DLAŊ LEVIRA 26:13 - Boy Lonana

¹³ Anni Yawe, Loogina, ma suɗugi ay ki hu mbassa Egiptera kay a agi li a suu masi suu sunusina oloɗi. An kaagi jug ma kelegina ay ki ni anu, agi mbuɗ tuɗ yagi ki tlii kolo ni unu.»

DLAŊ LEVIRA 26:13 ပူးပေါင်းရင်းမြစ်များ

EZEKIYEL 34:27

Ŋgusugi suu hu senenana hin vuɗ jivi lay. Ndaŋgara hin jiv tlena coco lay. Suu mansina hin lak hu mbas masira ni u heɓpa. Hu li ma an kususi jugŋa ki kelesina, asi hin wi ki ana anni Yawe. Ni hu li ma an ɓaɗasi ay ki hu duk ko suu may suu lasasina.

SOOLLA 116:16

Wan hahawanu, Yawe, kay anni saaŋ ma sunda, ni goŋ cara sunuŋga lay. Aŋ buɗun zew ma njunun gana ki wa.

DLAŊ LEVIRA 25:38

Anni Yawe, Loogina, anni sa ma cukugi ay ki hu mbassa Egiptera a ɦagi mbassa Kanaanda ki magina, kay a an li irigi ni a Lona may.

KALKIRA 20:2

«Anni Yawe, Lo maŋŋa, ma kalaŋ ay ki hu mbassa Egiptera, ay ki hu mbaɓura.

JEREMI 2:20

Ay day day lay ni ndak kus gu ma kelekŋa kiyo, ja duk ɦoŋok ki u an di ana, An ka min a li mbaɓu oloɗi. Kolo kay ɦinira fiyekka, kaŋga u ŋgusu ma ɗufina ndak buu kaŋga li gawlaŋŋa.

DLAŊ LEVIRA 25:55

Kay suu Israelna ni suu man suu sunda, asi ni suu sun man suu an cukusi ay ki hu mbassa Egipterana. Anni Yawe, Loogina.»

EZAYI 51:23

An ɦal kop namma duk ko suu may suu li lasagina wa, suu may suu li dagi ana, goɓogi kaŋga an ful kagiyana. Agi ɦasi ŋgorogi ko ndaŋgara sana kak kaɗta na, ko voɗta suuna tuɗ huruɗta na may.

DLAŊ LEVIRA 25:42

Kay suu an suɗusi ay ki hu mbassa Egiptera halaŋŋi suu sun mansina, sa ka ndak a gususi ki ko suuna gus mborɓiina naɗi.

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

EZEKIYEL 30:18

Hu ɦoŋzi ma Tapanesna ni lina ka fo oloɗi. Hu li ma an ka kus saɓak ma vi suu Egiptena kina, ŋga taasira ka li oloɗi. Ɗugulla ndufun cocora hin kuluɓ ki kay ɦoŋziisina. Suu hu ɦoŋzi nammana asi hin yowosi ki balna.

Magaara Vi Sa Jok Vun Lona OZE 11:4

An tuɗ u asi u jivira vi suu warnara, minda duk ɦoŋ tamiya. An ay u asi ni ko ndal suu tli gor kemba tinisi eg ŋgotlosira na, an ɦasi tlesuu a wulusina.

KALKIRA 14:8

Yawe so huu Faraw mul ma Egiptena, nam dik u suu Israelna, suu Israelna cuk ay ki ni u furira kosi tlii kolo cocoo.

EZAYI 9:3

Kay jug ma nek ki kelesina, tokolo mayra nekka buuri kelesira tokolora vi muli suu duu suu ka fokosina aŋ kususi ki halaŋ, ko li ay hu buu ma vi suu Madiyanna na.

JEREMI 28:2

«Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an kus mbal ma nek ma vi mul ma Babilonna ki wa.

JEREMI 28:4

Na lay an hin hoŋ Yekoniya ma goŋ Joakim mul ma Yudana u suu yowosi ki mbaɓura hu Yuda tuɗusi ki Babilonna halaŋ. Yawe di na. Kay ana an kus mbal ma nek ma vi Mul ma Babilonna ki wa.»

NAHUM 1:13

Cecem wanda an kusum guum ma gii deleŋŋa ki wa, an buɗuŋ zew mamma ki seŋ wa.