DLAŊ LEVIRA 25:14 - Boy Lonana

¹⁴ Kay ndaɗta lini aŋ gus sene maŋŋa ki ko wayaŋŋa ɗowba wayaŋŋa gusuŋ sene mamma ki koŋu, ni agi lagi tagi coɗi.

DLAŊ LEVIRA 25:14 ပူးပေါင်းရင်းမြစ်များ

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

SOOLLA 10:18

Aŋ hum tiina vi suu kuyuna, u suu wihawra. Kay ana sa ma kay ndaŋgara tanina, mba mbuɗ suuna ndaana oloɗi.

VUN ŊGOLNA 14:31

Sa ma las suu maŋina las ni malam ma lamma. Sa ma wi hahaw suu hawrana ŋga ni malasi ma lasina may.

VUN ŊGOLNA 21:13

Sa ma ŋgel humum ki eg tii ma vi suu maŋinana. Nam tamba hin yi kolo ni ka fi hoŋ diraɗi may.

VUN ŊGOLNA 22:16

Lassa las sa ma hawra ɦizimmi ɦizi na ɗow. Ҥal tlena ha maŋ sa ma ɦizina ni gam ki ni hawra na ɗow.

VUN ŊGOLNA 28:16

Mul ma ka neeyɗina las suuna cocoo. Sa ma ka min a vi warak ma kul ko saɗina ni buu mamma kay ndaŋgarana hin ɦuɗ foko.

VUN ŊGOLNA 28:3

Mul ma hawra va ka kombina tini zamal suu maŋiina. Nammi ko ndal lo ma paɗ baŋaana coco, ɓalak tlena kina na, gi suuna ki mayra.

VUN ŊGOLNA 28:8

Sa ma ɦiz tam u tlesuu kaasi kay suunana, bege mam ndaɗta hin tuɗ ki ni vi sa ma wi hahaw suu maŋinana.

DI BOLLA 5:8

Ko mul ma kak kay mbassana li ni sa ma min baraɗna ɦayna.

EZAYI 1:17

Haɗagi tagi a li jivira, halagi ni ɗegeera, njun u suu ka lasna. Li jivira maŋ suu kuyuna, njun kay boyogi suu donora.

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

EZAYI 58:6

Laara an miniɗta ni ko wandara na. Buɗ zew yara hurugira kiyo, fokogi zew nek dlaagira cora kiyo, hin suu li sunda fokogina ki buɗiya, lassa agi las suu fokogina halaŋ hiniɗ kiyo.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

DLAŊ LEVIRA 19:13

«Aŋ las ndaraŋ ma vok zina a yowom tlegeyem kiɗi. Buu sa ma laŋ sundana ndak wa ni aŋ warakam ki ni hu buu namma gaw buurumma ki koŋgi.

DLAŊ LEVIRA 25:15

Ŋga gus senena ni hu basara mba tew hu basara furira na may. Saa ki jivi kay basara feɗ tlena ay vora may.

DLAŊ LEVIRA 25:17

Ni ana dukugi ni sa li ii ndarambi, na may agi halaŋ lagi ndaa Lona. Anni Yawe, Loogina.

MISE 7:3

Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.

Boy Ma Ayra Ma LUK Ɓiirimma 3:14

Suu asgaana joɓom olo ana, «Ami hin li ni nana may ge?» Jaŋ dasi ana, «Tli va ko sa u eŋgaɗi. Juɓugi ni warak magira doy hol.»

1 KORINTNA 6:8

Dlara agi laɗ eg gorseginara, hin ɗegeera ki tani li kulna ni agi na ɗow.

SUU KAƁAKŊA 4:3

Suu Israelna yow tiina eg Yawe kay Sisera u pus pus kawina kom na kis kis dleeŋe. Nam las suu Israelna cocoo, basara na dok-mba'.