DLAŊ LEVIRA 26:17 - Boy Lonana

¹⁷ An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

DLAŊ LEVIRA 26:17 ပူးပေါင်းရင်းမြစ်များ

URA TIN AYRA 4:12

Aŋ hin horok kaɗ lay ni, ndaɗ hin ka jiv vaɗi, sariyaŋ hin kini paɗi koloo, aŋ hinni a sa ma tuɗ kolo cow cowna.»

1 MULINA 8:33

«Hu li ma suu maŋ suu Israelna suu babali masisina su kasina ni kayra asi laŋ dla cora egeŋga, lini asi hoŋ ay egeŋu ŋgaaŋ seŋu, cena, joɓoŋ hu zi ndaɗta ni,

2 MULINA 13:3

Huu Yawe ɓeŋ ki egesiya. Nam hinisi ki hu duk ko Hazael, mul ma Sirina, tew tew, hinisi ki ko goromma, Ben Hadad, ni na lay.

2 MULINA 13:7

Suu duu suu hin ko Joasazna ni suu jaŋ kulumina na dok-vadl, pus pusna ni doogo, suu duu suu semba ni buɓ buɓ doogo may. Kay mul ma Sirina ci suu wanna ki ni halaŋ halaŋ. Nam lasi ki ko ndal gugum ndaŋgara suuna tayaɗ ki kaŋga u sesira ɦawa na.

SOOLLA 44:10

Na lay cemi ni aŋ noyomi ki wa, aŋ ka kal ki a ŋgaf suu duu u amina oloɗi.

SOOLLA 53:5

Bu Suuna joɓ tam ana, «Suu li dla cora asina, suu ɦurumun tlena ki ko suu mansinana halaŋŋi yasi kaɗi su? Asi ka goɓonɗi lay.»

SOOLLA 53:6

Asi halaŋ mbuɗ ki ndaana, li ni dlara ndaa kaɗi lay. Suu duu asina Lona njayasi sokosi ki na dew dew, aŋ panasiya kay Lona zuɗusi ki wa.

VUN ŊGOLNA 28:1

Suu dlasi cona yow piira, bay sa dikisi usi ha lay. Na may sa ma ɗegeena buuri ni ko goo dlona na, va ma ŋgenem kaɗi.

EZAYI 30:17

Suu may suu buɓ duk dewna hin yow liŋŋa fok sa ma dew daŋŋa. Agi hin yow liŋŋa halaŋŋi ko lassa vi suu vadl daŋŋa. Ugira hin vora ni ko gu ma pii kolo kay ɦinira vay dam dewna ɦawa na.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 44:11

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, an hin mbuɗ irin egegi a lagi dla cora. An hin gi njaf suu Yudana ki halaŋ.

YOORA 1:5

Suu babali maɗsina su kaɗu. Suu babali maɗsina dla ka kasiɗi, kay ana Yawe mbuɗuɗ ki hahawra ni namu. Ni kay nek dla cooɗta, goryoɗ suu gorina tuɗ ki mbaɓura fok suu babali maɗsina.

YOORA 2:4

Nam tli gu mbuuru mamba kom ko ndal sa babalira na, coli kay bikim ma njufna min tam ko sa duuna na. Nam ci suu gol jivina ki halaŋ. Kolo kay mbutluɓ ma vi Siyon ta jivira nam vo yara ay ko ndal kura na.

EZEKIYEL 15:7

An hin tin vokonni kasi na gay, lini asi suɗ ki ko duuna lay ni kura hin ŋgalasi kiyo. Agi hin wi ki ana anni Yawe. An mbuɗ vokon kasi ni an daŋ may.

DLAŊ LEVIRA 17:10

«Lini sana ni sa ma Israelna ɗowba ni ŋgay ma cuki dukusina ti busuna ni an mbuɗ ŋgoron kay sa nam ma ti busunana, paɗam ki duk suu mamsina.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

JOSUWE 7:4

Suu Israelna tuɗ ni va ma buɓ buɓ hindi, may ni asi hin yow liŋŋa ay ko suu Aina.

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

SUU KAƁAKŊA 3:14

Suu Israelna li sunda u Eglon, mul ma Moabma ta ta basara doogo yam kalavandi.

SUU KAƁAKŊA 3:8

Yawe hurum ɓeŋ ki eg suu Israelna. Nam hinisi ki hu duk ko mulna Kukan-Rikataim, mul ma Mesopotamina. Nam ti mulla kasi ta ta basara kalavandi.

SUU KAƁAKŊA 6:2

Suu Madiyanna las suu Israelna saɓak cocoo. Ko ndaa suu Madiyanna ni suu Israelna mbee kolo kay ɦinira tuɗ ŋgay tasi ki hu zul ɦinira. Ŋgay ki hu li ma zuzulna a suɗ tasira.

1 SAMUEL 12:15

Na may lini agi humugi vun Yawe kaɗi, lini agi li yara u gaɗta vi Yawera ni ko Yawe hin vagi lay, vi somoyogi lay.

1 SAMUEL 31:1

Suu Filistinna duu u Israel. Suu Israelna liŋ ko suu Filistinna. Suu ki miɗina hin ki cukira kay ɦinira Gilboara.

1 SAMUEL 4:10

Suu Filistinna gijaŋ duuna. Asi poŋ suu Israelna, gegelay ndi liŋŋa tuɗ ki hu mbutluɓ mamma. Yara li ŋgolla ɦay. Suu Israel suu duuna miɗ ki ni buɓ buɓ hindi.