42 Humun hin gan kay Galamba an vaɗ u Yakobpa, humun hin gan kay galam manda u Isaakka lay, olo ni humun hin gan kay galam manda an vaɗ u Abrahamba may. Humun hin gan kay mbassa.
Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.
Lona dam ana, «Anni Lo ma Saɓakŋa, ko aŋ vuɗa, zul njafna kay ndaŋgara, njaf maa dew u njaf suuna ŋgolo hin vuɗ ay ki egeŋu, mulina bolowo hin mbay ki ni egeŋu.
Sa sunda vi Yawe col ay hu Gilgal mba hu Bokim di ana, «An cukugi ay ki hu mbassa Egiptera. An mba selegi ki hu mbassa an suu tan vi vunun kaɗ u somoyogira. An di ana, an hin fokŋi ka bus galam manda an vaɗ u agira kiɗi.
Lini ko ndaɗta na ndak ka seŋ vunuk ki ni njunda u buɗta hin buɗ suu Juifna kira hin col ay hu li ma daŋŋa, ndak u suu maksina hin kiriɓigi kiyo. Doli ɗini sa wina ni gege? Dla ndaɗta li hin ka li ni hu li ma ndak ka hu ca mullaɗina kalage?»
Hu buu namma ni Yawe vi galamba u Abram di ana, «An ɦal mbas ndaɗta maŋ gor ŋgologi maŋsina, col ha fun lum ma Egiptena ta ta fun lum ma ŋgolna Efratna,
Njeŋge ndaɗta Yawe tak tam irim dam ana, «Anni Lona vi buŋ, Abraham, li ndaaɗi kay an ka u aŋu. An hin paɗ vunun ki kaŋu zuluŋ njafaŋu cocoo, ni kay saan ma sunda, Abraham.»
Yawe hin wi hahaw Yakob. Nam hin man suu Israelna olo. Nam hin hoŋosi ay hu mbas masira. Suu koyogina hin taɓ ay u asiya, asi hin cuk tasi duk suu vi Yakobma.