DLAŊ LEVIRA 26:31 - Boy Lonana

³¹ Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

DLAŊ LEVIRA 26:31 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.

NEHEMI 1:3

Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

NEHEMI 2:17

An dasi ɗaŋŋi ana, «Agi gologi dlara hahawra aygi ka dukuɗ wanda gige. Kay ana Yerusalem ki ɓeŋiya. Vun grek maɗna ki ŋgali lay. Tuɗuygi miniygi gulumun ma Yerusalemma, ka mbuɗuygi ki va ma zolonaɗi.»

NEHEMI 2:3

An di mulna ana, «Ko mulna kak iiri a fafaɗta. Irin hin mbuɗ ki hahawraɗi ni ɦoŋzi ma us somoyon ha huna asi toom ki may, ŋgal vun grekŋa ki may nige?»

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

EZAYI 63:18

Suu maŋsuu teteɗna cuk hu mbas masira ni wan daŋ tuwa, suu babali mamsina tooŋ Ziŋ Lonara kiyo.

EZAYI 64:9

Ҥoŋziiŋ ma teteɗna mbuɗ ki ni ŋgoo bagira, Siyon mbuɗ ki ni ŋgora. Yerusalem ɓalak ki wa.

EZAYI 66:3

Suu ka li ɓivunna hu mbutlnana hin ci sa warna tok may, suu li ɓivunna u timigiina hin ŋgaɗ del dina lay. Sa ma ŋgalan mbul ma hisna, hin goɓ fulina lay. Asi manni voɗ masira hurusi ka furi kay sun masira co ndaɗta.

JEREMI 22:5

Na may lini agi hum boy namma kaɗi ni, an suu u tanda, Yawe di ana zi namma hin mbuɗ ki ni didiŋga cuk zozoɗta.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

JEREMI 26:9

Aŋ hal doli a ɓakŋi ana u sem Yawe, Zi ndaɗta hin mbuɗ ki ko Silo na, ɦoŋzi namma hin paliyam kiyo, hin cam suu hurumma kiyo.» Suuna halaŋ hu Ziŋ Yawera tok tasi eg Jeremi.

JEREMI 4:26

An gol na ni, mbas mayra bubura ɦayra mbuɗ ki fulla. Ҥoŋzina halaŋ ki ŋgaliya, ni ko yara vi Yawera.

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 1:1

Ni nana ndaɗ kak ha ki keŋ ge, ɦoŋzi ma suuna hurum cocona, nama mbuɗ ki ko cara donora na. Ndaɗ mayra li ndumuɗ ay duk njaf suuna a mulla hu ɦoŋzi ma gorinara. Ndaɗ jivira ni a mbaɓura.

YOORA 1:10

Babali manna maɗ kom ki kay bege manda bel. Gasi hu voɗ maɗta ndaɗ wi njaf suu daŋŋa mbaya. Ni suu aŋ ka min a asi mbay duk suu maɗsinaɗina.

YOORA 2:6

Nam ɓeŋ senena u li ma asi ŋgaf vok tasi huna kiyo. Nam ɓeŋ li ma asi li luuna huna kiyo. Yawe maa ki kay luu mamma u buu ma Sabbatna. Nam mbuɗ suu mulina u muli suu li ɓivunna ki zolona u yaamba.

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

EZEKIYEL 12:20

Ҥoŋzi ma suuna cuki huna hin ɓalak kiyo, mbassa hin mbuɗ ki ni ŋgoo bagira, agi hin wi ki ana anni Yawe.»

EZEKIYEL 21:15

Ki guuri jivi a ci suuna, tam ki jivira a weleɗ cocora may.

EZEKIYEL 21:7

«Goŋ sanna, gol iriŋ ha kay Yerusalem di boy ma jok vun Lona ha kay Ziŋ Lonara, di boyna ha ki kay mbassa vi suu Israelna.

EZEKIYEL 24:21

Di suu Israelna ana, Bu Suuna, Yawe, di ana, an min ɓalak Ziinda kiyo, ŋga taagira kay saɓak maginara, furi magira agi laɗ wanda, hurugi ma tini kay iiri magirana. Goryogi suu njufiina u gorɓiina suu agi hinisi hu Yerusalem wanna ŋgewna hin casi kiyo.

EZEKIYEL 6:6

Li ma agi cuki huna halaŋ ɦoŋzi namma hin hawaɗ kiyo. Li ma mbuy kolona hin ɓalak ki lay. Givin ma togolla magisina lay hin ɓeŋ kiyo. Fuli suu agi goɓosina hin toosi ki lay. Givin ma togolla magi suu ŋgal mbul ma his jivina hin toosi ki lay. Tlesuu agi lasi u bik kogina halaŋ hin ɓalakasi kiyo.

EZEKIYEL 9:6

Suu maana, gorozoŋina, njufiina u gorɓiina, gorkemba u boyogina, agi casiya ta ta daɓasi kiyo, na may suu lomorora ki tini vogosina agi ŋgenesiɗi. Agi gijaŋŋa ha ni hu Ziŋ ma Teteɗna.» Asi gijaŋŋa ha ni u suu ŋgolo suu laki fun zirana.

DANYEL 2:46

Na ɗaŋŋi mulna Nabukodonosor cuk fok givim kaŋga, cok yam kaŋga ɦal ŋgara maŋ Danyel hin ɦal voɗta ana asi li ɓivunna maŋ Danyel u mbul ma his jivina.

AMOS 7:9

Li ma mbuy ma vi Isaakŋa hin bulum kiyo, givin ma togolla ma Israelna hin bulum ki hu li ma an hin col ay kolo u ŋgewra kon kay suu vi Jeroboamma.»

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

SOFONI 3:6

Lona di ana «An bulum suuna kiyo, zigini suu fiyek mini kolo keŋ gulumunnana an toosi ki lay. An bulumusi voɗ masira ki lay, sa ka jak voɗ oloɗi, ɦoŋzi masina ki hawaɗiya, sa ka oloɗi, sa kak hu zi ka oloɗi.

Boy Ma Ayra Ma LUK Ɓiirimma 21:24

Suuna hin casi ki u ɓagina hin yowosi, njayasi ha ki daŋgayna duk njaf suuna zeɗ zeɗ. Suu ɦawana kay to zi Yerusalemma ki ni toy na gak gak bay liisina ndak na baɗi.»

SUNDA 6:14

Ami fam nam di ana Yesu ma Nazaretna hin ɓeŋ Ziŋ Lonara kiyo, hin mbuɗ dlara Moiz haɗaygira ki zeɗ lay.»

HEBRENA 10:26

Hu li ma aygi waygi gasira wi, lini aygi laygi cora na gak gaki ni, ɓivun ma yow cora kina ka oloɗi.