DLAŊ LEVIRA 3:1 - Boy Lonana

¹ «Hu li ma sana min a li ɓivun ma heɓpa ni, nam vi ni mbutl njuf kala, mbutl tama kala, nam ɦam maŋ Yawe ni va ma bay ŋgulla egemma.

DLAŊ LEVIRA 3:1 ပူးပေါင်းရင်းမြစ်များ

1 DLAŊ MULINARA 21:26

David hin min givin ma togolla maŋ Yawe, li ɓivun ma ŋgalam ki ŋgalina u ma heɓ dukka. Nam yi Yawe kolo. Nam hoŋom dira ay u kura col ay kolo huulona mba kay givin ma togolla.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

KALKIRA 24:5

Nam sun gorzoŋii suu Israelna, asi tuɗ li ɓivun ma ŋgalam kina, hin ŋgaɗ gor mbutlina a li ɓivun ma heɓpa maŋ Yawe may.

KALKIRA 29:28

Tle asina hin ki ni maŋ Aaron u goryom kay tasi a fafaɗta kay suu Israelna, ni va ma asi a taarasinana ni va ma asi hin tlam ko suu Israelna hu li ma asi ka li ɓivun masi ma heɓpana, ɦal ndaɗta ni maŋ Yawe.

VUN ŊGOLNA 7:14

«An vi vunun u Lona ana an min a lam ɓivun ma gi deɓpa. Cemi ni an li ɓivun namma may.

EZEKIYEL 43:27

Hu li ma buu ma kiɗisiyana daɓ ki wa ni, Muli suu li ɓivunna hu buu ma kalavindina gaw ni asi ndak a li ɓivun ma kay suuna belna u ɓivun ma taɓ duk hoŋga kay givin ma togolla, ni an ka tew tew a humugi dlaagira. Di ni Bu Suuna, Yawe.»

EZEKIYEL 45:15

Duk yoori magisina timigiina kis kis mba' ni agi ɦal ki dew ɗowba ɦuginina lay, yoo ma ɦam ki namma agi mbaaram ki a li ɓivun ma kay suuna halaŋŋa ɗowba kay ɓivun ma taɓ duk hoŋga, ni kay a bulumugi coogira kira. Di ni Bu Suuna, Yawe.

DLAŊ LEVIRA 1:10

«Lini a mbaa ɓivun ma ŋgalam ki ŋgali namma ni u yoo ma gooro, timii ɗowba ɦura, ɦal ni ma njufna ma bay ŋgulla egemma.

DLAŊ LEVIRA 1:3

«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.

DLAŊ LEVIRA 17:5

Kay ndaɗta suu Israelna hin dlara ŋgaɗ tlena ha ki duk bolowra tani, mbaa va namma ay ni maŋ mul ma li ɓivunna fun Mbutluɓ ma Tokka, nam ŋgaɗam, a li ɓivunna maŋ Yawe, ni ɓivun ma heɓpa.

DLAŊ LEVIRA 3:6

«Lini a mbaa yoori suu gorina fok Yawe a li ɓivun ma heɓpa, lini ma njuf ɗowba tamaa ni, ɦal ni ɦu ma bay ŋgulla egemma.

DLAŊ LEVIRA 9:18

Nam ŋgaɗ bolo mbutlna u gamla ma suuna ɦam ay a li ɓivun ma heɓpana. Goryoŋ Aaronna ɦam busuna, nam yamam ŋguyum ki kay givin ma togolla na cutl.

DLAŊ LEVIRA 9:4

Vi bolo mbutlna u gamla timiina a li ɓivun ma mbaa heɓpa fok Yawena u puura u njaf wa ma yarasi u mbulnana may, kay Yawe hin tak tam ki karam irigiya.»

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

MALASI 1:8

Hu li ma agi mbay a li ɓivunna u yoo ma irim dugina ni ka coraɗi su? Hu li ma agi mbay u ma dalira, u ma tuguɗira ni ka coraɗi su? Ҥam ha maŋ mul maŋŋa tuwa na ni nam hin furi su? Na ni nam hin vaŋ varam u furira su? Yawe, ma Saɓakŋa Kom Belna, di na.

NDUMBA 15:8

«Lini aŋ a li ɓivun ma ŋgal kina ɗowba ɓivun ma ɦawana maŋ Yawe u bol mbutlna, a faɗ vun dlara aŋ yi va kaŋ ɗowba a li ɓivun ma heɓpa ni,

NDUMBA 6:14

Nam yow tlesuu nam a ɦasi maŋ Yawena ay um may, vi timii ma ŋgul ka egembi ma basaɗam dewna ay a li ɓivun ma ŋgalam kina, vi timii tamara basaɗaɗ dew ta ŋgul ka egeɗɗira a li ɓivun ma bulum cora kina, vi gamla ma bay ŋgulla egemma a li ɓivun ma heɓpa may.

NDUMBA 7:17

a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl may. Ni ɦalla ma Nason ma goŋ Aminadabma lamma ni na.

NDUMBA 7:59

a li ɓivun ma heɓpa ni yow mbutlina mba', gamlagina vadl, yow ŋgegina vadl, yow gor timigii suu basaɗasi dew dewna vadl. Ni ɦalla ma Gamaliyel ma goŋ Pedasurna lamma ni na.

GA 8ATAMBARA 12:27

Agi li ɓivun ma ŋgalam ki ŋgalina, tliwna u busuna, kay givin ma togolla vi Yawe Looŋŋa. Agi vo busuna vi ɓivunna kay givin ma togolla, na may tliw ma hinna aŋ komomu.

KOLOSNA 1:20

Ni na may nam min taɓ tlesuu hu duliyara halaŋ u nam hu goromma. Lona mba heɓpa kay duliyara u miɗna vi goromma hu gu garakŋa, ni nam taɓ dukum u tlena halaŋ u namu, hu ndaŋgara lay kolo huulona lay.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

1 JAŊ 1:3

Va ma ami wamma, ma ami humumma may ni ami dagina ki magi agi may, a kay me aygi taɓaygi ki dew hu taɓ mamira u Buna u Goromma Yesura.

SUU KAƁAKŊA 20:26

Suu Israelna u suuna halaŋ tuɗ kolo hu Betel. Hu li namma asi mol ga tii fok Yawe. Asi li laara hu buu namma ta ta tew fiɗigiya. Asi li ɓivun ma ŋgalam ki ŋgalina u ɓivun ma daŋŋa zeɗ zeɗna, ɓivun ma mbaa heɓpa fok Yawe.

SUU KAƁAKŊA 21:4

Vini maɗiira ni suu Israelna min givin ma togolla hu li namma. Asi li ɓivun ma ŋgalam ki ŋgalina u ɓivun ma mbaa heɓpa.