togolla, busu ma hinna nam voom u givin ma togolla.

DLAŊ LEVIRA 8:15

Moiz ŋgaɗ mbutl namma, li busuna gor gor komu, tinim eg mek ma ŋguy kay givin ma togolla a bulumum coomba kira. Nam vo busu ma hiŋŋa u givin ma togolla. Nam mbuɗum ki teteɗ u ɓivun ma mbus cora kina.

DLAŊ LEVIRA 4:34

Mul ma li ɓivunna kal cifiɗ kom duk busuna tuɗ tinim eg mekŋa hu givin ma togolla, busu ma hinna nam voom ga u givin ma togolla.

DLAŊ LEVIRA 4:30

Mul ma li ɓivunna kal kom duk busuna tuɗ tinim eg mekŋa hu givin ma togolla. Busu ma hinna nam voom gaa u givin ma togolla.

DLAŊ LEVIRA 4:25

Mul ma li ɓivunna kal cifiɗ kom duk busuna, tuɗ tinim eg mekŋa hu givin ma togolla, u busu ma hinna nam voom ki ga u givin ma togolla.

DLAŊ LEVIRA 4:17

Mul ŋgol ma li ɓivunna kal cifiɗ kom duk busuna, nam yam busuna sem kiɗisiya fok Yawe, ii li ma kiɗikŋa eg gojoli ma caki ii li ma teteɗna na.

NDUMBA 19:4

Mul ma li ɓivunna Eleazar kal cifiɗ kom duk busu mbutla, nam yeɗ busuna yam kiɗisiya yamam irim a fun Mbutluɓ ma Tokka na gay.

DLAŊ LEVIRA 25:8

«Aŋ ndum basara kiɗisiya kiɗisiyara seŋ kiɗisiya, ndi halaŋ basara dok-fiɗi yam dleeŋe.

KALKIRA 40:21

Nam kal Zandukka ha kalafi hu mbutluɓma, cak ii Zandukka ha ki u baraw ma ŋgolna ko ndal Yawe di Moizza na.

KALKIRA 40:26

Nam tin givin ma togolla ta yoori u lorra hu mbutluɓma vok baraw ma caki dukŋa na gay.

DLAŊ LEVIRA 8:11

Nam yam mbulna sem kiɗisiya hu givin ma togolla. Ŋgoo dagan nam fuu givin ma togolla u tlesuu hurumma halaŋ. Nam fuu tassa ŋgol ma vo yona huna u va ma nam tini kamma halaŋ, a mbuɗusi ki teteɗta.

DLAŊ LEVIRA 14:7

Nam yam mbo namma eg sa ma tuguɗi busuna lamma sem kiɗisiya. Nam di ki kay sa namma ana nam mbuɗ ki ni teteɗ. Lay ma hin kom iirina nam hinim nam pii tin irim ŋgoro.