DLAŊ LEVIRA 26:41 - Boy Lonana

⁴¹ An may ni mbuɗ hurun egesiya, tuɗusi ay ki hu mbassa vi suu babali masisina, kala buu maa dew ni hurusi ma sooy namma hin homa, gaɗ masira hin daɓ kiyo.

DLAŊ LEVIRA 26:41 ပူးပေါင်းရင်းမြစ်များ

1 MULINA 21:29

«Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

2 DLAŊ MULINARA 12:12

Hu li ma mulna hoŋ yam gana, Yawe hin heɓ yaamba kaŋga nde, hin ka a ɓalak zina vi mulna ki gawɗi, kay tlesuu jivina ka hu Yerusalem tuwa.

2 DLAŊ MULINARA 32:26

Na may Ezekiyas u suu Yerusalemma hin wi coosira kay ndaɗta hu li ma Ezekiyas ka iiri tuna ni Yawe tak yaamba ka ki egesiɗi.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 33:23

Na may nam hin wi coomba ka fok Lona ko bum Manase lira naɗi. Nam hoŋ li dla cora ni su bum na ɗow.

EZDRAS 9:13

Doli ɗini ŋgoo dagan dlara li egemira halaŋ kay coomirara, dla coomira ŋgolla, ko aŋ taŋga, Loomina, lay ni hinimi coomi taa ki keŋ ɦiw, hinimi umira hin wanda.

EZDRAS 9:15

Yawe, Lona vi suu Israelna, aŋ ɗegee, hu buu ma karamma gaw, ami fi dla cora gasi ni ko ndal suu usi hinna na. Gola ami fokoŋ u suluk mamina wanna, ko ndaɗta na ni sa ka ndak a col fokoŋgi.»

NEHEMI 9:33

Aŋ taŋga jivi su dlara li egemira halaŋ kay ana aŋ li dlara ni u gasira, may ami tamira li dlara ni u hurumi ma sulukŋa.

SOOLLA 39:9

Buɗun ki ko dla coonda halaŋ, hinin a suu puluɗina ŋgulunɗi.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 6:10

Sa hin humun boy manna u gaɗ mandana ni gege? Ҥii, humusi ki ŋgeliya, asi ka ndak a hum dlaɗi. Asi gol boyna vi Yawe ni ko ndal ŋgulla na, asi ka minimbi.

EZEKIYEL 14:23

Asi hin ɗiligi irigiya. Hu li ma agi hin wasi poy masira u sun masirana, ni agi hin wi ki gasi ana dlara an laɗ eg ɦoŋzina wanda ni laɗ ni ka ɦawaɗi. Di ni Bu Suuna Yawe.»

EZEKIYEL 20:43

Ha hu li namma ni humugi hin gagi kay poy magira cora ay fok jewra u dlara agi laɗ mbuɗ tagi ki njenjera u ndaɗta. Hurugi hin haɗ coco kay dlaagira agi laɗ co ndaɗta.

EZEKIYEL 44:7

Agi cukugi koyogi suu ɗiwisi bay cawra kalafi hu Ziinda mbuɗungi Ziinda ki njenjera. Agi ɦangi tiinna, mbulna u busuna kiyo ana, galam manda u agira ɓalak kiyo. Ni u dla coogira agi laɗ zeɗ zeɗta.

EZEKIYEL 44:9

Kay ndaɗta Bu Suuna, Yawe, di ana, koy ma ɗiwim bay caw lay, hurum bay caw layna ka kal hu ziinda oloɗi. Koy ma ka cuki ki dukugi agi suu Israelna lay ka kalɗi.

EZEKIYEL 6:9

U suu maa nde asina humusi hin gasi kanu. Ay duk njaf suu ɦawana an hin kususi hursi ma li dla cora kiyo. Asi hin hoŋ irisi ay egenu. May fuli masi suu asi goɓosina ka li kasi oloɗi. Ni ko dla coosira asi laɗta, ko suluk masi ma asi lam namma halaŋ.

DLAŊ LEVIRA 26:24

an may ni hin ɓeŋ hurun egegiya, an hin kaagi ɓakŋa kagi sen kiɗisiya co su olo, kay dla coogira.

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

NDUMBA 5:7

Nam mba gi u va ma nam tlamma kiyo, hoŋ va namma ki maŋ malamma, warak keŋ ma vadlna ha kayam u olo.

MATIYE 23:12

Sa col tam kolona hin hoŋ ki kaŋgaa, ma kaŋgana hin mbuɗ ki koloo.

Boy Ma Ayra Ma LUK Ɓiirimma 14:11

Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»

Boy Ma Ayra Ma LUK Ɓiirimma 18:14

An dagiya, sa namma hoŋ vo wanni mbuɗ ki ɗegee su ma Farisenna. Suu tli yasi kolona, hin hoŋ ki kaŋgaa. Suu ka tli yasi koloɗina, hin tuɗ ni foko.»

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

GA 8ATAMBARA 10:16

Agi cawagi ki ni ɗiwra hurugi kurufura, agi mba lagi yagi eŋ oloɗi.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

GA 8ATAMBARA 31:21

Hu li ma yoora ŋgolla u hahawra mba kasi wa ni sool ndaɗta ni a di ki kasi, kay a goryosi hin gi sool ndaɗta ka ni na tew tew. An lay ni wi dlara asi ka laɗ cemi wandara ni jew bay an a cukusi hu mbassa an suu tan ki a ɦasirara tu lay.»

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

KOLOSNA 2:11

Agi fagi caw ɗiwra ni hu taɓ magira u namba, ni ka u caw ɗiwra vi suunaraɗi, ni u caw ɗiw mayra mbay vi Kristura, ni mayra buɗugi ki ko ŋgolla vi tara cora.