DLAŊ LEVIRA 26:39 - Boy Lonana

³⁹ Lini u suu ɦiw hin iiri hu mbassa vi suu babali masisina ni suu asina hin ba ki ni kay cora asi laɗta u cora vi somoyosira may.

DLAŊ LEVIRA 26:39 ပူးပေါင်းရင်းမြစ်များ

2 DLAŊ MULINARA 34:24

Yawe ana an hin mbaa dlara yoora ay kay li namma kay suu hu zi nammana lay, a li ki u givun ma ka hu magaara gaɗta ta agi ndumuɗ fok mulna wandara halaŋ.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

NEHEMI 1:9

May lini agi hoŋ ay egen wa, li u gaɗ manda, vi uɗ may ni, li ni suu magi suu mbee kina li ha ni hu vun huulona ma dodona lay ni, an hin taɓasi kay tasi, hin hoŋosi ay hu li ma an ŋgaɓam a sen li ka huna.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

KALKIRA 34:7

Ma kaki ɗegee ha kay njaf suuna fok na buɓ buɓma ma ka siɓ cora vi suuna u honi masira bulumusira ki may na, kaɓakŋa kay suu cona ha kay njafasi fokosi na buɓ buɓ lay na.»

EZAYI 14:21

Minigi tagi ci gorra kiyo, kay ci maɗ ma vi somoyosina ni kay a asi hin wul kolo las suu kay ndaŋgarana oloɗi, ka asi hin zul hu ɦoŋzi ma ŋgolona oloɗi lay.

EZAYI 24:16

Ha hu vun ndaŋgara dodora lay, ami ka hum soolla gira, «Ŋga suu may suu ɗegeena.» An hin ɓak tan ana, tuk ndaɗta kanni ana mege? Tuk ndaɗta ni ana mege? Hahawra fan wa. Suu maliyaŋ zina di ŋgeŋa, suu tlasi cona di ŋgeŋŋa.

JEREMI 29:12

Agi hin yan senu, hin tuɗugi koyra fiyekka, agi hin joɓongiya an hin humugi may.

JEREMI 3:25

Kakaygi kaŋga u zolo maygina. Nam su ki kaya. Gasi daŋ may aygi li co eg Yawe, Looygina. Somoyoygi lay, aygi lay ay hu goryoygi day ta ta karami aygi humuygi del Yawe, Looygina, kaɗi.

JEREMI 31:29

Hu buu namma ni asi hin ka di olo ana, «Somoyosi ti ni ii wa ma bay ndakka, goryosi siisi cim ki ni na,» ɗi.

YOORA 1:3

Ki mbuɗi zolona, ki hu lassa mbaɓura, Yuda tuɗ ki hu mbaɓura, ndaɗu, ndaɗ kak ki ni duk njaf suuna. Ndaɗ ka fi yal ma mbuɗ saɓakgi. Suu halaɗ dlaɗ a caɗ kina ɦeɓeɗ ki kolo wa.

YOORA 4:9

Suu casi ki u ŋgewnana jivi su suu mayra casi kina, suu puk kaŋga saɓakasi kaɗi ko va ka li hu senena oloɗira.

EZEKIYEL 18:19

«Agi hin ɓak ana, goona ka zii dlara vi bumbaɗi ni kay mege? Na may kay ana goona li dlara ɗegeera. Nam li u gaɗ manda halaŋ a gasira ni nam hin kak iiriya.

EZEKIYEL 20:43

Ha hu li namma ni humugi hin gagi kay poy magira cora ay fok jewra u dlara agi laɗ mbuɗ tagi ki njenjera u ndaɗta. Hurugi hin haɗ coco kay dlaagira agi laɗ co ndaɗta.

EZEKIYEL 24:23

Gaɗamul magira njuni kagi lay, tuɓuru magina cuki segi lay. Agi ka li dlara a tii maɗnaɗi lay, ka lagi hahaw dagan a yoo tagiɗi lay. Agi gegelay ni u cora nam laɗta hin yoo tam u zamba kay wayamma.

EZEKIYEL 33:10

«Hum haa, goŋ sanna, aŋ tuɗ di suu Israelna ana, Agi ɓak ana dla coomira u suluk mamina mbuɗ kami nek cocoo. Ami ka daɓ kiyo, na ni ami hin lak iiri ni ana mege?

EZEKIYEL 36:31

Agi humugi hin gagi kay poy magira cora u dla cora agi laɗta. Hurugi hin mbuɗ haɗ eg tagi coco kay suluk ma agi lam namma.

EZEKIYEL 4:17

Asi hin ka fi fu ma tira oloɗi, ka fi yo ma ciraɗi lay. Suuna hin yoo tasi cocoo. Asi hin cim ki ko dla coosira asi laɗta.»

EZEKIYEL 6:9

U suu maa nde asina humusi hin gasi kanu. Ay duk njaf suu ɦawana an hin kususi hursi ma li dla cora kiyo. Asi hin hoŋ irisi ay egenu. May fuli masi suu asi goɓosina ka li kasi oloɗi. Ni ko dla coosira asi laɗta, ko suluk masi ma asi lam namma halaŋ.

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

ZAKARI 10:9

An njayasi ki duk suuna lay ni ay ki day lay ni asi humusi hin gasi ay kanu. Asi hin vuɗ gorra, hin hoŋ aya.

NDUMBA 14:18

Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.

GA 8ATAMBARA 28:65

Ha duk njaf suu asina ni koɗ ta magi kaɗi, agi ka fi li ma na ew a cuk segiraɗi lay. Yawe hin ɦagi hurugi ni huu ma yoora, gol mayra buluguɗ buluguɗ ta ndaana, kak may ma ka kak din dinɗina.

GA 8ATAMBARA 30:1

Lini tlesuu an dagisina wanna mba kagi wa halaŋ, paɗ vunna u gi vunna ni, agi saa dla ndaɗta hurugi duk njaf suu ɦawana halaŋ suu Yawe Loogina tuɗugi ha ki dukusina.

GA 8ATAMBARA 5:9

«Aŋ mba goɓ ga fok fulinaɗ, sunusiɗi lay, kay Anni Yawe Looŋŋa, Lo ma hurum ya cocona, an tin cora vi somira ha kay goryosiya, ha kay njafasi fokosi hindi lay, fiɗi lay, lini asi ka hum unɗi.

GA 8ATAMBARA 8:20

Ni ko ndal njaf suu daŋ suu Yawena baagisina ki fokogi wanna na may, agi hin ba ki ni ko ndaɗta na may. Ni kay agi hum vun Yawe Loogina kaɗira.