DLAŊ LEVIRA 26:16 - Boy Lonana

¹⁶ «Gola ni dlara an hin lagira egegira. An hin gagi dlara ndaana kagiya, gagi tuguɗiira kagiya, tuguɗii mayra irigi ka wi oloɗira, ta cagi ki maɗnara lay. Agi zaa wana hu sene magina lay ni ka fambi, suu babali magisina hin feɗem ki ni asiya.

DLAŊ LEVIRA 26:16 ပူးပေါင်းရင်းမြစ်များ

1 MULINA 8:37

«Hu li ma may ŋgolla ndi hu mbassa wa, ɗowba himina ndi kay wana soom kiyo, ɗowba baa njeena ti wana kiyo, hu li ma suu gonokka ka las suu Israelna ta ta mba ndukusi hu ɦoŋziisi ma saɓakasi huna, hu li ma dla cora ndi kasira halaŋ ka lina, u gi tuguɗii mayra cora,

JOB 18:11

Hu li ma nam huna halaŋ tuɗ ni u ndaana. Hu poy mamba halaŋ dlara ka dikim umu.

JOB 20:25

Nam paɗ mbuurra day ay ki ŋgoromba kiyo. Nam vi kawi ma ay kusi eg duk dukumma komu, ndaa maɗna kali kam cocoo.

JOB 31:8

na ni tlesuu an zaarasina sa ma daŋŋa hin tasi ki ni namu. Tlesuu day ki kolona suu daŋŋa mba paɗasi kiyo.

SOOLLA 109:6

Asi di ana, man sa ma dew a kaam ɓakŋa kamba, ni sa ma co ma kal kamma.

SOOLLA 73:19

Asi hin ba kini na zak gaw, daɓ masira mbuɗ suuna ndaa cocoo.

SOOLLA 78:33

Nam hoŋosi buu masina ki dagani, basa masira hu ndaŋgara daɓ ni u ndaana.

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

VUN ŊGOLNA 3:33

Givun ma vi Yawena ka ni kay ziŋ suu li dla cora, may nam paɗ vunum ki kay ziŋ suu ɗegeena.

EZAYI 10:4

Sa ma suɗ ki dew kaɗi, agi hin li ni cuki duk suu hu daŋgaynana, ɗowba duk suu a casi kina. Na lay ni Bu Suuna hurum heɓ ka eg suu Israelna tuɗi. Kom ka ki maɗii a lasasira tuwa.

EZAYI 62:8

Yawe suu tam u bik kom ma njufna ma saɓakŋa ana, wa ma agi horokomma an ka hin suu babali magisina a tambi, suu koyogina ka a cagi sum veŋ ma agi loɓ tagi kam a horokommaɗi lay.

EZAYI 7:2

Asi jok boy namma ay maŋ Ahaz, njaf suu vi Davidna ana, «Mul ma Sirina u suu mam suu duuna ay ka hu mbassa vi Efrayimba.» Ahaz mbuɗ ki ndaana u suu mamsina halaŋ halaŋ. Asi mbuɗ dlak ko ndal hum ŋgusugina geŋeɗ ko semeɗnara na.

JEREMI 12:13

Asi zaa wa blena kaŋgaa, hin feɗ ni wayra. Asi loɓ tasi kiyo, hin ka fi va huɗi. Mbuɗugi ki zolona u tlesuu agi fasi asina, ni kay yara vi Yawera ŋgolla.

JEREMI 15:3

An cukusi suu duuna fiɗi kasi toŋgo zak. Yawe di na. Ŋgewra a casi kira, diginina a taɗasi kira, layagi suu huulonana u mburi suu kay ndaŋgarana a komosi kira.

JEREMI 15:8

An hinisi boyogina ki varasi donora bolow coco ko ndal ŋgetlna fun lummana na. An mbaasi suu ci suuna ay kasi faali nduh nduh kay su goozoŋ ma duuna, sa wi kaɗi lay, an mbaaɗ dlara ndaana ay kaɗ viɗiɗ ki ni na gaw.

