DLAŊ LEVIRA 26:6 - Boy Lonana

⁶ An ɦagi heɓpa hu mbas magira. Agi buu ni va ma mba ŋgenegi hu ziigi kaɗi, vabakgi suu cona an dikisi ki hu mbas magira, duu ka hin li hu mbas magira oloɗi.

DLAŊ LEVIRA 26:6 ပူးပေါင်းရင်းမြစ်များ

EZAYI 35:9

Li namma ni dlona ka huɗi, vabak ma co ka li ha hu li nammaɗi, sa ka fi va ma na huɗi. Suu vi Bu Suunana tli voɗ ndaɗta ni asiya.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

SOOLLA 147:14

Nammi sa ma ɦagi heɓpa ay hu mbas magirana, nam hoɓogi ki u tlesuu jivina.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

Magaara Vi Sa Jok Vun Lona AGE 2:9

Yawe di ana, Jiv zi ndaɗta ŋgoo daganda suu kay ta jewra, an hin hin heɓpa huwa Yawe, ma Saɓakŋa Kom Belna, di na.»

Magaara Vi Sa Jok Vun Lona OZE 2:18

Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

EZEKIYEL 34:25

An hin vi galamba heɓpa u yoori mansina. An hin ci vabakgi suu co suu ka hu mbas ndaɗtana kiyo. Asi hin lakŋi u heɓpa ŋgoo bagi hu fulla, hin buu sen masina jivi duk gura may.

SOOLLA 29:11

Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

EZEKIYEL 14:15

«Lini an sun vabakgi suu cona ay hu mbas ndaɗta asi ci suu hu mbas ndaɗtana kiyo. Mbassa mbuɗ ki ni ŋgoo bagira. Sa ka tuɗ hu oloɗi ko vabakgina.

JOB 11:19

Hu li ma aŋ koɗ taŋŋa ni va ma laŋ ndaa ka oloɗi. Suuna hin mbuɗ mba maaraŋŋi maari na ɗow.

KALKIRA 23:29

An ka dikisi ha ki ni hu basara dewra gawɗi, kay ana joosi mbuɗ ki gura a vabakgina zul ki fokogi jew huɗi.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

ZAKARI 9:10

Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

MISE 4:4

Suuna hin kakŋi gegelay u ŋgus gu gugutlu mamba may, u ŋgus gu tulum mamma may, sa hin ka ɦayasi irisi oloɗi, kay ana Yawe ma Saɓakŋa Kom Belna di boy namma u vunum ni namu.

EZEKIYEL 14:17

«Ɗowba an di ana suu duuna cuk kay mbas ndaɗta, an di ana ŋgewna kal hu mbas ndaɗta ci suu warna u yoorina kiyo.

EZEKIYEL 5:17

An sunugi mayra u vabakgi suu cona ay kagiya. Asi cagi gor kem magisina kiyo. An cukugi suu duuna kagi lay. Di ni an, Yawe.»

SOOLLA 85:8

Yawe, takami ɗegee maŋga, ɦami suɗ maŋga may.

SOOLLA 4:8

Aŋ oyon u furira su suu feɗ waasina, u li sum veŋ masina ay vona.

1 DLAŊ MULINARA 22:9

Gola, goona vuɗ ka varaŋu, nammi sa hin mba heɓpa. An him ɦam heɓpa duk tasi u suu babali mam suu ŋguy kamma halaŋ halaŋ, kay ana Salomonni semu. An hin ɦal heɓpa u kakka enda maŋ suu Israelna hu buu mamma.

2 MULINA 2:24

Nam pereɗ irim golosi ha na ni gasi vunna u sem Yawe. Na gaw ni bosokona cuk ay ki duk gura na mba', kom ki u gor kem asira na dok-fiɗi yam mba'.

ROMMA 5:1

Aygi mbuɗ ɗegee ii Lona ni u vira, cecemi aygi faygi heɓpa u Lona ni kay Bu Suuna Yesu Kristu.

