DLAŊ LEVIRA 26:14 - Boy Lonana

¹⁴ «Lini agi ka humun vununɗi, ka min a li u gaɗta an dagiraraɗi ni,

DLAŊ LEVIRA 26:14 ပူးပေါင်းရင်းမြစ်များ

YOORA 2:17

Yawe li ni dlara nam daɗ kira. Nam faɗ ki ni vun dlara nam daɗ ay ki hu buu ma ki fok jew daynara. Nam hawaɗ tlena ki ni ka saaɗi. Nam cukuk suu babalira ay kaku. Nam mbuɗ suu babali maksina saɓak suuku.

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

DLAŊ LEVIRA 26:18

«Lini agi ka humun vununɗi gak gakgi ni, an hin kaagi ɓak ma gaɗagina kagi sen kiɗisiya co su ma wanna.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

SUNDA 3:23

Sa ma ka hum u sa ma jok vun Lona nammaɗina dikim ha ki duk suu vi Lonna baam kiyo.

MALASI 2:2

Lini agi ka humbi, lini agi ka vagi tagi a ŋgaanɗi ni, an hin cukugi dla cora kagiya, gagi vunna, Yawe ma Saɓakŋa Kom Belna di na. Gasi an gagi vunna kay ana dukugi ni sa hurum jivi ka na dewɗi.

YOORA 1:18

Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

JOSUWE 23:15

Na daŋ may boy jivi ma Yawe, Loogina, damma li ki ni halaŋ halaŋ ko ndaɗta na lay Yawe ndak a lagi boy ma cona egegi ta ta daɓagi ki hu duliyara kay ndaŋgara jivi ndaɗta may, ta nam Yawe, Loogina, ɦagirara.

SUU KAƁAKŊA 2:15

Asi tuɗ aragelay ni ko Yawe ha kasi a tinisi dlara cora kasira ko nam Yawe di ay ki fok jew suu tam kira na. Yoo masira mbuɗ ŋgol cocoo.

1 SAMUEL 12:15

Na may lini agi humugi vun Yawe kaɗi, lini agi li yara u gaɗta vi Yawera ni ko Yawe hin vagi lay, vi somoyogi lay.

2 DLAŊ MULINARA 7:19

Na may lini aŋ taŋga, aŋ hinin gaɗ manda ki mbuɗ iriŋ ki u dlara daŋga, hin dlara an miniɗta kiyo, lini aŋ tuɗ sun ni loogi suu daŋŋa goɓ ga fokosiya,

VUN ŊGOLNA 3:33

Givun ma vi Yawena ka ni kay ziŋ suu li dla cora, may nam paɗ vunum ki kay ziŋ suu ɗegeena.

JEREMI 11:8

Na may asi hum kaɗi. Asi tin humusi kaɗi lay. Gegelay su vunna ki u yasira eŋga ka haɓbira. Na lay ni an li dlara an ɓakaɗ kay galambara egesiya, ta an ɓakasi ana asi takaɗ ki kiɗikira asi hin takaɗ ka ki kiɗiki lay.»

JEREMI 26:4

Aŋ hin dasi ana, Yawe ɓak anaba, lini agi ka tin humugi a hum dlara an daɗta a tuɗ unɗi ni,

JEREMI 28:8

Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.

JEREMI 40:2

Sa ŋgol asgaana vam ki komu, hin dam ana, «Ni Yawe, Looŋŋa, li dla cora eg li namma ni namu.

DANYEL 9:13

Ko ki ɓiirira hu magaara gaɗta vi Moizza na, dla co ndaɗta halaŋ mba kamiya, may ami heɓ huu Yawe, Loomina, ka u hinda hin coomira kiraɗi, a li ka kira na en hu ɗegee mambaɗi.

Magaara Vi Sa Jok Vun Lona OZE 7:12

Hu li ma asi liŋ nana an cukusi bay manna kasiya. An casi ko ndal laygi suu huulonana na. An yowosi hu li ma an humusi delesi asi ka tok tasina.

2 MULINA 22:13

«Tuɗugi joɓogi Yawe ay kanu, kay suuna halaŋ, kay mbassa Yudara lay, kay boy ma di hu magaara gaɗta wannana. Boy namma ni ŋgol cocoo. Yawe hurum ki ni ɓeŋi egeygiya, kay somoyoygi hum ay ka u gaɗ ndaɗtaɗi. Asi li ka u dlara ɓiiri hu gaɗtaraɗi lay.»

2 DLAŊ MULINARA 34:24

Yawe ana an hin mbaa dlara yoora ay kay li namma kay suu hu zi nammana lay, a li ki u givun ma ka hu magaara gaɗta ta agi ndumuɗ fok mulna wandara halaŋ.

SOOLLA 81:12

Na may suu mansina humun delen kaɗi, suu Israelna ka mininɗi,

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.