DLAŊ LEVIRA 26:22 - Boy Lonana

²² An hin sunugi vabakgi suu cona ay kagiya, asi hin cagi goryogi kiyo, cagi yoori magisina ki may, asi doorogi ki kay voɗta tuɗta, voɗ magira mbuɗ ki ni ko duk gura ɦawa na.

DLAŊ LEVIRA 26:22 ပူးပေါင်းရင်းမြစ်များ

2 MULINA 17:25

Hu li ma asi mba vi jew ziisi ki hu nana gaw ni, asi ni suu ka wi Yaweɗina, ka lam ndaarambi lay. Yawe sunusi dlona ay kasi, mba casi ki cocoo.

2 MULINA 2:24

Nam pereɗ irim golosi ha na ni gasi vunna u sem Yawe. Na gaw ni bosokona cuk ay ki duk gura na mba', kom ki u gor kem asira na dok-fiɗi yam mba'.

2 DLAŊ MULINARA 15:5

Hu li namma ni heɓpa ka kay suu tuɗ koyra u suu mbay vonaɗi. Suuna hu mbassa halaŋ ki ndaana.

EZAYI 24:6

Ni kay ndaɗta givunna mba kay ndaŋgara ni na. Suu cuki kaɗna halaŋ fi lassa. Kay ndaɗta suu cuki kay ndaŋgarana ka kom tasi kiyo. Suuna hin hu ndaŋgara ni na ew daŋ.

EZAYI 33:8

Voɗta halaŋ mbuɗ ki gura, sa ka tuɗ huruɗ oloɗi, galam masira bus ki wa, ɦoŋzi ma jivina yam sa ka kam oloɗi. Sa ka hum vun ndaram oloɗi lay.

JEREMI 15:3

An cukusi suu duuna fiɗi kasi toŋgo zak. Yawe di na. Ŋgewra a casi kira, diginina a taɗasi kira, layagi suu huulonana u mburi suu kay ndaŋgarana a komosi kira.

JEREMI 42:2

eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

EZEKIYEL 14:15

«Lini an sun vabakgi suu cona ay hu mbas ndaɗta asi ci suu hu mbas ndaɗtana kiyo. Mbassa mbuɗ ki ni ŋgoo bagira. Sa ka tuɗ hu oloɗi ko vabakgina.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

EZEKIYEL 33:28

An hin ɓalak mbas ndaɗta kiyo, mbuɗuɗ ki ni ŋgoo bagira. Ŋga tara asi ŋga tasi cocora hin bulum kiyo. Ҥinira vi suu Israelna hin mbuɗ ki ni ŋgoo bagira kay sa ka tuɗ hu oloɗi.

EZEKIYEL 5:17

An sunugi mayra u vabakgi suu cona ay kagiya. Asi cagi gor kem magisina kiyo. An cukugi suu duuna kagi lay. Di ni an, Yawe.»

DLAŊ LEVIRA 26:6

An ɦagi heɓpa hu mbas magira. Agi buu ni va ma mba ŋgenegi hu ziigi kaɗi, vabakgi suu cona an dikisi ki hu mbas magira, duu ka hin li hu mbas magira oloɗi.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»

GA 8ATAMBARA 32:24

Hu li ma asi maŋ ki ko mayra casira wa ni tuguɗira cora ndi kasira, ni hin sunusi vabakgi suu cona ay kasi olo, cukusi guyugi suu ci suuna ay kasi lay.

SUU KAƁAKŊA 5:6

Hu cokira vi Samgar ma goŋ Anatna, hu cokira vi Yael, suu kulumina viɗ voɗ masira kiyo. Suu tuɗ koyra tli ni voɗta gunira.