DLAŊ LEVIRA 26:32 - Boy Lonana

³² An hin ɓalakagi mbas magira ki ni u tanda, suu babali magisina suu cuk ki huna hin mbuɗ ki ndaana cocoo.

DLAŊ LEVIRA 26:32 ပူးပေါင်းရင်းမြစ်များ

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

JEREMI 25:11

Mbas ndaɗta u ŋgoloɗ halaŋ hin mbuɗ ki ni jo ma senena, li ma hahawra. Suu huna halaŋ hin li sunda maŋ mul ma Babilonna i basara dok kiɗisiya.

JEREMI 19:8

An hin mbuɗ li namma ki li ma hahawra ma suuna tii tii ma hahawra huna. Sa tli hu li namma tokŋa hin viɗ ki na dawlaɗ hu li ma nam wi dla co ndaɗta nana. Nam tii tii ma hahawra lay.

JEREMI 18:16

Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.

EZEKIYEL 5:15

Suu ŋguyugina halaŋ mbuɗ ŋgul suuna ni u agiya. Agi mbuɗ ki ii suuna ni va ma zolo cocona. Dlaagira mbuɗ ni dlara ndaana kay gegelay. Hu li ma an kaagi ɓakŋa kagina u hurun ma ɓeŋ kina an waɗagi ni u njewɗek mayra cora. Di ni an Yawe.

JEREMI 25:18

Yerusalem lay, ɦoŋzi ma Yudana lay, muli masisina u suu ŋgolo masi suu sunda lay, mbuɗ li namma ki didiŋga hu jonara, mbuɗ li namma ki li ma hahawra ma suuna tii tii ma hahawra huna. Ma suuna ndumum ki duk li ma conana lay, ni dlara ka cecem wanda.

1 MULINA 9:8

Zira mini kolo day jivi coco ndaɗta gegelay hin jak egeɗ ni yoo tam cocoo, ko komu, joɓ tam ana Yawe a li dla ndaɗta eg mbas ndaɗta u Ziŋ Yawera na ni ana mege?

GA 8ATAMBARA 28:37

Yawe njayagi ha ki kay yam mbassa daŋga, suu hu li nammana wi na ni li ndaa coco kay dlara li ay egegi wanda, asi mbaɗagiya, hin panagi may.

Boy Ma Ayra Ma LUK Ɓiirimma 21:20

«Agi wagi suu duuna ŋguy yam zi Yerusalem wa ni, agi wi ana nam hin tok a hawaɗ kira.

HABAKUK 3:17

Gasi, tulumma ka vuɗ oloɗi, ŋgusu gugutlura ka li va ma gasi oloɗi, zum senena mbuɗ ganyamba, sa ka fi va ay hu senena a tiraɗi, yoori suu gorina viɗ kiyo, yoori suu ŋgolona ka coli vun bulla oloɗi.

DANYEL 9:18

Aŋ, Loonna, tin humuŋ humun haa. Mal iriŋ ki golomi ɓeŋ mamira u ɦoŋzi ma seŋ ka yi hurum tewtewna, ka ni kay sun mamira ɗegeera ami tiniŋ yoo mamira fokoŋŋi naɗi, ni kay oo maŋga ŋgolla.

DANYEL 9:2

hu basaɗamba dewra a mulna, an Danyel hal ndum basara hu magaara ko boyna vi Yawe di sa jok vun lona Jeremiera a faɗ u ɓeŋga vi Yerusalemba basara dok kiɗisiyara na.

YOORA 5:18

Ni kay ana ɦinira Siyonda bulum ki wa, bayakŋa mbuɗ poy ki kaɗu.

YOORA 4:12

Asi wi dla ndaɗta kaɗi, muli suu kay ndaŋgarana lay, duk suu hu duliyarana lay ni sa hum ka ana sa duuna, sa babalira hin mbay hu Yerusalemba kaɗi.

JEREMI 44:22

Yawe ka a siɓ dla coogira agi laɗta oloɗi. Na may mbas magira mbuɗ ki ni sene ma jona. Li ma kiɗik kiɗik ma hahawra. Nam mbuɗ ki ni li ma suuna gi vunna maŋ tasi u namma. Suu hurumma casi ki halaŋ halaŋ. Gasi ni dlara ka cecem wanda.

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 25:38

Suuna tuɗ ki ko ndal dlona col hin zulum kira na. Mbas masira mbuɗ ki ni li ma hahawra ko ŋgewra ka wi hahaw saɗi layra, fok yara vi Yawera.

EZAYI 64:10

Ziimira teteɗta, ta jivi cocora, ta somoyomi gi soolla geleɗeŋga ay hura, kura ŋgalaɗ ki wa. Li ma jivi ma ami minim cocona mbuɗ ki ni delbuɗna.

EZAYI 24:1

Gola Yawe kaɓakŋa kay duliyara wa. Nam ɓalak tlesuu kaɗna kiyo. Nam njay suu cuki huruɗna ki may,

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

EZAYI 5:9

An hum Yawe, ma Saɓakŋa Kom Belna, suu tam ki ana «Zi ma min ŋgolo coco namma ma jivi ɦayna hin ɓeŋ kiyo, ni kay cora vi suu hurumma.

EZAYI 5:6

An min hin li namma ki ɦawaa. Sa ka hin horok li namma oloɗi. Tlesuu siina ugi wayara hin day ki huwa. An hin doo ɗugulla ki ka ndaɗ si yona huɗi.

JEREMI 12:11

Asi mbuɗum ki ni li hahawra. Gola nam fokon wanni, yoo tamu, va ka hurumbi. Mbassa u ŋgoloɗ halaŋ ki hahawi, sa ka saa kaɗɗi.

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,