DLAŊ LEVIRA 3:17 - Boy Lonana

¹⁷ Gaɗ ndaɗta hin ha kagi ni a fafaɗta, ha aragelay li ma agi ka huna ni, tliw ma tam u mbulna halaŋ agi komombi, kom mbulna u busunaɗi lay.»

DLAŊ LEVIRA 3:17 ပူးပေါင်းရင်းမြစ်များ

URA TIN AYRA 9:4

Na may ni agi komogi tliw ma u iiri mamba hurummaɗi, ni di ana ma u busuɗum hurumma.

2 DLAŊ MULINARA 29:35

Olo ni ɓivun ma ŋgalam ki ŋgali ma daŋŋa ka hu bolow olo u mbul ma huu yoorina ma yowom kina kay a li ɓivun ma ŋgalam ki a mbaa heɓpana u njaf wana mba ŋgalam kina. Sunda hu Ziŋ Yawera tli kolo balamaɗ ni ko ndal wandara na.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

KALKIRA 27:21

Kalafi hu mbutluɓma hu li ma suuna ŋgaf tasi huna ni Aaron tin kura hu fiɗigiya ta ta fo lina fok Yawe na. Gaɗ ndaɗta ni ka gaɗta mbuɗɗi ta ta ha kay njaf suu Israelna na gak gak.

KALKIRA 28:43

Aaron u goryom cuk kalasoŋ ndaɗta ni hu li ma asi a cuk hu mbutluɓma, ɗowba hu li ma asi a tuɗ eg givin ma togolla, kay a li sunda hu Li ma Teteɗna, kay ana asi fi dla cora miɗ kiɗi. Gaɗ ndaɗta ni ka gaɗta maa kiɗi, kam lay, kay njafam ma hin kana lay.

EZEKIYEL 33:25

Kay ndaɗta aŋ i dasiya, Bu Suuna, Yawe, di ana, agi ti tlena ni kolo kay busuna, agi tlagi irigi kolo ni u fulina. Agi li dlara ci maɗna cocoo. Agi lagi hu mbassa ana ndaɗ ni magira.

EZEKIYEL 44:15

«Muli suu li ɓivunna suu hu njaf Levina, suu goryoŋ Sadokŋa ni suu may suu li sunda u gaɗta hu Ziŋ Lonara ɗegeena, hu li ma suu Israelna hinin an Bu Suuna ki lay, asi hol ni suu ndak a mbay a li sunda fokonna, ŋgal mbulna u busu ma ɓivunna may. Di ni Bu Suuna, Yawe.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

DLAŊ LEVIRA 10:15

Aragelay hu li ma suu Israelna li ɓivun ma heɓpa ni, hu li ma asi a ŋgal mbulna ni tli dikŋa u gay ma njufna ay hu may, a takasi fok Yawe u geŋeɗta geŋeɗ tara, dok ndaɗta hin ki ni maŋ u goryoŋ tew tew, ko Yawe dira na.»

DLAŊ LEVIRA 10:9

«Agi u goryoŋ cagi sumbi, ci sum ma yaɗi lay. Ni hu li ma agi tuɗ hu Mbutluɓ ma Tokka ni agi ka miɗɗi. Gaɗ ndaɗta ni ka gaɗta hin kiɗi, gak gak basara u basara.

DLAŊ LEVIRA 16:29

«Gola ni gaɗta hin ha dukugi na dindinda, hu buu ma doogona hu til ma kiɗisiyana, ni sa ti vaɗi, li sunɗi lay, lini agi suu vona ɗowba ŋgay ma cuki dukugina lay.

DLAŊ LEVIRA 16:34

«Gaɗ ndaɗta hin ha dukugi ni na dindin a agi li ɓivun ma bulum cora kina hu basara tew tew kay cora vi suu Israelna.» Asi li ko Yawe di ka maŋ Moizza na may.

DLAŊ LEVIRA 17:7

Ka suu Israelna ŋgaɗ yoorina ha ki ŋgoo bagi a li ɓivunna maŋ loogi suu ɦawanaɗi. Gaɗ ndaɗta hin ha dukugi ni na din din a fafaɗta.

DLAŊ LEVIRA 19:26

«Komogi tliwna hu li ma agi ŋgaɗ busuna hunaɗi. Lagi dlara kumunaɗi, cenegi suu miɗinaɗi lay.

DLAŊ LEVIRA 23:14

Bay agi mbaaran yam wana ay ki ba ni agi ka ti wa ma wilina tuɗi, waarambi lay, tam fuumbi lay. Agi saa kay gaɗ ndaɗta ni hu lina halaŋ, ha na gak gak hu li ma agi ka huna.»

DLAŊ LEVIRA 23:21

Hu buu ma dew namma ni agi yi suuna ni halaŋ a li tokka teteɗta, agi ka li sunda loɓ coco hu buu nammaɗi. Gaɗ ndaɗta ni ka mbuɗɗi, ha kagi ni na gak gak basara u basara hu li ma agi cuki huna halaŋ.

