DLAŊ LEVIRA 23:27 - Boy Lonana

²⁷ «Buu ma doogona hu til ma kiɗisyana ni buu ma bulum cora vi suuna kina. Agi lagi tokka teteɗta hu buu namma. Agi mbaa ɓivun ma ŋgalam kina maŋ Yawe. Li laara hu buu namma may.

DLAŊ LEVIRA 23:27 ပူးပေါင်းရင်းမြစ်များ

EZDRAS 8:21

An ɓak suuna fun lum ma Ahawana ana lami laara a mbuɗumi tami hahawra fok Looygina a hal heɓpa tuɗ bay loɓmara, aygi u goryoygiya u tlegeyeygi lay.

SOOLLA 35:13

Hu lima asi ka tuguɗiiyo ni an cuk tanni baraw bolna, an hoŋ yan gaa, li laara, an cen kasi may.

KALKIRA 30:10

Hu basa dew ni Aaron li ɓivun ma bulum cora kina yam dew, kay a mbuɗ li namma ki teteɗta. Ni ɓivun ŋgol ma bulum cora kina, nam li ɓivun namma yam dew hu basara tew tew, givin ma togolla namma li ki tew tew ni teteɗ fok Yawe.

EZAYI 58:5

Laa mayra an miniɗta li ni na su? Buu ma sana a hoŋ yam gana li ni ko ndaɗta na su? Ka ni ko ndal sana gi yam ga ko nekka camba ɦawa naɗi. Agi buu kay baraw bolna may, ga duk buɗna may ni laara gaw su? Ni a buu ma ii Yawe jivina gaw su?

DLAŊ LEVIRA 16:11

«Aaron li ɓivunna u bolo mbutlna kay coomba, nam li ɓivun ma bulum cora kina kay tamba kay suu mamsina halaŋ may. Hu li ma nam ŋgaɗ mbutl namma wa a li ɓivunna kay coombara ni li ni na.

DLAŊ LEVIRA 16:15

Ŋgoo danan nam ŋgaɗ ŋgek ma li ɓivun ma bulum cora vi suuna kina, tuɗ busuna ha ŋgoo gojolina hu li ma saɓaki teteɗna, nam li busu namma ni ko nam li u busu mbutlnara na olo, nam yam busuna kay Yam Zandukka may, fok Zandukka may.

DLAŊ LEVIRA 16:16

Nam li ɓivun ma bulum cora kina hu Li ma ki Saɓaki Teteɗna may, kay a mbuɗum ki teteɗ ko cora vi suunara u ŋgel vun masina, nam li kay Mbutluɓ ma Tokka ni ko ndaɗta na lay. Kay nam ka coli ni dukusi duk njenje masira.

DLAŊ LEVIRA 16:24

Nam mbus tam ki u yona hu li ma teteɗna, hin cuk barawi mamsina tamu, nam kal ay ki hin mba li ɓivun ma ŋgalam kina kay tamba u suuna halaŋ, nam li ɓivun ma bulum cora kina kay tamba, kay suuna may.

DLAŊ LEVIRA 23:26

Yawe hin di Moiz olo ana,

DLAŊ LEVIRA 23:28

Buu namma ni agi ka li sunda loɓ coco huɗi, kay ni buu ŋgol ma bulum cora kina, agi li ɓivun ma bulum cora kina kagi hu buu namma fok Yawe, Loogina.

DLAŊ LEVIRA 25:9

Buu ma doogona hu til ma kiɗisiyana ni buu ma bulum cora kina, buu namma ni agi ɦal voɗta a bu tokolomma ki kay yam mbas magira na halaŋ halaŋ.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

SUNDA 27:9

Lina kalami ay ki cocoo mbuɗ kami loɓ ŋgolo a lus fok u lum kawina na gak gakka. Kay buu ma li laara hu til semeɗna jak ki wa. Ni kay ndaɗta Pol dasi yasi ki ana,

Magaara JAK Ɓiiriɗta 4:9

Lagi hahawra, tiirigiya, yoorogi tagiya, mbuɗugi san magira ki tiina, furi magira jok ki yoora may.