DLAŊ LEVIRA 23:2 - Boy Lonana

² «Aŋ di suu Israelna ana, tokka agi yi suuna a li luunara ni tokka teteɗta, ni tokka vi Yawera, gola cani tokka agi a ŋgaf u an hura.

DLAŊ LEVIRA 23:2 ပူးပေါင်းရင်းမြစ်များ

2 MULINA 10:20

Jehu di ana, «Karam wanni tokka teteɗta vi Baalla kaa.» Asi yi suuna ay halaŋ halaŋ.

1 DLAŊ MULINARA 23:31

Ɓivun ma ŋgalam ki ŋgali ma ɦam maŋ Yawe kay buu ma vi Lonana, kay vun tilnana, kay luuna ko ndal ndumusi ma ki ɓiiri kaŋga a fafaɗta fok Yawena na.

2 DLAŊ MULINARA 2:3

Aŋ gola, an may ni min a min zira ŋgolla a yi sem Yawe Loonna hura, kay a lam sem ki teteɗ, a ŋgal mbitla his jivira fokomu, u fu ma cukum kay tabulla tew tewna, ŋgal ɓivun ma ŋgalam ki ŋgalina may, li ɓivun ma lam hu buuna tew tewna hu may, li ɓivun ma ŋgalam maɗii may, fiɗigi mayna hu may. Gol buu ma vi Lonna, buu ma wilina u buu ma luu ma vun tilna maŋ Yawe Loomina, hu na gak gak a fafaɗta kay suu Israelna.

2 DLAŊ MULINARA 30:5

Asi vi boy namma gijaŋŋa a ɓii ki maŋ suu Israelna halaŋ halaŋ col ha Berseba ta ta Dan, yasi ay kay a asi mbay ki hu Yerusalem li luu Pakŋa vi Yawe, Lo ma vi suu Israelna, kay asi lurum ka ki u suuna bolow sem dew ko gaɗta dira na tuɗi.

EZDRAS 3:5

Ŋgoo dagan wanni, asi hin li ɓivun ma ŋgalam ki ŋgali ma zeɗ zeɗna, ɓivun ma ŋgalam ki ŋgali ma vun til ma teteɗ ma vi Yawena hu buuna tew tew, kay suu ɦal ɦalla ɦawara u hurusi maŋ Yawena halaŋ lay.

SOOLLA 81:3

Gagi soolla luuna, buugi dadarina u diŋŋa u tlesuu luuna zeɗ zeɗ.

KALKIRA 32:5

Aaron hin min givin ma togolla fok va ma nam minim namma may. Ŋgoo dagan Aaron hin dasi ana, «Vinni luu ma vi Yawena.»

EZAYI 33:20

Gologi Siyon ɦoŋzi maygi ma li luuna huna, irigi hin wi ɦoŋzi ma Yerusalemma mbutluɓ ma um ka jok kiɗina nam hin kak heɓpa ni ko ndal pikki ma sa ka paɗam ki oloɗina na. Zewem ka a nja kiɗi lay a fafaɗta.

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

EZEKIYEL 44:24

Li ni dla ndi duk suu ta wa ni asi ni suu gi ii dlara, li ni ko gaɗ manda dira na. Asi golon gaɗ manda u neenda jiviya, saa kay buu ma luuna, gol buu ma vi Lonana jivi teteɗ may.

Magaara Vi Sa Jok Vun Lona OZE 2:11

Kay ndaɗta an hin hoŋ ay yow waanna hu liimu. Sum veŋ man ma wilina hu tilim may, an ɓaɗ baraw ma cili u tlimiɗ timigiina u baraw dlemba man ma ŋgayaɗ gin siili maɗtana kiyo.

JOEL 1:14

Mbuɗugi tagi ki teteɗ u laara lira, yagi tokka ɓivunna, tokogi suu ŋgolona u suu hu mbassana halaŋ hu zira vi Yawe Looginara, hin yagi Yawe.

JOEL 2:15

Buugi tokolomma hu Siyon, mbuɗugi tagi ki jivira u laara lira yagi tokka ɓivunna.

DLAŊ LEVIRA 23:1

Yawe di Moiz ana,

DLAŊ LEVIRA 23:21

Hu buu ma dew namma ni agi yi suuna ni halaŋ a li tokka teteɗta, agi ka li sunda loɓ coco hu buu nammaɗi. Gaɗ ndaɗta ni ka mbuɗɗi, ha kagi ni na gak gak basara u basara hu li ma agi cuki huna halaŋ.

DLAŊ LEVIRA 23:37

«Gola ca ni luu ma vi Yawe ma dlam ŋgolo cocona. Luu namma halaŋŋi agi yi tokka teteɗta a li ɓivun ma ŋgalam ki ŋgalina fok Yawe, irim zeɗ zeɗ, ɓivun ma ŋgalam kina, ɗowba ɓivunna u njaf wana, ɓivun ma min dukka ɗowba sum veŋŋa, ɓivunna irim zeɗ zeɗ u buuna zeɗ zeɗ may.

DLAŊ LEVIRA 23:4

«Gola ni buu ma luu ma vi Yawe ma daŋŋa, hu li ma agi ŋga buuna a ŋgaf tagi a li tokka teteɗtana.»

DLAŊ LEVIRA 23:44

Ko ndaɗta na Moiz di suu Israelna ki jivi kay luu ma asi lam a ŋgaf u Yawena.

NDUMBA 10:10

Hu buu ma agi a li furira ko ndal luu ma vun tilna na, ɗowba luu ma daŋŋa, buugi tokolomma hu li ma agi a li ɓivun ma ŋgalam kina u ɓivun ma mbaa heɓpana. Ni, an humun hin gan kagiya. Anni Lona, Yawe magina.»

NDUMBA 29:39

«Gola ni ɓivun ma agi lam maŋ Yawe hu buu ma ŋgaaginana. Ni doorogi ka kay ɓivun magi ma agi min a lam u min magiranaɗi, ɓivun ma ŋgalam kina, puura u njaf wana, sum veŋŋa u ɓivun ma heɓpa.»

Boy Ma Ayra Ma JAŊ Ɓiirimma 5:1

Fali ndaɗta suu Juifna tok a li luuna, ni Yesu tuɗ hu Yerusalem.

KOLOSNA 2:1

An min ana agi wi ki kay duu ma an ka duu kagina, kay suu Laodisena u suu bay wan u irisi tuna.

KOLOSNA 2:16

Hin sa kaagi ɓak kagi kay tlesuu agi tasina u suu agi casinaɗi, kay humba hum u buu ma luuna, u vun tilna, u buu ma vi Lonnaɗi.