DLAŊ LEVIRA 26:33 - Boy Lonana

³³ Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

DLAŊ LEVIRA 26:33 ပူးပေါင်းရင်းမြစ်များ

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»

EZEKIYEL 20:23

Olo, an suu tan tli kon kolo ay fokosi ŋgoo bagi hu fulla ana, an hin njayasi ki duk njaf suuna, ki hu mbassa daŋga zeɗ zeɗ.

GA 8ATAMBARA 4:27

Yawe hin njayagi ki duk suuna, njafagi hin hin duk njaf suu hu duliyarna ni na ew daŋ. Yawe hin tuɗugi hu li ma nam min tuɗugi huna.

EZEKIYEL 22:15

«An hin dikiŋ suu huruŋŋa ki duk njaf suu daŋŋa halaŋ halaŋ. Dla cora ka huruŋga an hin bulumuɗ kiyo.

SOOLLA 44:11

Aŋ mbuɗumi yow liŋŋa fok suu babali mamsina, suu gonok mamsina ɦurumumi tlegeyemi ki wa.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

YOORA 4:15

Gol taŋ jiviya, sa cona suuna yasi ay kolo na. Gologi tagi jiviya, gologi tagi jiviya, tinigi kogi egesiɗi. Asi liŋa, asi talalla, na may njaf suuna jok tasi ana, Aygi ka ndak a vasi varaygi a koyogina oloɗi.

JEREMI 9:16

Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

YOORA 1:3

Ki mbuɗi zolona, ki hu lassa mbaɓura, Yuda tuɗ ki hu mbaɓura, ndaɗu, ndaɗ kak ki ni duk njaf suuna. Ndaɗ ka fi yal ma mbuɗ saɓakgi. Suu halaɗ dlaɗ a caɗ kina ɦeɓeɗ ki kolo wa.

Magaara JAK Ɓiiriɗta 1:1

Ni an, Jak, sa ma sun Lona u Bu Suuna Yesu Kristuna. An gi deɓpa maŋ njaf suu doogo yam mba suu vi Lona suu njay ki kay ndaŋgara bel belna.

2 DLAŊ MULINARA 7:19

Na may lini aŋ taŋga, aŋ hinin gaɗ manda ki mbuɗ iriŋ ki u dlara daŋga, hin dlara an miniɗta kiyo, lini aŋ tuɗ sun ni loogi suu daŋŋa goɓ ga fokosiya,

NEHEMI 1:8

Humuŋ gaŋ kay boy ma u gaɗ maŋga saaŋ ma sunda Moiz dam ana, Lini agi ka li ɗegeeɗi ni an hin njayagi ki duk suunana.

SOOLLA 106:27

nam njayasi njafasi ki duk njaf suu ɦawana hu duliyara halaŋ. Nam casi ha ki duk suu ɦawana.

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

JEREMI 7:34

Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 13:24

An hin njayagi ki ko usuna na duk semeɗ ma hu fullana.

JEREMI 15:4

An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.

JEREMI 31:10

Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

AMOS 9:4

Lini asi cuk tasi morɓiina fok suu babali masisina lay ni, an hin ɦal voɗta ha casi ki u ŋgewra. Irin hin li tinira kasi na ta, ka lasi dlara jivi egesiɗi may, lasi ni dla cora na ɗow.

1 MULINA 8:46

«Hu li ma suu Israelna hin gaŋ vunuŋ ki wa, kay ana sa ma hu ndaŋga ma bay ŋgel kaɗi, aŋ huruŋ ɓeŋ egesi hinisi ki hu duk ko suu babali masisina wa, asi yowosi balna tuɗusi ha ki hu mbas masira dayra kala ɗowba toko ni,

2 MULINA 25:9

Nam ŋgal Ziŋ Yawera kiyo, ŋgal ziŋ mulnana ki may, ŋgal zi ma Yerusalemma ki halaŋ halaŋ, to zi ma vi suu ŋgolonana ki bel bel.

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

ESTER 3:8

Na ɗaŋŋi Haman di mulna Zerses ana, «Suu ka ki kay tasi ɓorowiya, irisi ka ki kaay duk suu hu ɦoŋzi ma aŋ ti mulla kamma halaŋ halaŋ. Gaɗ masira ki zeɗ u ta vi suunara halaŋ halaŋ. Asi ka li u gaɗta vi mulnaraɗi. Mulna hin a hinisi kaki ɦawa na enɗi may.

SOOLLA 44:12

Aŋ hinimi kosi ko timigii suu ŋgaɗta na, aŋ njayami ki duk njaf suuna.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 8:3

Suu hinna halaŋ, suu hin iiri hu njaf suu co asina, hin min maɗna ŋgolla su iirira, suu hin hin iiri hu li ma an njayasi ki huna halaŋ. Yawe, ma Saɓakŋa Kom Belna, di na.

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 4:16

Yawe kal ay ki kiɗik njayasi kiyo. Nam ka min a wasi oloɗi. Sa ka hum vun muli suu li ɓivunna oloɗi. Sa ka gi yam kaŋga fok suu basina oloɗi.

EZEKIYEL 12:20

Ҥoŋzi ma suuna cuki huna hin ɓalak kiyo, mbassa hin mbuɗ ki ni ŋgoo bagira, agi hin wi ki ana anni Yawe.»

Magaara Vi Sa Jok Vun Lona OZE 9:6

Gola, asi ŋgay tasi ki ko ɓeŋga wa, Egipte hin tokosi eg tasiya. Memfis hin li ni a zulusira tososira. Bege masira jivira gu njaana hin taɗ kiyo, gu wayra hin tlasi liisi ma mbutluɓma huna kiyo.