SUNDA 12:6

Falira Herod min a tuɗ Piyer fok suuna a kaam ɓakŋa kamba, hu njeŋge ndaɗta wanni Piyer buuri senna duk suu asgaana mba' njuni kaŋga u galina. Suu juɓum umma ka lagi fun zira daŋgayna may.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

JEREMI 31:26

Kay boy namma an ka jejege humma, sen ma an buurumma egen jivi ɦay.

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

SOOLLA 3:5

U delenda eŋga an yi Yawe koloo, nam hoŋon dira ay kolo, kay ɦini mamba teteɗta.

VUN ŊGOLNA 6:22

Hu tuɗ maŋga aŋ tuɗta u hoŋ maŋga ay vora ni ndaɗ hin goloŋu. Kay lay maŋ ma buuna lay ni, ndaɗ hin juɓuŋ uŋu. Hu li ma aŋ dliɗ ki kolona ni ndaɗ hin njaɗ u aŋu.

VUN ŊGOLNA 3:24

Lini aŋ a buu gaa ni va ma laŋ taŋ ndaa kaɗi, aŋ buu ga wa ni sen maŋŋa aŋ buurummi u jivira.

JOB 5:23

Kay gogoyra ŋgoo bagi hu senenara mbuɗ ki ni banayaŋŋa. Mbuuri suu ŋgoo bagina vi galamba ki u aŋ lay.

DLAŊ LEVIRA 26:22

An hin sunugi vabakgi suu cona ay kagiya, asi hin cagi goryogi kiyo, cagi yoori magisina ki may, asi doorogi ki kay voɗta tuɗta, voɗ magira mbuɗ ki ni ko duk gura ɦawa na.

DLAŊ LEVIRA 26:7

Agi hin dik suu babali magisina, asi ka ndak a col ay fokogiɗi.

DLAŊ LEVIRA 26:25

An hin munugi duuna kagiya, kay a gagi daŋgayna kay agi bus galamba vaɗ u anda kira, hu li ma agi tok tagi hu ɦoŋzi ma ŋgolna a ŋgayra ni an hin gagi tuguɗira cora ay kagiya, agi hin ki ni ko suu babali magisina.

DLAŊ LEVIRA 25:18

Lagi u gaɗ manda, golongi dlara an dagirara jiviya, lagi uɗu, ni agi hin kak heɓ hu mbas ndaɗta.

DLAŊ LEVIRA 25:19

Ni mbas ndaɗta hin jivigi tlena cocoo, agi hin lak huruɗ ni ka a yoo tagiɗi.

2 DLAŊ MULINARA 20:30

Mulla vi Josafatta ti ni u heɓpa. Loomma ɦam koɗ tara ni keŋ lina zeɗ zeɗ bel.

SOOLLA 144:14

Mbutlugi mamisina ɗoori cocoo. Va ma lasasi ka oloɗi. Dlara yoo ka hu ɦoŋzi maminaɗi.

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

EZEKIYEL 34:27

Ŋgusugi suu hu senenana hin vuɗ jivi lay. Ndaŋgara hin jiv tlena coco lay. Suu mansina hin lak hu mbas masira ni u heɓpa. Hu li ma an kususi jugŋa ki kelesina, asi hin wi ki ana anni Yawe. Ni hu li ma an ɓaɗasi ay ki hu duk ko suu may suu lasasina.

Magaara Vi Sa Jok Vun Lona OZE 2:20

An hin vi galamba u asi hu buu namma, u mbuuri suu hu senenana lay, u laygi suu huulonana lay, u tlesuu ɦaram u vun dikisi kay ndaŋgarana lay. Gu mbuurura, ŋgewra lay, duuna lay, an hin bulumusi kiyo, tle asina hin ka li hu mbassa oloɗi. An hin ɦal voɗta maŋ suuna asi buu senna u heɓpa.