JEREMI 20:4

Ko ndaɗta na Yawe ɓak anaba, «Ŋgoo dagan wanni an hin mbuɗuŋ ki ndaana, banayaŋŋa lay, asi hin puk kaŋga fun ŋgewna vi suu babali masisina aŋ hin wi dla ndaɗta u iriŋ lay. An hin ɦal suu Yudana ki maŋ mul ma Babilonna. Nam hin yowosi tuɗusi ki Babilon, nam hin casi ki u ŋgewna.

JEREMI 5:17

Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

EZEKIYEL 24:23

Gaɗamul magira njuni kagi lay, tuɓuru magina cuki segi lay. Agi ka li dlara a tii maɗnaɗi lay, ka lagi hahaw dagan a yoo tagiɗi lay. Agi gegelay ni u cora nam laɗta hin yoo tam u zamba kay wayamma.

EZEKIYEL 33:10

«Hum haa, goŋ sanna, aŋ tuɗ di suu Israelna ana, Agi ɓak ana dla coomira u suluk mamina mbuɗ kami nek cocoo. Ami ka daɓ kiyo, na ni ami hin lak iiri ni ana mege?

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

MISE 6:15

Aŋu, aŋ hin zaa tlena kaŋgaa, hin ka fi va a feɗɗi. Aŋu, aŋ hin em conora hin ka fi mbul ɦuɗi, aŋ hin soo veŋŋa kiyo, hin ka cambi.

Magaara Vi Sa Jok Vun Lona AGE 1:6

Agi zaa tlena kaŋga ŋgol coco may hin feɗ ni ew ɦawaa, agi ti tlena may hayagi ka hoɓbi, agi ci lay, ka furiɗi. Agi cukugi barawna egegi lay, tagi ka gi kuɗi lay, begera vi sa tli mboomma tuɗ ni hu mbumbura uɗ ki cooyra.

ZAKARI 14:12

Gola, ni dla co mayra Yawe hin poŋ suu duu u Yerusalemma u ndaɗta. Nam hin cimisi kiyo, na ɗaŋŋi gegelay hin li colira ni kay semu, zozoy irisi hin cim ki hu zuluɗu, sinisi hin cim ki funusiya.

MALASI 2:3

An wanni, an hin lagi dla cora eg njafagiya, an hin cukugi soɗ tlena irigiya, soɗ tlesuu agi ŋgaɗasi a luu maginana. Suuna hin yowogi ki u namu.

GA 8ATAMBARA 28:51

Asi hin tagi ki ni waagina u yoori magisina ta ta hu li ma agi daɓ kina, asi ka hinigi u waaginaɗi lay, ka hinigi sum veŋ maginaɗi lay, hinigi mbulnaɗi lay, dogoni mbutli suu mbiira u dogoni timigii magisina halaŋ, ta ta asi njayagi ki tuwa.

GA 8ATAMBARA 32:25

Ha ki keŋŋi ŋgew valaŋga ka casi goryosi ay gak may, vo usi ni dlara lasi ndaana ka coco may. Goozoŋŋa u gootamara jeŋira ni na lay. Su gorra u sa ŋgol ma yam ɦussa miɗ ni na lay.

HEBRENA 10:31

Sana a ndi ki kaŋga ko Lona ma iirina ni loɓ cocoo.

SUU KAƁAKŊA 6:11

Sa sunda vi Yawe mbay hu ɦoŋzi ma Ofrana mba kak ga u ɦoyna ŋgus namma duk sene ma vi Yoasna, hu deera vi Abiyezerra, Gedeon gooromma coli to wa blena hu zulla a ŋgayam ki ko suu Madiyanna.

1 SAMUEL 2:33

Ko ndaɗta na ni an hin vi saaŋ maa dew hin tinim eg givin ma togolla manna a duguŋ iriŋ kira, a yow ki u buu maŋ ma aŋ a kak iirina, may njafaŋ ma vo hu ziiŋŋa hin miɗ ki ko maara.