DLAŊ LEVIRA 4:5 - Boy Lonana

⁵ Mul ŋgol ma li ɓivunna ma ki fuuri u mbulnana vo busuna kom vo ni tuɗum ha kalafi hu Mbutluɓ ma Tokka.

DLAŊ LEVIRA 4:5 ပူးပေါင်းရင်းမြစ်များ

DLAŊ LEVIRA 16:14

Nam vo busu mbutlna, nam yam busuna u kom keŋ Yam Zandukka u maɗiina na, hin yamam fok Yam Zandukka may. Nam yam busuna u cifiɗ kom sem kiɗisiya.

NDUMBA 19:4

Mul ma li ɓivunna Eleazar kal cifiɗ kom duk busu mbutla, nam yeɗ busuna yam kiɗisiya yamam irim a fun Mbutluɓ ma Tokka na gay.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

DLAŊ LEVIRA 16:19

Nam yam busuna kay givin ma togolla sem kiɗisiya u komu. Nam mbuɗum ki teteɗ ko njenjera vi suu Israelnara. Nam mbuɗum ki ni teteɗ.

DLAŊ LEVIRA 4:3

«Lini mul ŋgol ma li ɓivunna ma fuurum ki u mbulnana li cora ni namu ni, u coom ndaɗta a mbaa cora kay suu halaŋŋa ni, nam vi bolo mbutl ma bay ŋgulla egemma, mbaaram fok Yawe a li ɓivunna kay dla coombara.

DLAŊ LEVIRA 6:23

Na may va ma ŋgaɗam a li ɓivun ma bulum cora kina, ma tuɗum busuɗum ha kalafi hu Mbutluɓ ma Tokkana sa ka komombi, ŋgalam ki ni ŋgaliya.»

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.