DLAŊ LEVIRA 4:20 - Boy Lonana

²⁰ Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 4:20 ပူးပေါင်းရင်းမြစ်များ

KALKIRA 32:30

Vin maɗiira ni Moiz di suuna ana, «Agi li ni suluk ma ŋgolna, cemini an min ɗiŋ kolo eg Yawe, kala an li fi vaɗ huuna ay kay suluk magina kala.»

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

DLAŊ LEVIRA 1:4

Sa namma tin kom kay yam mbutl ma ɓivun namma kay a ɓivunna vi jivi a bulumum coomba kira.

DLAŊ LEVIRA 12:8

«Lini cara ka ndak a fi timiinaɗi ni, ndaɗ yow gugukka ay mba', taa dew a li ɓivun ma ŋgalam kina may, ta hiŋga a li ɓivun ma bulum cora kina may, hu li ma mul ma li ɓivunna li dlara ɓivun ma bulum cora kira kaɗ wa ni, ndaɗ ki ni mbuɗi teteɗ kay busuuɗ ma vo kina.»

DLAŊ LEVIRA 14:18

U mbul ma hin hu duk komma nam lam ki kay yam sa ma mba li ɓivunnana. Mul ma li ɓivunna geŋeɗ tam lam ɓivun ma bulum cora kina kam fok Yawe.

DLAŊ LEVIRA 15:15

Nam vi taa dew a li ɓivun ma bulum cora kina, ta hiŋga ni a li ɓivun ma ŋgalam ki ŋgalina may. Mul ma li ɓivunna lam ɓivun ma bulum cora kina kam fok Yawe kay tuguɗi mamba cuɗ ki egem ndaɗta.

DLAŊ LEVIRA 19:22

Hu li ma ŋgaɗ timiina wa ni mul ma li ɓivunna lam ɓivun ma bulum cora kina kam fok Yawe ni coom ndaɗta bulum ki wa.

DLAŊ LEVIRA 4:21

Ŋgoo dagan asi yow mbala mbutlna ha ki doŋ kaana tuɗ ŋgalam kiyo, ko nam li u mbutl ma bulum cora kinara na may. Ɓivun ma kay suuna halaŋŋa li ni na.»

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:35

Tliw ma mbulna halaŋ nam yowom ko li ay u ɓivun ma heɓpa na may, mul ma li ɓivunna tuɗ ŋgalasi kay givin ma togolla fok Yawe. Nam li dla ndaɗta kay sa ma li corana wa na ni coomba bulum ki wa.»

DLAŊ LEVIRA 4:8

Mbul ma huu mbutl ma ŋgaɗam a li ɓivun ma bulum cora kina halaŋ, mul ma li ɓivunna yowomu, mbul ma kay yorotnana halaŋ ma ga una lay.

DLAŊ LEVIRA 5:10

Ta mbara ni ɓivun ma ŋgalam kina ko gaɗta dira na. Lini mul ma li ɓivunna lam ɓivunna kam wa ko gaɗta dira na ni, coom ndaɗta bulum ki wa.

DLAŊ LEVIRA 5:13

Lini mul ma li ɓivunna li ɓivunna wa kay cora ko ndaɗta nara ni, coom ndaɗta bulum ki wa. Mul ma li ɓivunna li ni ko ndal nam li u puura njaf wanara na may.»

DLAŊ LEVIRA 5:16

Nam warak bal va ma nam ɦam kaɗina kiyo, hin cuk keŋ ma vadlna kayam hu olo, ɦasi maŋ mul ma li ɓivunna. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 5:18

Lini nanagelay ni nam mba ɦal gamla timiina ay maŋ mul ma li ɓivunna, ni timii ma bay ŋgulla egemma. Ko gaɗta di kay ɓivun ma min duk ɦoŋgara na. Mul ma li ɓivunna li ɓivunna ki kam u gamla timiina wa ko gaɗta dira na ni, coomba bulum ki wa.

DLAŊ LEVIRA 5:6

A nam hoŋ min duk ɦoŋom u Yawe kay cora nam laɗta ni, nam vi goo yoo ma tama ay dew, goo timii ɗowba goo ɦu wa. Kay a dan ɓivunna kay coombara. Mul ma li ɓivunna hin lam ɓivun ma bulumum coomba kina.»

DLAŊ LEVIRA 6:7

«Gola ni yal ma li ɓivun ma njaf wana, goryoŋ Aaronna tak ɓivun ma namma fok Yawe, hu givin ma togolla.

NDUMBA 15:25

Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

NDUMBA 15:28

Mul ma li ɓivunna lam ɓivun ma mbus cora kina kam fok Yawe kay cora paɗ kom ndaɗta, nam li ɓivunna kay sa namma wa ni coom ndaɗta hin bulum kiyo.

ROMMA 5:11

Aygi furiyuygi ŋgolo hu Lona u Bu Suuna Yesu Kristu ma taɓaygi cecemi u Lonna.

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.