DLAŊ LEVIRA 24:3

Fok gojoli ma cak ii lina ki kurufuna, hu Mbutluɓ ma Tokka. Aaron tin ku ndaɗta ni jivi kay ndaɗ ŋgal ha fiɗigi gak gak fo lina fok Yawe, ha ni na dindin. Gaɗ ndaɗta ha kagi ni na gak gak basara u basara.

DLAŊ LEVIRA 24:9

Komnjoɗii namma hin ki ni maŋ gi Aaron u goryomu, asi tammi hu li ma teteɗna, kay ni va ma teteɗ ma asi tlam ay ki hu li ma ŋgal ɓivun ma teteɗna maŋ Yawena. Dla ndaɗta hin ha ni na gak gak.»

DLAŊ LEVIRA 3:16

Ŋgoo dagan mul ma li ɓivunna ŋgal tle asina kay givin ma togolla. Ni ɓivun ma ŋgalam kina, his ma jivi ii Yawena. «Mbul ma huu ɦunana halaŋŋi maŋ Yawe.

DLAŊ LEVIRA 4:1

Yawe ɓak u Moiz dam ana,

DLAŊ LEVIRA 6:15

Gegelay ma hu njaf Aaron ma hin a mbuɗ mul ma li ɓivunna li ni ko ndaɗta na lay. Gaɗ ndaɗta hin ha ni a fafaɗta, ŋgalaɗ ki ni ŋgali hu givin ma togolla maŋ Yawe.

DLAŊ LEVIRA 6:18

«Aŋ di gi Aaron u goryom ana, Gola ɓivun ma agi lam a bulum cora kina lini ko wanda na. Va ma ŋgaɗam a li ɓivun ma bulum cora kina, ŋgaɗammi hu li ma ŋgaɗ ɓivun ma ŋgalam ki ŋgalina huna, ni fok Yawe, kay ana ni va ma teteɗna.

DLAŊ LEVIRA 6:22

Tliw namma muli suu li ɓivunna halaŋ ndak komomu kay nammi va ma ki mbuɗi teteɗna.

DLAŊ LEVIRA 7:23

«Aŋ di suu Israelna ki ana, Tliw ma mbulna halaŋ, li ni ɦuwa, timiiya, ɗowba mbutlu ni, agi komombi.

DLAŊ LEVIRA 7:34

Yawe u tamba gaɗagi agi suu Israelna ana, gudikŋa may, gay ma njuffa may, tlesuu agi li ɓivun ma heɓpa u asina halaŋ ɦasi ki ni maŋ mul ma li ɓivunna, Aaron, u goryomu. Dok ndaɗta hin ha ki ni masi a fafaɗta.

DLAŊ LEVIRA 7:36

Yawe gaɗ suu Israelna ana hu li ma mul ma li ɓivunna asi fuurum u mbulna wa ni nam gijaŋ fi tliw ma ŋgaɓam ki namma ni na gaw. Gaɗ daɗta hin ha dukugi ni a fafaɗta.»

NDUMBA 19:21

Gaɗ ndaɗta hin ka dukusi ni a fafaɗta. Sa ma yam mbo ma mbus cora kina eg suunana mbus barawi mamsina ki may, sa ma ŋgen yo nammana ki njenjee ta ta fiɗigiya.

MATIYE 16:24

Nam hin di suu haɗi mamsina ana, «Lini sana min a tuɗ kay cerenu ni, maa dla tam kiyo, tli garak mamma, tuɗ ay unu.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

SUNDA 15:29

Komogi tliw ma sana li ɓivunna maŋ fulina u nammaɗi, ci busunaɗi, kom va ma sana muruɗum muruɗi ɗi, gologi tagi jivi kay boy zoŋga. Lagi tagi jiviya, hin dlara halaŋga ndaɗta kiyo.»

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

GA 8ATAMBARA 12:16

Na may ni agi ka ti busunaɗi, voom ki kaŋga ko ndal yona na.

GA 8ATAMBARA 12:23

Va ma ŋgolna ni cologi eŋ coco tagi busunaɗi, kay busuna ni iirira, agi ka kom tliwna u iiri mamba halaŋgi.

GA 8ATAMBARA 12:24

Agi ti busunaɗi, voogina ki ga ko ndal yona na.

GA 8ATAMBARA 15:23

Na lay ni agi ka ti busunaɗi, voom ki ga kay ndaŋgara ko mbona ɦawa na.

GA 8ATAMBARA 32:14

Mbul mbiira u mbii timigiina, mbul gor timigiina, gamlagi suu hu Basanna u ŋgegina, ti wa ble ma jivina, ci sum veŋ ma tlaw ma ndi ki cocona.

1 TIMOTE 4:4

Tlesuu Lona lasina halaŋŋi jiviya ma sa a noyom ki kaɗi, fasi halaŋŋi u gi deɓpa maŋ Lona.