DLAŊ LEVIRA 4:26 - Boy Lonana

²⁶ Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:26 ပူးပေါင်းရင်းမြစ်များ

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

NDUMBA 15:28

Mul ma li ɓivunna lam ɓivun ma mbus cora kina kam fok Yawe kay cora paɗ kom ndaɗta, nam li ɓivunna kay sa namma wa ni coom ndaɗta hin bulum kiyo.

DLAŊ LEVIRA 5:10

Ta mbara ni ɓivun ma ŋgalam kina ko gaɗta dira na. Lini mul ma li ɓivunna lam ɓivunna kam wa ko gaɗta dira na ni, coom ndaɗta bulum ki wa.

DLAŊ LEVIRA 4:35

Tliw ma mbulna halaŋ nam yowom ko li ay u ɓivun ma heɓpa na may, mul ma li ɓivunna tuɗ ŋgalasi kay givin ma togolla fok Yawe. Nam li dla ndaɗta kay sa ma li corana wa na ni coomba bulum ki wa.»

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 3:5

Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.

DLAŊ LEVIRA 6:7

«Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

DLAŊ LEVIRA 5:18

Lini nanagelay ni nam mba ɦal gamla timiina ay maŋ mul ma li ɓivunna, ni timii ma bay ŋgulla egemma. Ko gaɗta di kay ɓivun ma min duk ɦoŋgara na. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 5:16

Nam warak bal va ma nam ɦam kaɗina kiyo, hin cuk keŋ ma vadlna kayam hu olo, ɦasi maŋ mul ma li ɓivunna. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 5:13

Lini mul ma li ɓivunna li ɓivunna wa kay cora ko ndaɗta nara ni, coom ndaɗta bulum ki wa. Mul ma li ɓivunna li ni ko ndal nam li u puura njaf wanara na may.»

DLAŊ LEVIRA 1:4

Sa namma tin kom kay yam mbutl ma ɓivun namma kay a ɓivunna vi jivi a bulumum coomba kira.

DLAŊ LEVIRA 4:19

Tliw ma mbulna halaŋ nam yowomu tuɗ ŋgalam ki hu givin ma togolla.

DLAŊ LEVIRA 12:8

«Lini cara ka ndak a fi timiinaɗi ni, ndaɗ yow gugukka ay mba', taa dew a li ɓivun ma ŋgalam kina may, ta hiŋga a li ɓivun ma bulum cora kina may, hu li ma mul ma li ɓivunna li dlara ɓivun ma bulum cora kira kaɗ wa ni, ndaɗ ki ni mbuɗi teteɗ kay busuuɗ ma vo kina.»

DLAŊ LEVIRA 14:18

U mbul ma hin hu duk komma nam lam ki kay yam sa ma mba li ɓivunnana. Mul ma li ɓivunna geŋeɗ tam lam ɓivun ma bulum cora kina kam fok Yawe.

2 DLAŊ MULINARA 29:24

Muli suu li ɓivunna ŋgaɗasiya, li ɓivun ma bulum cora kina kay givin ma togolla u busuɗusi kay givin ma togolla. Ni kay a cen kay suu Israelna halaŋ. Kay mulna ɦal voɗta a li ɓivunna ni kay suu Israelna halaŋ, ɓivun ma bulum cora kina.

DLAŊ LEVIRA 15:15

Nam vi taa dew a li ɓivun ma bulum cora kina, ta hiŋga ni a li ɓivun ma ŋgalam ki ŋgalina may. Mul ma li ɓivunna lam ɓivun ma bulum cora kina kam fok Yawe kay tuguɗi mamba cuɗ ki egem ndaɗta.

DLAŊ LEVIRA 17:11

Kay ana, iirira vi tlena halaŋŋi duk busuɗusiya, anu, an ɦagina ni hu givin ma togolla kay a li ɓivun ma bulum cora kina kay iiri magira. Busuna mbus co ndaɗta kiyo kay nammi iirira.

DLAŊ LEVIRA 19:22

Hu li ma ŋgaɗ timiina wa ni mul ma li ɓivunna lam ɓivun ma bulum cora kina kam fok Yawe ni coom ndaɗta bulum ki wa.

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

EZEKIYEL 43:22

Hu buu ma mbana ni aŋ vi ɦu ŋgek ma bay ŋgulla egemma, aŋ ŋgaɗam a li ɓivun ma bulum cora kina. Aŋ li u nam a mbuɗ givin ma togolla ki teteɗta ni ko ndal aŋ li ay u bolo mbutlnara na olo.