DLAŊ LEVIRA 4:15 - Boy Lonana

¹⁵ Suu ŋgolo suu fok suunana baa kosi kay yam mbutlna fok Yawe, asi ŋgaɗ mbutl namma ni fok Yawe hu gaw may.

DLAŊ LEVIRA 4:15 ပူးပေါင်းရင်းမြစ်များ

2 DLAŊ MULINARA 29:23

Ŋgoo dagan asi hin mbaa ŋgegina ay may a li ɓivun ma bulum cora kina fok mulna na gay, fok suu toki halaŋŋa may. Asi baa kosi kasiya.

KALKIRA 24:1

Yawe di Moiz ana, «Ɗiŋ ay kolo egenu aŋ may, Aaron may, Nadab u Abihu may, suu ŋgolo suu Israelna suu dok-kiɗisiyana may, agi tuɗ goɓ Lona ha ki na ɦuɗ.

KALKIRA 24:9

Moiz ɗiŋ kolo kay ɦinira, asi ugi Aaron, Nadab, Abihu u suu ŋgolo suu Israel suu dok-kiɗisiyana may.

DLAŊ LEVIRA 1:3

«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

DLAŊ LEVIRA 1:4

Sa namma tin kom kay yam mbutl ma ɓivun namma kay a ɓivunna vi jivi a bulumum coomba kira.

DLAŊ LEVIRA 16:21

Aaron baa kom kay yam ŋgek ma iirina u dlam jak, nam hom cora vi suu Israelna ki kam halaŋ, u dlara asi daɗ cora halaŋ, ni ana suluk masi ma asi lamma halaŋ halaŋ nam tinim ha ki kay ŋgekŋa. Ŋgoo dagan nam yi sana dew tuɗ gi ŋgek namma ha ki ŋgoo bagi hu fulla.

DLAŊ LEVIRA 4:16

Mul ma li ɓivunna ma ki fuuri u mbulnana vo busuna kom tuɗ kalafi hu Mbutluɓ ma Tokka.

DLAŊ LEVIRA 4:4

Nam mbaa bolo mbutlna ay fun Mbutluɓ ma Tokka fok Yawe, nam tin kom kay yam mbutlna, nam ŋgaɗ mbutl namma fok Yawe.

DLAŊ LEVIRA 8:14

Ŋgoo dagan Moiz vi bolo mbutl ma li ɓivun ma bulum cora kina, Aaron u goryom baa kosi kay mbutlna.

DLAŊ LEVIRA 8:18

Ŋgoo dagan Moiz vi gamla timii ma li ɓivun ma ŋgalam kina aya, Aaron u goryom tin kosi kamu.

DLAŊ LEVIRA 8:22

Ŋgoo dagan Moiz vi gamla timii ma mbana aya, namma ni a timii ma ɦal sunda maŋ sa li ɓivunna. Aaron u goryom tin kosi kay timiina.

NDUMBA 11:16

Yawe di Moiz ana, «Tokon suu ŋgolo suu Israelna ay egeŋ na dok-kiɗisiya, suu aŋ wi ana gasi asi ndaki suu ŋgolonana suu kaɓakŋa fok suuna. Aŋ mbaarasi ay fok Mbutluɓ ma Tokkana, asi mbay ko tasi u aŋu.

NDUMBA 11:25

Yawe cuk ay ga hu ɗugulla ka ɓakamu, nam yow ki u musukka vi Moizza nde ɦaɗ ki huu suu ŋgolo suu dok-kiɗisiyana. Hu li ma musuk ndaɗta cuk kasi may ni, asi gijaŋ di dlara joɓpa gaw. Na may masira ka hin tuɗ ha fok gak gakgi.

NDUMBA 8:10

Aŋ ɦuɗ suu vi Levina ay fok Yawe, suu Israelna tin kosi kasi may.

NDUMBA 8:12

Suu vi Levina tin kosi kay yam bolo mbutliina, ɦal mbutlii asina maŋ Yawe, maa dew a li ɓivun ma bulum cora kina, ma hiŋŋa a li ɓivun ma ŋgalam kina may. Ni a li ɓivunna ki kay njaf suu vi Levinara.