DLAŊ LEVIRA 26:11 - Boy Lonana

¹¹ An hin kakŋi dukugiya, an ka hinigi ki kay tagiɗi.

DLAŊ LEVIRA 26:11 ပူးပေါင်းရင်းမြစ်များ

2 SAMUEL 7:7

Hu li namma halaŋ ma an poy ko tan u suu Israelna halaŋŋa ni na an di boy maŋ muli suu Israel suu an tinisi a taa suu man suu Israelna maa ka na dew lay ana, ni kay me aŋ minin zira mini u gu sedrena ka na dewɗi amegera kaɗi?

1 MULINA 6:13

An hin mbay kak hu zi ndaɗta duk suu Israelna. An hin ka noy suu Israelna kiɗi. Asi ni suu mansina.»

1 MULINA 8:13

An may ni an miniŋŋi zira ŋgol cocora ni li ma aŋ hin li ha kaki a fafaɗtana.»

1 MULINA 8:27

Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

SOOLLA 106:40

Huu Yawe ɓeŋ eg suu mamsina, nam ba suu gin a suu mamsinana kiyo.

SOOLLA 76:2

Suu hu njaf Yudana halaŋ wi Lona, sem yi ŋgol coco duk suu Israelna.

SOOLLA 78:59

Lona wi na ni, hurum ɓeŋa, nam cuk suu Israelna ki halaŋ.

KALKIRA 25:8

Asi minin mbutluɓma, an hin kak dukusiya.

KALKIRA 29:45

An hin kak duk suu Israelna, An hinni a Loosina.

KALKIRA 29:46

Asi hin wi ki ana, Anni Yawe, Loosina, Anni sa ma cukusi ay ki hu mbassa Egiptera a kak u asina, Anni Yawe, Anni Loosina.

JEREMI 14:21

U seŋ ma saɓakŋa ɦayna, aŋ noyomi kiɗi. Mbuɗ saɓak mul maŋga ki maŋiɗi. Hin galamba li dukuygiya. Aŋ ɓeŋeɗ kiɗi.

YOORA 2:7

Bu Suuna noy givin ma togolla kiyo. Nam noy liim ma teteɗna kiyo. Nam ɦal gulumun ma kay zigini suu hu ɦoŋzina na maŋ suu babalira. Suuna yi ay kolo u delesi eŋga hu zira vi Yawera ko hu buu ma luuna na.

JOEL 2:27

Agi hin wi ana an ka hu Israel, anni Yawe Loogina, lo ma daŋ kaɗi. Suu mansina hin ka mbuɗ ki zolo a fafaɗtaɗi.

DLAŊ LEVIRA 20:23

Humugi u gaɗta vi njaf suu ɦawa suu an min dikisi ki fokogi wannaɗi. An dikisi ki ni kay asi li dlara co ndaɗtara.

DLAŊ LEVIRA 26:15

lini agi noyon gaɗ manda kiyo, lini agi ka min a li u kaɓak mannaɗi, lini agi hin dlara an miniɗta ki wa ni, kay ndaɗta agi bulum galam manda an vaɗ u agira ki wa.

DLAŊ LEVIRA 26:43

Hu li ma suu Israelna njay kina ni ndaŋgara koɗ taɗ tu may, asi may ni fi ni warak ma kay dla coosirana may, kay asi hum ka u gaɗ mandaɗi, li ka u dlara an miniɗtaɗi may.

DLAŊ LEVIRA 26:44

Na may ni, lini asi ha ki hu mbassa vi suu ɦawana lay ni, an noyosi ka ki fafaɗɗi, tlasi ka gonokka a baasi ki bel bel gawɗi, ka a bulum galam manda u asira kiɗi, kay anni Yawe, Loosina.

ZAKARI 11:8

Na ɗaŋŋi an ci suu taa yoori suu hindina ki hu til ma dewna. An viɗ siɓpa ki u asi may, asi may ni hinin ki gaw.

EFESNA 2:22

Hu taɓpa u Yesura agi taɓ u suu hiŋŋa dew, mbuɗ Ziŋ Lonara ta nam kak huruɗ u Musuk mambara.

GA 8ATAMBARA 32:19

Yawe wi dla ndaɗta na ni irim co ɦay. Nam noy goryom suu njufiina u suu tamagina kiyo.

JOSUWE 22:19

Lini mbassa ɦagirara ka ki teteɗɗi, tuɗugi ay hu mbassa vi Yawera li ma Yawe ka kaki huna, mbay taɓagi u amiya, lagi dlara a duu u Yaweraɗi, lagi dlara a duu u ami a minigi givin ma togolla ki kay tagi keŋ li ma ŋgal ɓivunna ma vi Yawe Looyginanaɗi.

JOSUWE 22:31

Pinhas, ma goŋ mul ŋgol ma li ɓivunna, Eleazar, di goryoŋ Rubenna u goryoŋ Gadna u suu vi Manasena ana, «Ami wi ki ana Yawe ka dukuygiya kay ana agi li dlara co ka eg Yaweɗi, agi buɗ gorsegi suu Israelna ki ko Yawe wa.»

WIRA ŊGAYRA 21:3

An hum della di ay kay dlamba mulla eŋga ana, «Cecemi li kakŋa vi Lona ka duk suuna, nam hin kak u asiya, asi hin lini suu mamsina may, Lona tamba hin lini a Loosina, asi hin li a suu mamsina may.

WIRA ŊGAYRA 7:15

Ni kay ndaɗta asi ka coli fok dlamba mulla vi Lona, asi sun Lona njeŋge lay faali lay hu Ziŋ Lonara. Sa ma kaki kay dlamba mulla njun usi ni namu.