Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»
Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.
Sa ŋgol ma gol zi ma vi mulnana, Eliyakim ma goŋ Hilkiyana u sa ma ɓii dlara kaŋgana Sebma u bigawlana Yoak ma goŋ Azafna hoŋ ay eg Ezekiyas barawi masisina ki hariya, mba cuɗum boy ma sa ŋgol ma fun sa ma ŋgol asgaa suu Asirina damma.
Nam hin cuk suu vun sunda ha eg Ezekiyas olo dam ana, «Agi tuɗ dagi Ezekiyas, mul ma Yudana, ana, Loŋ ma aŋ maa taŋ um tin huruŋ kamma, ana Yerusalem ka hin ki hu duk ko mul ma Asirinaɗina.
Nam dasi ana, «Agi tuɗ dagi sa ŋgol magina ana, Yawe di ana, aŋ li ndaa ko boy ma aŋ humum nammaɗi, boy ma suu sunda vi mul ma Asirina dam ayna caa yaŋ kay ŋgulla asi ŋgulundaɗi.
Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.
Suu asina ni suu ka ii ɓakŋa maŋ suuna tew tewna. Dlara kal ki ŋgolla asi hin mbaaraŋga ay fokoŋ may. Ta gorira ni asi gaɗ iriɗ ha dukusiya. Feɗ nek ndaɗta ki kaŋ ɦiw, asi ndak zii nekka u aŋ may.
Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.
An ay jew ni sa ma duu u namma lay sa ma lasamma sa ma ŋgulumma lay ni nam Lona wan hahawan kay mege an ay jewni ka vi umbi ka wi dlara an a laɗtaɗi lay.
Dlaŋmagi ma ŋgolona yak ay ki kaŋga kay suuna nekem ŋga kelewna dok fiɗi. Suuna ŋgul Lona ko dla cora dlaŋmagina lasira egesira, kay ni dla cora su ki saɓakira.