DLAŊ LEVIRA 4:35 - Boy Lonana

³⁵ Tliw ma mbulna halaŋ nam yowom ko li ay u ɓivun ma heɓpa na may, mul ma li ɓivunna tuɗ ŋgalasi kay givin ma togolla fok Yawe. Nam li dla ndaɗta kay sa ma li corana wa na ni coomba bulum ki wa.»

DLAŊ LEVIRA 4:35 ပူးပေါင်းရင်းမြစ်များ

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 14:18

U mbul ma hin hu duk komma nam lam ki kay yam sa ma mba li ɓivunnana. Mul ma li ɓivunna geŋeɗ tam lam ɓivun ma bulum cora kina kam fok Yawe.

DLAŊ LEVIRA 6:7

«Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

1 PIYER 2:22

Nam li co kaɗi, sa hum boy ma kaboy ka funum faɗ taa dewɗi.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

HEBRENA 7:26

Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.

HEBRENA 4:14

Vaygi vira aygi di kaɗta huruygi eŋe. Aygi faygi mul ŋgol ma li ɓivunna ma mbay kolo eg Lona day ni Yesu, Goŋ Lonna.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

KOLOSNA 1:14

Gi deɓpa ŋgolla kay buɗ maygira, kay cooygira daɓ kira.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

ROMMA 4:25

Ҥam ay ki hu miɗna ni kay cooygira nam colom ki kolo iiri ni kay a mbuɗuygi ɗegee fok Lona.

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

DLAŊ LEVIRA 14:53

Nam hin lay ma hin iirina pii ha ki doŋ kaana, hoŋ irim ŋgoo bagi duk gura na. Nam li ɓivun ma bulum cora kina kay zi ndaɗta ni ndaɗ mbuɗ ki ni teteɗ.»

DLAŊ LEVIRA 12:8

«Lini cara ka ndak a fi timiinaɗi ni, ndaɗ yow gugukka ay mba', taa dew a li ɓivun ma ŋgalam kina may, ta hiŋga a li ɓivun ma bulum cora kina may, hu li ma mul ma li ɓivunna li dlara ɓivun ma bulum cora kira kaɗ wa ni, ndaɗ ki ni mbuɗi teteɗ kay busuuɗ ma vo kina.»

DLAŊ LEVIRA 9:7

Ŋgoo dagan Moiz hin di Aaron ana, «Ҥuɗ taŋ ay eg givin ma togolla, li ɓivun maŋ ma bulum cora kina, ŋgal ɓivun maŋ ma ŋgalam kina kay taŋga u suu maŋsina halaŋ. Ŋgoo dagan li ɓivun ma bulum cora vi suu halaŋŋa kira may, ko ndal Yawe daŋga na.»

DLAŊ LEVIRA 5:13

Lini mul ma li ɓivunna li ɓivunna wa kay cora ko ndaɗta nara ni, coom ndaɗta bulum ki wa. Mul ma li ɓivunna li ni ko ndal nam li u puura njaf wanara na may.»

DLAŊ LEVIRA 5:10

Ta mbara ni ɓivun ma ŋgalam kina ko gaɗta dira na. Lini mul ma li ɓivunna lam ɓivunna kam wa ko gaɗta dira na ni, coom ndaɗta bulum ki wa.

DLAŊ LEVIRA 5:6

A nam hoŋ min duk ɦoŋom u Yawe kay cora nam laɗta ni, nam vi goo yoo ma tama ay dew, goo timii ɗowba goo ɦu wa. Kay a dan ɓivunna kay coombara. Mul ma li ɓivunna hin lam ɓivun ma bulumum coomba kina.»

NDUMBA 15:28

Mul ma li ɓivunna lam ɓivun ma mbus cora kina kam fok Yawe kay cora paɗ kom ndaɗta, nam li ɓivunna kay sa namma wa ni coom ndaɗta hin bulum kiyo.

DLAŊ LEVIRA 15:15

Nam vi taa dew a li ɓivun ma bulum cora kina, ta hiŋga ni a li ɓivun ma ŋgalam ki ŋgalina may. Mul ma li ɓivunna lam ɓivun ma bulum cora kina kam fok Yawe kay tuguɗi mamba cuɗ ki egem ndaɗta.

DLAŊ LEVIRA 19:22

Hu li ma ŋgaɗ timiina wa ni mul ma li ɓivunna lam ɓivun ma bulum cora kina kam fok Yawe ni coom ndaɗta bulum ki wa.