DLAŊ LEVIRA 4:21 - Boy Lonana

²¹ Ŋgoo dagan asi yow mbala mbutlna ha ki doŋ kaana tuɗ ŋgalam kiyo, ko nam li u mbutl ma bulum cora kinara na may. Ɓivun ma kay suuna halaŋŋa li ni na.»

DLAŊ LEVIRA 4:21 ပူးပေါင်းရင်းမြစ်များ

EZDRAS 8:35

suu hoŋ ay hu li ma mbaɓura, suu yowosi ay mbaɓurana li ɓivun ma ŋgalam ki ŋgalina maŋ Lo ma vi suu Israelna u bolo mbutlina doogo yam mba' kay suu Israelna halaŋ, gamlagina dok-dleeŋe yam karkiya, gor timigiina dok-kiɗisiya yam kiɗisiya, ŋgekgina doogo yam mba' kay sulukŋa, halaŋŋi kay ɓivun ma ŋgalam ki ŋgali maŋ Yawena.

KALKIRA 29:14

na may tliw mbutlna u bakam u soɗom halaŋ aŋ ŋgalasi ha ki doŋ kaana. Ni ɓivun ma bulum cora kina.

EZEKIYEL 45:22

Buu ma jew a gijaŋ luunana ni mulna ɦal bolo mbutlna a li ɓivunna a bulum coom tambara kira u suu belna halaŋ may.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:21

Aaron baa kom kay yam ŋgek ma iirina u dlam jak, nam hom cora vi suu Israelna ki kam halaŋ, u dlara asi daɗ cora halaŋ, ni ana suluk masi ma asi lamma halaŋ halaŋ nam tinim ha ki kay ŋgekŋa. Ŋgoo dagan nam yi sana dew tuɗ gi ŋgek namma ha ki ŋgoo bagi hu fulla.

DLAŊ LEVIRA 16:27

Mbutl ma ŋgaɗam a bulum cora kina u ŋgek ma ŋgaɗam a bulum cora kina, suu Aaronna tuɗusi busuɗusi ha hu Li ma ki Saɓaki Teteɗna, yowosi ha ki doŋ kaana ŋgalasi kiyo, bakka, tliwna u soɗosi halaŋ ŋgalasi ha ki doŋ kaana.

DLAŊ LEVIRA 4:13

«Lini suu Israelna u dlasira bella li cora, co ndaɗta ŋgay ga asi waɗ kaɗi ni, lini asi calaɗ gaɗta wa dew duk dlara Yawe di ana laɗɗira wa ni, asi cuk tasi ni hu cora halaŋ.

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 6:11

Suu njufii suu hu njaf Aaronna halaŋ ndak ti u tle asina. Ɓorow namma hin ki ni magi a fafaɗta ha ni hu basara u basara, duk tlesuu ŋgalasi ki a li ɓivunna maŋ Yawena. Suu daŋŋa suu ŋgen tle asinana halaŋ hin fi cora kay teteɗ mamba.»

DLAŊ LEVIRA 6:23

Na may va ma ŋgaɗam a li ɓivun ma bulum cora kina, ma tuɗum busuɗum ha kalafi hu Mbutluɓ ma Tokkana sa ka komombi, ŋgalam ki ni ŋgaliya.»

DLAŊ LEVIRA 8:17

Bolo mbutlna tamba u bakam halaŋ u soɗom lay, tuɗ ŋgalasi ha ki doŋ kaana, ko Yawe di Moizza na.

NDUMBA 15:24

Lini co ndaɗta li wa ko suu tokkina halaŋ asi waɗ kaɗi ni, suu tokka halaŋ li ɓivun ma ŋgalam kina maŋ Yawe u bolo mbutlna, li puura his jivina u sum veŋŋa ko gaɗta dira na, hin vi ŋgekŋa a li ɓivun ma bulum cora kina may.

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

HEBRENA 13:11

Mul ŋgol ma li ɓivunna vi suu Juifna tli busuna kom tani kal u nam hu Li ma ki Saɓaki Teteɗna, a li a ɓivun ma yow cora kina, tliw yoori asina ŋgalasi ha ki ŋgoo doŋ kaana.