DLAŊ LEVIRA 3:9 - Boy Lonana

⁹ Ɓivun ma heɓpa namma ni, asi mba lii mbulna halaŋ fok Yawe, tli njawra ay halaŋ, paɗaɗ ay ni kolo hu guɗu ura na day, u mbul ma huu ɦunana halaŋ may.

DLAŊ LEVIRA 3:9 ပူးပေါင်းရင်းမြစ်များ

DLAŊ LEVIRA 9:19

Tliw ma mbul ma ay huu mbutlna u timiinana halaŋ nam yowomu, ni njawra, mbul ma hurusina, gilissa u dudukka halaŋ.

KALKIRA 29:22

Tliw timiina aŋ yow keŋ li ma mbulna, njawra u mbul ma hurumma, dudukka, gilissa u dlaɗta mbara u mbul ma kaɗna halaŋ, paɗ bikka njuffa may, kay ana ɓivun ma u gamla timii namma ni ma a ɦal sunda maŋ Aaronna.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

VUN ŊGOLNA 23:26

Goonna, ɦal huruŋ ki manu, ko dlara an laɗta mba li iriŋ jiviya.

DLAŊ LEVIRA 8:25

Nam vaa tliw ma mbulna, njawra, mbul ma hurumma halaŋ, dudukka, gilissa u mbul ma kaɗna halaŋ u gay ma njufna may.

DLAŊ LEVIRA 7:3

Nam yow tliw ma mbulna halaŋ, njawra u mbul ma hurumma halaŋ may.

DLAŊ LEVIRA 17:5

Kay ndaɗta suu Israelna hin dlara ŋgaɗ tlena ha ki duk bolowra tani, mbaa va namma ay ni maŋ mul ma li ɓivunna fun Mbutluɓ ma Tokka, nam ŋgaɗam, a li ɓivunna maŋ Yawe, ni ɓivun ma heɓpa.

NDUMBA 7:88

Yoori suu ŋgolo suu a li ɓivun ma heɓpa mbutlina halaŋŋi dok-mba' yam fiɗi, gamlagina dok-karkiya, ŋgegina dok-karkiya, gor timigii suu basaɗasi dew dewna dok-karkiya may. Ni ɦala haɗ a mbuɗ givin ma togolla ki teteɗta. Ŋgoo dagan hu li ma asi fuuruɗ ki u mbulna na.

1 SAMUEL 10:8

Aŋ hin tuɗ ha ki fokon jew hu Gilgal. An may ni hin tuɗ faŋ ha hu a li ɓivun ma ŋgalam ki ŋgalina u ɓivun ma hal heɓpa. Aŋ hin juɓun ha hu buuna kiɗisiya ta ta an tuɗ faŋ ha tuwa. Na ɗaŋŋi an hin takaŋ tlesuu aŋ hin lasina.»

2 SAMUEL 6:17

Asi kal Zanduk Yawera ki voo. Asi tiniɗ hu li ma asi miniɗna, maɗ duk hoŋ mbutluɓ ma David minim kaɗna. David li ɓivun ma ŋgalam ki ŋgalina fok Yawe u ɓivun ma heɓ dukka.

1 MULINA 3:15

Salomon dliɗ ki koloo, doyra dammi ko ndaɗta na. Nam hoŋ hu Yerusalem, tuɗ col fok Zanduk ta Galamba vi Yawe. Nam li ɓivun ma ŋgalam ki ŋgalina u ɓivun ma mbaa heɓpa. Nam yi funa suu sun mamsina halaŋ ti huwa.

1 MULINA 8:63

Salomon ŋgaɗ mbutlugina 22,000, timigiina u ɦugunina na 120,000 a li ɓivun ma taɓ dukka. Ni kay a mal vun Ziŋ Yawera ŋgolla.

1 MULINA 8:64

Hu buu namma ni mulna Salomon poo ki kay huu taraŋga fun Ziŋ Yawera lay, kay givin ma togolla ni, gooro ka ndak a cuk tlena belɗi. Salomon ŋgal ɓivun ma ŋgalam ki ŋgalina ki ni huu taraŋga fun Ziŋ Yawera. Puura ta u wanana u ɓivun ma ŋgal mbul yoorina halaŋ, ni ɓivun ma taɓ duk ɦoŋga.

1 DLAŊ MULINARA 16:1

Asi kal Zandukka ay hin tiniɗ hu mbutluɓma David minim kaɗna hu dukka gayra. Asi hin li ɓivun ma ŋgalam ki ŋgalina u ɓivun ma heɓ dukka fok Lona.