DLAŊ LEVIRA 26:12 - Boy Lonana

¹² An hin tuɗ ni u agiya, anni a Loogina, agi ni a suu mansina may.

DLAŊ LEVIRA 26:12 ပူးပေါင်းရင်းမြစ်များ

URA TIN AYRA 17:7

An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.

URA TIN AYRA 17:8

An hin ɦaŋ mbassa aŋ kagi kaɗ ŋgayra wanda maŋu, maŋ njafaŋ ma ka ŋgoroŋ daganna lay. Ndaŋgara Kanaanda halaŋŋi maŋ a fafaɗta. An hin li ni a Loosina.»

URA TIN AYRA 3:8

Faɗta heɓ heɓmi, semeɗna gijaŋ siira ɗaŋ, sana u caamba hum ana Yawe Lona mba gol senena, ni namu ni asi ŋgay tasi ki duk hum gugunina.

URA TIN AYRA 5:22

Ŋgoo vuɗta vi Matusalemmi Henok li basara kis kis hindi, nam hum u Lona ni nam vuɗ gor njufiina u gorɓiina.

URA TIN AYRA 5:24

Nam poy u voɗta vi Lonara, hum u Lona cocoo lay, li ma nam kal huna sa wam kaɗi, kay Lona tlam kolo egemu.

URA TIN AYRA 6:9

Gola ni dlara vi Nowara. Nowa ni sa ma ɗegee ii Lonna. Hu coki ndaɗta ŋgul ka egembi. Nam poy u voɗta vi Lonara, hum um jivi lay.

2 SAMUEL 7:7

Hu li namma halaŋ ma an poy ko tan u suu Israelna halaŋŋa ni na an di boy maŋ muli suu Israel suu an tinisi a taa suu man suu Israelna maa ka na dew lay ana, ni kay me aŋ minin zira mini u gu sedrena ka na dewɗi amegera kaɗi?

SOOLLA 50:7

Humugi haa suu mansina, an min ɓakka, aŋ Israel, an min di dlara kaŋga. «Anni Lona, ni Looŋŋa.»

KALKIRA 29:45

An hin kak duk suu Israelna, An hinni a Loosina.

KALKIRA 29:46

Asi hin wi ki ana, Anni Yawe, Loosina, Anni sa ma cukusi ay ki hu mbassa Egiptera a kak u asina, Anni Yawe, Anni Loosina.

KALKIRA 3:6

Nam di ana, «Anni Lo ma vi somoyoŋŋa, Lona vi Abraham, Lona vi Isaak, Lona vi Yakob.» Moiz baa irim kiyo kay nam mbuɗ ki ndaana ka gol Lonaɗi.

KALKIRA 6:7

«An hin mbuɗugi ki ni a suu mansina, an hin li ni a Loogina may. Agi hin wi ki ana, anni Yawe, ni Loogina, ni sa ma buɗugi ay ki ko lassa Egiptera.

EZAYI 12:2

Gola, Lona ni sa ma suɗunna, an tin hurunni kamu, va ma lan kaɗi, kay saɓak manna u soolla an gaɗta ni Yawe dew. Nammi sa ma suɗunna.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

JEREMI 11:4

Ta an ɓakaɗ dlaɗ ay maŋ somoyogi hu li ma an cukusi ay ki hu mbassa Egiptera, hu li ma kura cocona. Humungi delenu, takangi dlara an ɓakagirara ki kiɗiki. Na ɗaŋŋi agi hin mbuɗ ki suu mansina may. An hin mbuɗ ki Loogina may.

JEREMI 30:22

Agi hin mbuɗ ki ni suu mansina. An hin li ni a Loogina may.

JEREMI 31:33

Gola ni galamba an hin vaɗ u suu Israelna ŋgoo dagan wanda. Yawe di na. An hin ɦasi gaɗ manda hurusi kurufuwa, ɓiiriɗ ki egesi lay, an hin li ni a Loosina, asi hin mbuɗ ki ni suu mansina may.

JEREMI 32:38

Asi mbuɗ ki ni suu mansina, an hin li ni a Loosina may.

JEREMI 7:23

An joɓosi ni ko wanda na, «Humungi vununu an hin mbuɗ ki a Loogina, agi may ni hin mbuɗ ki ni suu mansina. Tuɗugi jivi hu voɗta an takagirara, agi hin kak u heɓpa.»

EZEKIYEL 11:20

Ni asi hin li u gaɗ manda, golon gaɗ manda u neenda jivi may. Asi hin mbuɗ ni a suu mansina. An hinni a Loosina may.

EZEKIYEL 36:38

Ko ndal yoori suu hu Ziŋ Lonara na, ko yoori suu hu Yerusalem hu buu ma luuna na. Ҥoŋzi ma li ki tooy kaŋgana hin oy ki u suu warna. Ni suuna hin wi ki ana anni Yawe.»

JOEL 2:27

Agi hin wi ana an ka hu Israel, anni Yawe Loogina, lo ma daŋ kaɗi. Suu mansina hin ka mbuɗ ki zolo a fafaɗtaɗi.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

NDUMBA 5:3

Njufiina u boyogina halaŋ agi dikisi ki hu ɦoŋzi magina, ka asi mbuɗ ɦoŋzi ma vi suu Israelnana ki njenjeɗi, kay ni zi ma an ka kaki hurumma.»

MATIYE 22:32

Nam di ana, An ni Loŋ Abrahamma, Loŋ Isaakŋa, Loŋ Yakobma. Nam ka Lo ma vi suu miɗinaɗi, Lo vi suu iirina ni namu.»

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

GA 8ATAMBARA 23:14

Sa ma asgaana gegelay ni li va ma vek zulla komu, hu li ma nam kal ki doŋ kaana wa ni nam vek zulla hin tos soɗom ki ga huwa.

GA 8ATAMBARA 23:15

Kay Yawe Loogina u tamba mbay hin hoŋ dukugi hu kaŋŋa a suɗugi kira, ɦagi suu babali magisina ki hu duk kogi lay. Na ni huu kaŋ magina ki jivi teteɗ su, ka a Yawe Loogina, wi va ma njenje ma zolo u irimbi, li wa na ni nam ka mba dukugi oloɗi.

HEBRENA 11:16

A gasira ni asi hal ni mbassa jivi sura, ni di ana ta kolo huulonara. Ni kay ndaɗta Lona ka li zolo kay a di ana nammi Loosinaɗi, nam minisi zina haa.

WIRA ŊGAYRA 2:1

Ɓii magaara maŋ sa sunda huulona vi suu vi Kristuna hu Efes. Humugi boy ma sa ma vi ciciwra kom ma njufna kiɗisiyana damma, ma tuɗ duk va ma gaɓ lamba kamma kiɗisiya ma mini u lorra.

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.